O BLOG DAS INFRAESTRUCTURAS

A CONSELLEIRA DE POLÍTICA TERRITORIAL GARDA UN SILENCIO CÓMPLICE SOBRE OS CONTRATOS POLÍTICOS EFECTUADOS POR ABEL CABALLERO NO PORTO DE VIGO

2008-12-22T08:37:00.000Z

O PPdeG pregunta a Caride sobre a veracidade da relación de familiares de cargos do PSOE contratados no Porto de Vigo e divulgada polos medios de comunicación

A Xunta négase informar sobre o contido dos expedientes de subvención destes contratos

A Intervención Xeral do Estado afirmou que o incremento de persoal efectuado por Abel Caballero podería dificultar o funcionamento do Porto

A conselleira de Política Territorial, María José Caride, gardou, no Parlamento, un silencio cómplice en relación coas persoas vinculadas ao PSOE vigués e contratadas por Abel Caballero, cando era presidente da Autoridade Portuaria, para traballar nesa entidade.

Ao responder, esta noite, a unha pregunta do PPdeG sobre os contratos efectuados por Abel Caballero desde o Porto de Vigo, a conselleira de Política Territorial negouse a identificar aos beneficiarios. O deputado popular Ignacio López-Chaves preguntou á conselleira se era certo que entre as persoas contratadas pola Autoridade Portuaria figuraba algún concelleiro do PSOE dun municipio próximo a Vigo; se nesa relación figuraban netos de ex senadores do PSOE, sobriños dun secretario de Estado, parentes dun delegado da Xunta, así como vellos e novos afliados do PSOE. Ricardo Varela tamén evitou responder se foron contratados fillos de concelleiras do PSOE en Vigo.

A pesar das insistentes peticións do Grupo Popular, a conselleira negouse tamén a informar sobre o contido dos expediente das subvencións outorgadas pola Xunta á Autoridade Portuaria para financiar esas contratacións, malia que tales documentos deberían conservarse nos arquivos da Administración autonómica.

A Xunta de Galicia financiou, durante 2007, a contratación de 73 persoas por parte da Autoridade Portuaria de Vigo, a pesar de que a Intervención Xeral do Estado, na súa auditoría do ano 2006, xa puxera en dúbida esa ampliación do cadro de persoal, advertindo que, de materializarse, “incluso podería chegar a dificultar o seu funcionamento” (páxina 14 da auditoría).

“Estamos ante unha mentira máis sobre a utilización partidista do Porto de Vigo e por iso o presidente da institución se nega a facilitar copia dos contratos, que oculta ao Parlamento de Galicia e ao Congreso dos Deputados”, afirmou López-Chaves. O deputado popular recorda o cambio de criterio operado no Porto de Vigo en relación con este asunto, xa que mentres nun primeiro momento afirmou que entregaría copia dese contratos ao PPdeG, unha semana despois dese anuncio negouse a facilitar tal documentación.

“A XOIA DA COROA DO GOBERNO GALEGO TEN QUE PEDIR DISCULPAS POR ESTE PERÍODO DE INUTILIDADE, INEPTITUDE E A UTILIZACIÓN DO PODER DE XEITO PARTIDARIO”

2008-12-19T08:52:00.003Z

“Para o PSOE as autovías e o AVE sempre remataron en Valladolid e cando a Sra. Magdalena Álvarez chegou ao goberno o capítulo de inversión dos presupostos representaba 2,02% do PIB e agora descendeu ata o 1,58 (ano 2007)”

“Nos se pode xerar confianza nun país cando mais de 376 kilómetros acumulan un retraso medio de 27.7 meses o que supón un investimento superior aos 1000 millón de euros”

O voceiro de Infraestruturas do Grupo Popular Gómez Alonso indicou hoxe no Parlamento que a Conselleira de Política Territorial compareceu para “facerlle un lavado de cara ao bigoberno no tocante á política de infraestruturas erixíndose a xoia da coroa do goberno galego pero o que debería facer é pedir perdón por estes catro anos que pasarán a historia como un período de inutilidade, ineptitude, inxustiza e da utilización do poder de xeito partidario”.

Para o deputado popular a dilapación do traballo dos gobernos populares tivo lugar porque “para o PSOE as autovías e o AVE sempre remataron en Valladolid”. Indicou que cando a Ministra de Fomento chegou ao goberno o capítulo de inversión representaba o 2,02% do PIB (2004) e agora descendeu ata o 1,58% (2007). “De terse mantido o ritmo inversor dos gobernos do PP tódalas actuacións en materia de autoestradas, autovías e en alta velocidade ferrorivaria atoparíanse en servizo no ano 2010, incluídas as infraestruturas galegas ”.

RETRASO DE PRETO DE 28 MESES EN MAIS DE 376 KMS

Gómez Alonso indicou na súa intervención que non se pode xerar confianza nun país cando mais de 376 kilómetros acumulan un retraso medio de 27.7 meses o que supón un investimento superior aos 1000 millóns de euros:

Para o deputado popular os orzamentos carecen de credibilidade xá que a maior parte dos investimentos quedan adiados para o ano 2010 e seguintes e ao remate desta lexislatura tan só haberá 142,6 km de vías de alta capacidade en servizo de proxectos que o PPdeG deixou licitados ou en obras no ano 2005.Deste xeito nomeou a autoestrada de Santo Domingo-Ourense (licitada no 2005), autovía do Salnés (adxudicada no 2005), autovía Santiago-Brión (adxudicada no 2005), autovía Santiago-Ponteveda (no 2005 en obras en dúas fases), Nadela-Sarria (no 2005 en obras) e autovía do Barbanza (no 2005 pendente de execución).

O ULTIMO ANO DO PPDEG MOSTRA A INCAPACIDADE DE CARIDE

O deputado popular indicou que no derradeito orzamento da etapa de Núñez Feijoo ao fronte da Consellería de Política Territorial o programa de estradas incrementouse nun 166% respecto dos dous anos anteriores. Este incremento permitía licitar ou executar 196,9 km de autovías e autoestradas, 258,5 km de vías rápidas ou corredores (incluídos os 27 de Sarria-Nadela) e 652,6 km de estradas convencionais.

“O que fixo a Sra. Caride con esa herdanza foi dilapidala, paralizalo todo e retrasalo todo e pasará a historia como a mellor contadora de contos orzamentarios e a peor conselleira de infraestruturas de Galicia” indicou Gómez Alonso.

O deputado popular preguntouse como pode anunciar que vai dinamizar a economía galega a través da licitación de obra pública se os orzamentos que se aprobaron onte o crecemento dos investimentos foi o mais baixo e medra 4 veces menos que nos últimos orzamentos do PPdeG (6,13% fronte a 28,3%). Engadiu que pouca confianza poden xerar uns orzamentos onde o 20% das súas partidas están sen concretar, é dicir, son xenéricas, reflexando tamén unha falla de transparencia e rigor.

SEN INVESTIR 14.200 MILLÓNS EUROS NA PASADA LEXISLATURA

Gómez Alonso indicou que na pasada lexislatura no Estado deixáronse de investir 14200 millóns de euros en infraestruturas, o equivalente a un ano enteiro de inversión e a 340.000 empregos directos na construción. Así en Galicia os prazos anunciados e comprometidos no Plan Galicia estábanse a cumprir:

Autovía do Cantábrico: tres treitos xa estaban en execución, 6 treitos en redacción de proxecto e os 5 restantes en licitación de proxecto

As autovías de conexión co aeroporto de Santiago e o Porto da Coruña estaban xa en execución

Nas autovías Santiago-Lugo e Ourense-Lugo tiñan rematado o trámite de información pública

As novas autovías Pontevedra A-52 e Chantada-Monforte estaban en redacción do estudio informativo

As obras do Porto Exterior estaban licitadas no BOE do 25/2/2004

Ante esto o que fixo Magdalena Álvarez no seu primeiro ano da lexislatura socialista foi que as licitacións e as adxudicacións de Fomento en Galicia tan só supuñan o 1% do total e o 99% restante destinouse o Levante, Andalucía e Cataluña e comprometía cofinanciación do metro de Sevilla, Málaga e Granada. “O importe total das paralizacións superaba xa os 323 millóns de euros sepultando o Plan Galicia, o AVE e as autovías galegas matando todas as esperanzas de desenvolvemento económico a curto prazo desta terra” indicou Gómez Alonso.

O PPdeG DENUNCIA QUE OS ORZAMENTOS POLÍTICA TERRITORIAL DE 2009, “NON SON MÁIS CA CONTOS” QUE RETRASAN ATA 2012 A MAIOR PARTE DAS OBRAS PREVISTAS

2008-12-17T08:53:00.002Z

•O Grupo Popular insta a Quintana explicar cómo pretende afrontar o rescate da concesión da AP-9 e recorda que BNG e PSOE rexeitaron a proposta do PPdeG para que a Comunidade Autónoma asumise a titularidade da autoestrada

•Esixe a Caride que explique se é certo que Vigo non vai dispoñer de AVE por Cerdedo, como ten desvelado a Asociación de peritos e enxeñeiros de Galicia citando fontes das obras

•O 20% das partidas presupostarias de Política Territorial teñen carácter xenérico, sen concretar o seu destino final

•O PPdeG formulou emendas valoradas en 206,4 millóns de euros para mellorar os presupostos de Política Territorial de 2009, pero foron rexeitadas pola intransixencia do bipartito

•As principais demandas do PPdeG céntranse en mellorar as comunicacións ferroviarias, impulsar os proxectos de metro lixeiro da Coruña, Vigo e Santiago, establecer un fondo de compensación de peaxes e mellora a seguridade viaria con medidas como a instalación de biondas de dobre protección para motoristas

“As súas contas non son máis ca contos, pero contos cada vez peor contados que lle están a xerar problemas en moitos puntos do territorio galego”. Esta foi a conclusión do portavoz de Infraestruturas do Grupo Popular, Alejandro Gómez Alonso, no debate final dos orzamentos da Consellería de Política Territorial, este mediodía no Parlamento, onde cuestionou que a Xunta retrase ata o ano 2012 e seguintes o remate da maior parte das obras públicas que están en execución en Galicia neste momento.

Para o deputado popular, os debatidos hoxe serán os últimos presupostos elaborados por María José Caride e o seu equipo, aos que reprochou que teñan feito desaparecer o Plan de Infraestruturas do Transporte (PITGAL) das contas públicas autonómicas de 2009, que non consignan as partidas precisas para rematalo, “seguramente porque nunca se escomezou”.

QUINTANA DEBE EXPLICARSE

O voceiro de Infraaestructuras do Grupo Popular instou a Quintana explicar cómo pretende afrontar o rescate da concesión da AP-9, anunciado onte, e acusou aos nacionalistas de promover unha proposta contraditoria. Gómez Alonso recordou que tanto PSOE como BNG rexeitaron, na actual lexislatura, a proposta do PPdeG para que a Comunidade Autónoma asumise a titularidade das autoestradas que discorren por territorio galego.

De terse materializado a iniciativa do PPdeG, a Xunta podería ter influído na recente adquisición efectuada por Citigroup, condicionando a operación á ampliación de Rande e dos tramos máis saturados da principal autoestrada de Galicia.

¿QUEDARÁ VIGO SEN AVE POR CERDEDO?

Na mesma intervención, Gómez Alonso recordou que a Asociación profesional de peritos e enxeñeiros de Galicia ten advertido recentemente que a conexión de Vigo con Madrid por AVE se efectuará a través de Santiago, e non antes do ano 2013. Alertan tamén, citando fontes de profesionais que traballan nas obras, que a día de hoxe, non existen garantías de que a conexión directa Vigo-Ourense, por Cerdedo, se vaia construír nun horizonte inmediato.

Ante a gravidade desas afirmacións, Gómez Alonso instou á conselleira a confirmar ou desmentir tales informacións, dado que privar a Vigo do AVE por Cercedo sitúa á cidade nun escenario pouco competitivo.

CONTRADICCIÓN CO PLAN VIGO ÍNTEGRA

Confuso é tamén o tratamento presupostario que recibe o tan cuestionado Plan Vigo Íntegra, que malia ser defendido contra vento e marea pola conselleira Caride, tan só conta con partidas valoradas en 12,4 millóns de euros, malia que, para cumprir as previsións oficiais, precisaría dunha achega conxunta da Xunta e de Fomento de 166 M€ en 2009. Os datos revelan que a Xunta orzamentou un 90% menos do acordado inicialmente.

Os incumprimentos esténdense a todos os ámbitos nos que Política Territorial ten competencias. Para o Plan de Seguridade Viaria 2006-2010, cunha previsión inicial de investimento de 2.800M€, Política Territorial consigna só o 6,4% da partida que lle correspondería no vindeiro exercicio. Para superar esas carencias, o PPdeG formulou emendas por valor de 18,2 millóns de euros, dos que 14,3M€ irían destinados á instalación de elementos de protección para motoristas –dobres biondas- na rede viaria galega.

O deputado popular tamén cuestionou que, nun escenario de crise económica como o actual, no que a obra pública pode reactivar a economía, os investimentos de Política Territorial de 2009 medran tan só un modesto 3,3%, mentres que os gastos de persoal dese departamento se incrementan nun 14,81% desde 2006.

A credibilidade dos orzamentos de Política Territorial tamén queda en entredito polo feito de que o 20% das partidas figuran de xeito xenérico, sen concretar o seu destino final.

RETRASOS NAS OBRAS PÚBLICAS

Respecto á xestión da Consellería, Gómez Alonso preguntou qué confianza pode xerar Política Territorial cando os máis de 376 quilómetros de vías públicas en execución acumulan un retraso medio de 27,7 meses, o que significa que a inmensa maioría dos proxectos que se atopan en fase de construción non rematarán, no mellor dos casos, ata o ano 2012 e seguintes.

“A conclusión é ben clara: a nosa rede viaria segue estancada; os nosos grandes proxectos construtivos atópanse retrasados ou paralizados: Señora Caride: malgastou a herdanza do Partido Popular”, concluíu Gómez Alonso.

SEN ATENCIÓN A ASPECTOS ESENCIAIS

Malia as notables carencias dos orzamentos de Política Territorial do ano 2009, que non dedican a atención necesaria a aspectos esenciais como a execución das grandes obras públicas pendentes, a seguridade viaria, o impulso do transporte marítimo, metropolitano e ferroviario, o apoio aos concellos en materia urbanística ou as obras precisas para un axeitado acondicionamento e mellora da rede de estradas de titularidade autónoma, o Bipartito fixo caso omiso das emendas formuladas polo PPdeG coa intención de corrixir esas carencias e que, no seu conxunto, suporían partidas adicionais por valor de 206,4 millóns de euros.

De seguido, acompáñase un resumo dos grupo de emendas formuladas polo grupo Popular:

Concepto Incremento proposto (€)

• Impulso das grandes Infraestruturas 81.300.000
• Fondo de Compensación de peaxes 10.000.000
• Plans sectoriais e mellora da mobilidade 1.825.000
• Proxectos metro lixeiro A Coruña, Vigo e Santiago 1.684.546
• Transporte marítimo e metropolitano 6.600.000
• Impulso do transporte ferroviario 9.500.000
• Portos de Galicia 11.899.899
• Apio aos concellos en materia de urbanismo 1.831.001
• Obras en materia de urbanismo 1.800.000
• Estudos e proxectos urbanismo 1.060.000
• Estudos e proxectos en materia de estradas 4.181.000
• Obras de urbanización e humanización 11.280.000
• Mellora da Seguridade vial 18.250.000
• Acondicionamento e mellora da rede viaria 44.251.546

O PPdeG SINALA QUE PARA REMATAR AS OBRAS AO EIXO ATLÁNTICO E COMPLETAR O AVE CON MADRID AÍNDA RESTAN POR CONSIGNAR 5.300 MILLÓNS DE EUROS

2008-12-12T10:30:00.000Z

•A Memoria económica do ADIF acredita as reiteradas denuncias efectuadas polo PPdeG para poñer de manifesto que o Goberno central non executa os presupostos destinados á obra pública en Galicia

•Gómez Alonso acusa a Touriño de padecer un “síndrome de inferioridade” que lle impide enfrontarse á ministra de Fomento en defensa do AVE galego

Rematar as obras ao Eixo Atlántico de Alta velocidade e executar a conexión desta vía con Madrid a través do AVE require aínda un investimento adicional de 5.375 millóns de euros, segundo os cálculos efectuados polo PPdeG.

Alejandro Gómez Alonso, voceiro de Infraestruturas do Grupo Popular, á vista destes datos, e tendo en conta os escasos orzamentos consignados cada ano por Fomento a estas obras e a baixa execución destes presupostos, conclúe que resulta imposible que se cumpran as promesas oficiais de rematar as obras do AVE galego ano 2012.

MOITOS TRAMOS SEN INICIAR AS OBRAS SIQUERA

O deputado popular apunta que tan só as obras sen iniciar para conectar a Galicia coa Meseta a través do AVE necesitan dun investimento de 4.401 millóns de euros, cos que financiar as conexións Ourense-Vigo por Cercedo, Lubián-Ourense e Zamora-Lubián, como pode comprobarse no cadro que se axunta.

Simultaneamente, rematar as obras do AVE do Eixo Atlántico precisa aínda dun esforzo investidor adicional cifrado en 974 millóns de euros. Con esta suma, haberá que executar o enlace entre Vigo e a Fronteira portuguesa, pero tamén as conexións Uxes-Betanzos e Betanzos-Ferrol, todas elas sen iniciar sequera.

LIÑA MADRID-GALICIA (94.7 KM EN OBRAS)
(MADRID-OURENSE/ OURENSE-SANTIAGO/ OURENSE-VIGO)
LONXITUDE: 472.8 KM
CUSTE: 6.986 M€.

TREITOS EN OBRAS/ INVESTIMENTO TOTAL:
Ourense-Santiago: 85,3 km/ 1841 M€
Olmedo-Zamora: 92 km/ 708 M€

TREITOS SEN INCIAR/ CUSTE-INVESTIMENTO:
Ourense-Vigo por Cerdedo: 59,6 km/ 1456 M€
Lubian-Ourense: 104 km/ 1800 M€
Zamora-Lubian: 130 km/ 1145 M€

TOTAL: 293.6 km/ 4401 M€

LIÑA EIXO ATLANTICO
LONXITUDE: 237,7 KM
CUSTE: 2.802 M€.

TREITOS EN OBRAS/ INVESTIMENTO TOTAL:
Vigo-Pontevedra: 27,7 km/ 505 M€
Pontevedra-Santiago: 67,1 km/ 848 M€
Santiago- A Coruña: 64,1 km/ 640 M€

TREITOS SEN INICIAR/ CUSTE-INVESTIMENTO:
Frontera Portugal-Vigo: 24 km/ 394 M€
Uxes-Betanzos: 21,3 km/ 220 M€
Betanzos-Ferrol: 36 km/ 360 M€

TOTAL: 81.3 km/ 974 M€
INVESTIMENTO TOTAL PRECISO: 5.315 M€

O ADIF CONFIRMA AS DENUNCIAS DO PPdeG

Simultaneamente, Gómez Alonso agrega que a memoria económica do ADIF de 2007, unha publicación oficial, acredita a denuncia que o PPdeG leva moito tempo denunciando: que o Goberno central non executa os orzamentos que programa para Galicia. Ata tal punto foi así que na pasada lexislatura, o Executivo de Zapatero desviou a outras comunidades arredor de 2.000 millóns de euros presupostados inicialmente para Galicia.

Cómpre, polo tanto, en opinión do PPdeG, un compromiso expreso do Goberno central para que invista en Galicia ata o último céntimo das cifras presupostadas e de non facelo no correspondente exercicio orzamentario, que esa cantidade se acumule ao ano seguinte. “De pouco nos sirve que nos asignen cifras millonarias se despois se destinan a outras Comunidades”, lamenta o deputado popular.

“A pasividade e a compracencia do señor Touriño, afectado por un síndrome de inferioridade ante a ministra de Fomento, ten moito que ver con esta situación, xa que non é capaz de defender e conseguir os recursos que precisa o AVE galego”, conclúe Gómez Alonso.

“ESTAMOS ASISTINDO A DICTADURA DO TRAZADO NA CONEXIÓN DA A-57 CON VIGO PEINADOR NA QUE A CONSELLERÍA IMPÓN AS SÚAS DIRECTRICES EN CONTRA DA MAIORIA"

2008-11-27T11:29:00.001Z

•O deputado do PPdeG leu un comunicado dos veciños nos que piden a Xunta que actúe con sensatez e sentido común e deixen a prepotencia e a soberbia a un lado e os escoiten
•Gómez Alonso afirmou que co Plan Vigo Integra se condena aos veciños a indefensión mais absoluta xa que os terreos xa quedarían afectados con independencia de que se faga ou non o ramal
•Defendeu a alternativa 11 por ser a que menos afeccións e prexuízos produce

O deputado popular Gómez Alonso criticou hoxe no Parlamento a “ditadura dos trazados da Consellería de Política Territorial” xa que impón as súas directrices en contra da maioría na conexión da A-57 con Vigo Peinador. Gómez Alonso indicou que non se explica porque das 14 alternativas do ramal se escolle a peor, a máis longa, de maior impacto ambiental e mais cara, e pesares de contar coa oposición dos tres grupos municipais de Pontevedra e Sotomaior e do grupo do PP de Redondela.

O PPdeG defendeu a alternativa 11 do estudio informativo “pola redución das afeccións e prexuízos, e que conecta a A-57 partindo de Pazos de Borben-Os Valos (Mos)-Peinador, pero modificando o trazado que discorre pola parroquia de Vilar”. Para Gómez Alonso a elección do trazado proposto por Fomento afecta a 4 parroquias de Redondela, 114 edificacións e ten un sobrecuste de 100 millóns de euros sobre a proposta que defende o PPdeG.

Para Gómez Alonso o talante ditatorial da responsable da Consellería a leva a non recibir aos veciños para escoitar as súas demandas. Así o deputado popular fíxose eco dun comunicado redactado por estos nas que solicitaban sensatez e sentido común e que o goberno deixe de actuar con prepotencia e soberbia.

Segundo o deputado popular a situación é lamentable e insostible xa que co Plan Vigo Integra se condena aos veciños a indefensión mais absoluta “xa que aínda non se resolveron as alegacións do trazado do ramal pero co Plan os terreos, fincas e casas de tres concellos de Pontevedra, xa quedarían afectados urbanísticamente con independencia de que se faga ou non o ramal”.

O PPdeG RECLAMA QUE SE REVISE A SEGURIDADE DA AUTOVÍA DA BARBANZA ANTES DA INAUGURACIÓN E PIDE VALLAS DE SEGURIDADE EN TODOS OS PASOS ELEVADOS

2008-11-27T11:26:00.002Z

O portavoz parlamentario do PPdeG, Manuel Ruiz Rivas, insta á Xunta de Galicia a revisar todos os equipamentos de seguridade da nova autovía da Barbanza como paso previo á súa inauguración, despois do recente lanzamento dunha pedra, desde un paso elevado, á altura de Dodro, que acabou impactando sobre un vehículo que circulaba en dirección Rianxo.

Para evitar que sucesos deste tipo volvan repetirse, o PPdeG esixe á Xunta que instale vallas metálicas en todos os pasos elevados existentes sobre a autovía, similares aos que xa existían nos viadutos que cruzaban a anterior vía rápida da Barbanza.

“Blindar a autovía fronte á acción de gamberros e delincuentes que podan ter a tentación de poñer en risco a vida dos usuarios da autovía debe ser unha actuación prioritaria do Executivo bipartito”, apunta o voceiro do Grupo Parlamentario Popular.

Nesta liña Ruiz Rivas tamén advirte que o valado metálico instalado ao carón do trazado da autovía presenta puntos débiles que poden permitir o acceso de animais salvaxes á calzada, cos conseguintes riscos para os condutores. Tamén neste caso, o PPdeG insta á Xunta a revisar todo o valado e corrixir as deficiencias que podan detectarse.

PSOE E BNG FAN USO DA SÚA PREPOTENCIA HABITUAL,DAN AS COSTAS AOS VECIÑOS AFECTADOS E NÉGANSE A APOIAR A RETIRADA DO PLAN VIGO ÍNTEGRA PROPOSTA POLO PP

2008-11-12T11:56:00.002Z

•Reitera o compromiso de Feijóo de retirar o Plan Vigo Íntegra e facer un novo plan viario metropolitano

•Gómez Alonso topouse coa intransixencia dos socios do bipartito, empeñados en materializar un plan que contempla disparates como o carril-bici entre Vigo e Nigrán ou a variante de Ponteareas

•O equipo de Caride deseñou unha vía de alta capacidade para conectar Gondomar con Tomiño, que contan cunha estrada pola que só transitan 1.500 vehículos diarios, mentres non prevé mellora algunha para enlazar Gondomar e A Ramallosa, pola que circulan cada día 14.000 vehículos

Os deputados do PPdeG e do BNG no Parlamento de Galicia retomaron hoxe a prepotencia e o sectarismo que caracterizan o seu comportamento político e volveron dar as costas aos veciños afectados polo Plan Vigo Íntegra promovido pola Xunta e rexeitaron, no Pleno do Parlamento, unha moción na que o PPdeG reclamaba a retirada desa iniciativa como paso previo á elaboración dun novo documento xurdido do diálogo e do consenso, para superar a elevada contestación social da proposta actual.

A proposta do PPdeG foi defendida polo voceiro de Infraestruturas do Grupo Popular, Alejandro Gómez Alonso, que considera que o Plan Vigo Íntegra foi concibido como unha “chapuza” que pivota sobre 14 actuacións sen sentido que deben ser reconsideradas. Advertiu que, unha vez sexa aprobado definitivamente, todos os viais recollidos no Plan Vigo Íntegra quedarán incorporados á ordenación urbanística dos concellos, cos conseguintes prexuízos para os propietarios de vivendas e instalacións que van quedar afectadas.

Gómez Alonso reiterou, na súa intervención, o compromiso do presidente do PPdeG, Alberto Núñez Feijóo, de retirar o Plan Vigo Íntegra e facer un novo plan viario metropolitano

PROXECTOS SEN SENTIDO

Gómez Alonso instou, sen éxito, a socialistas e nacionalistas a votar a favor da anulación, en Gondomar, da vía de alta capacidade con Tomiño, a circunvalación de Gondomar (afectará a 50 familias e deséñase a partir dunha cartografía de 1995, completamente anticuada) e a variante de Vincios. Esta reclamación foi apoiada por unanimidade polo Pleno do Concello de Gondomar por entender que se trata de proxectos innecesarios.

En Tomiño, a vía de alta capacidade con Gondomar atravesaría 5 parroquias (Vilaza, Chain, Morgadáns, Peiteiros e Couso), desintegrando 8 núcleos de poboación e afectando directamente a máis de medio cento de vivendas. O actual enlace viario entre Gondomar e Tomiño rexistra un tránsito de pouco máis de 1.500 vehículos diarios, que non xustifica a construción dunha vía de alta capacidade. Pola contra, para a estrada que comunica Gondomar coa Ramallosa, pola que transitan 14.000 vehículos diarios, a Xunta non contempla mellora algunha, o que deixa en evidencia as carencias de Política Territorial.

Gómez Alonso tamén se referiu á necesidade de reformular e consensuar cos veciños a variante de Ponteareas, que co seu deseño actual afecta ás parroquias de Arcos, Fontenla e Angoares. O proxecto parte dunha cartografía anticuada e dun avance de PXOM que non foi aprobado. A chapuza complétase cun plano que non contempla o parque empresarial do Val do Tea e un proxecto que non prevé conectar coa A-52 ningún dos dous polígonos que están en trámite en Ponteareas neste momento.

CARRIL-BICI

Os populares galegos reclaman, ademais, a anulación do proxectado carril-bici entre Vigo e A Ramallosa, un proxecto aberrante e inservible que resulta prexudicial para o concello de Nigrán. Afectará a máis 791 parcelas, danando a particulares e empresas.

A Xunta xustifica esta actuación argumentando que vai incrementar a seguridade viaria, pero obvia que a estrada paralela rebasará, con 28.000 vehículos/día, o seu grao de saturación. Ademais, Gómez Alonso preguntou qué sentido ten construír un carril-bici que terá que atravesar máis de 60 enlaces. “¿Vai executar pasos elevado ou inferiores para superar estes obstáculos?”, preguntou o deputado popular.

ELEVADA AFECCIÓN EN REDONDELA E MOS

Como exemplo, o PPdeG aposta pola alternativa 11 para a conexión da futura autovía A-57 (Pontevedra-O Confurco) co Aeroporto de Peinador, en lugar da denominada alternativa 5, escollida pola Xunta e Fomento, malia que provoca unha elevada afectación de vivendas e outras construcións nas parroquias redondeláns de Cesantes, O Viso e Redondela.

Da prevista autovía Vigo-Porriño, o PPdeG cuestiona que con ela, o 28% do territorio do concello de Mos quede afectado por infraestruturas, ademais de supoñer unha alternativa inviable, que introduce o tráfico no centro da cidade de Vigo, complicando aínda máis a xa difícil accesibilidade desta urbe.

O Pleno de hoxe tamén serviu para que volvese aflorar, unha vez máis, a incoherencia do BNG, por apoiar en Santiago un plan que rexeitou nos diferentes concellos afectados da área de Vigo, como Tomiño, Ponteareas ou Gondomar, entre outros. Unha vez máis, os nacionalistas optaron por dar as costas aos afectados a cambio de manter a alianza co PSOE e apoiar os proxectos da conselleira Caride.

O PPdeG RECLAMARÁ A RETIRADA DO PLAN VIGO INTEGRA NO PLENO DO PARLAMENTO DA PRÓXIMA SEMANA

2008-11-10T10:03:00.000Z

•Considera que “unha chapuza con 14 actuacións sen sentido” que, de aprobarse, afecta a milleiros de veciños con actuacións como o ramal da A-57 en Redondela ou a autovía Vigo-Porriño

•As ideas de bombeiro de Política Territorial levaron a deseñar unha vía de alta capacidade para conectar Gondomar con Tomiño, que contan cunha carretera pola que só transitan 1.500 vehículos diarios, mentres non prevé mellora algunha para a conexión entre Gondomar e A Ramallosa, pola que circulan cada día 14.000 vehículos

O PPdeG defenderá no Pleno do Parlamento que se inicia o próximo martes unha moción para instar á Xunta a retirar o Plan Vigo Íntegra e reiniciar a súa tramitación, negociando o seu contido con todos os afectados para tratar de conseguir un documento de consenso, en lugar do elevado rexeitamento social que suscita a proposta que defende a conselleira Caride para articular as comunicacións viarias da cidade olívica e os concellos do seu contorno.

Alejandro Gómez Alonso, voceiro de Obras Públicas do Grupo Popular, entende que o Plan Vigo Íntegra, que define como “unha chapuza con 14 actuacións sen sentido que deben ser reconsideradas” non debe ser aprobado, xa que unha vez superado ese trámite, os diferentes viais previstos quedan incorporados á ordenación urbanística dos concellos, cos conseguintes prexuízos para os propietarios de vivendas e instalacións que van quedar afectadas.

ELEVADA AFECCIÓN EN REDONDELA

Como exemplo, o PPdeG aposta pola alternativa 11 para a conexión da futura autovía A-57 (Pontevedra-O Confurco) co Aeroporto de Peinador, en lugar da denominada alternativa 5, escollida pola Xunta e Fomento, malia que provoca unha elevada afectación de vivendas e outras construcións nas parroquias redondeláns de Cesantes, O Viso e Redondela.

Da prevista Autovía Vigo-Porriño, o PPdeG cuestiona que con esta nova vía, o 28% do territorio do concello de Mos queda afectado por infraestruturas, ademais de supoñer unha alternativa inviable, que introduce o tráfico no centro da cidade de Vigo, complicando aínda máis a xa difícil accesibilidade desta urbe.

A votación desta moción no Pleno do Parlamento tamén permitirá calibrar a coherencia do BNG, que deberá elixir entre seguir sendo fiel aos veciños de concellos como Tomiño ou Gondomar –onde rexeitou o Plan Vigo Integra- ou darlle as costas aos afectados para manter a alianza co PSOE e apoiar os proxectos da conselleira Caride. “Veremos qué votan os nacionalistas vindeiro martes”, agrega Gómez Alonso

Neste sentido, Gómez Alonso solicitará a votación por puntos das diferentes demandas recollidas na moción e desenmascarar definitivamente ao BNG.

PROXECTOS SEN SENTIDO

Neste sentido, o PPdeG convidará a socialistas e nacionalistas a votar a favor da anulación, en Gondomar, da vía de alta capacidade con Tomiño, a circunvalación de Gondomar (afectará a 20 familias e deséñase a partir dunha cartografía de 1995, completamente anticuada)e a variante de Vincios. Esta reclamación foi apoiada por unanimidade polo Pleno do concello de Gondomar por entender que se trata de proxectos innecesarios.

En Tomiño, a vía de alta capacidade con Gondomar atravesaría 5 parroquias (Vilaza, Chain, Morgadáns, Peiteiros e Couso), desintegrando 8 núcleos de poboación e afectando directamente a máis de medio cento de vivendas. O actual enlace viario entre Gondomar e Tomiño rexistra un tránsito de pouco máis de 1.500 vehículos diarios, que non xustifica a construción dunha vía de alta capacidade. Pola contra, para a estrada que comunica Gondomar coa Ramallosa, pola que transitan 14.000 vehículos diarios, a Xunta non contempla mellora algunha, o que deixa en evidencia as “ideas de bombeiro” de Política Territorial.

Gómez Alonso defenderá tamén no Pleno do Parlamento a necesidade de reformular e consensuar cos veciños a variante de Ponteareas, que co seu deseño actual afecta ás parroquias de Arcos, Fontenla e Angoares.

Simultaneamente, os populares galegos volverán reclamar a anulación do proxectado carril-bici entre Vigo e A Ramallosa, un proxecto aberrante e inservible que resulta prexudicial para o concello de Nigrán. Afectará a máis 790 parcelas, danando a particulares e empresas.

PSOE E BNG APOSTAN POLO PECHE DAS ESTACIÓNS DE TREN QUE QUEDAN EN DESUSO COA NOVA LIÑA DO AVE

2008-11-07T08:57:00.000Z

•A dobre moral permítelle á Xunta prometer potenciar os trens de cercanías ao tempo que desmantela as vías

•O PPdeG entende que desaproveitar a vía convencional do tramo Portela-Portas-Vilagarcía supón unha “perda histórica irreparable”

•Reclama un ramal ferroviario que comunique Portas co novo trazado á altura de Rubiáns

•Gómez Alonso reivindica a vixencia do ferrocarril como o “o mellor medio para garantir a mobilidade, a seguridade e o aforro enerxético”

Os grupos que apoian ao bipartito autonómico –PSOE e BNG- volveron visualizar hoxe no Parlamento de Galicia o seu apoio ao peche das estacións de tren convencionais que van quedando en desuso coincidindo coa posta en servizo dos novos tramos adaptados para a circulación do AVE. Socialistas e nacionalistas rexeitaron, na Comisión de obras Públicas do Parlamento celebrada esta tarde, unha proposición non de lei defendida polo Grupo Popular para instar á Xunta e ao Goberno central a paralizar o desmantelamento das vías en Portas e noutros trazados similares.

O voceiro de Obras Públicas do Grupo Popular, Alejandro Gómez Alonso, reclamou que canda as vías se manteñan os equipamentos de seguridade e comunicación para retomar a circulación, polos tramos que van quedando en desuso, de trens de pasaxeiros e mercadorías que podan seguir prestando servizo ás poboacións do contorno.

No caso de Portas, o PPdeG aposta pola construción dun enlace ferroviario que conecte esta localidade co novo trazado á altura de Rubiáns para facilitar a circulación de trens rexionais de media distancia que podan seguir utilizando os 50.000 habitantes que confirman a área de influencia desa estación.

PERDA HISTÓRICA

En xullo pasado entrou en servizo, con 39 meses de retraso, a denominada Variante de Portas, de 13,1 km de lonxitude, enmarcada no eixo atlántico de alta velocidade. O novo trazado, que discorre entre Portela e Vilagarcía, deixou en desuso o tramo de vía convencional que tiña estación en Portas, suprimindo o tren que prestaba servizo a esa localidade, feito que Gómez Alonso considerou unha “perda histórica irreparable”.

De feito, os propios veciños da localidade, teñen paralizado en diferentes ocasións os intentos de desmantelamento das vías cando os técnicos do ADIF trataron de iniciar a desmontaxe.

A decisión suscitou un enorme descontento social que canalizou a plataforma Salva o Tren, que xa leva recollido máis de 15.000 sinaturas de apoio e reclama da Xunta que articule redes ferroviarias de proximidade que aproveiten as vías anteriores ás obras do Ave e presten servizo de xeito paralelo á futura alta velocidade ferroviaria.

Para o PPdeG, a construción do trazado do AVE non debe implicar unha merma dos servizos ferroviarios convencionais, máxime tendo en conta que o tren constitúe “o mellor medio de transporte para garantir a mobilidade, a seguridade e o aforro enerxético”.

DOBRE MORAL DA XUNTA

Cando iso sucede, a Xunta carece dunha postura coherente en relación co futuro das comunicacións ferroviarias de curta e media distancia en Galicia. Mentres o presidente da Xunta afirma que Renfe considera viable a implantación de servizos de cercanías en Galicia e a Comunidade Autónoma promove unha campaña de propaganda na que anuncia a creación dun ente xestor de ferrocarrís, a propia Xunta consinte o desmantelamento das vías convencionais. Por se iso fose pouco, 15 días antes do anuncio de Touriño, o presidente de Renfe afirmaba no Congreso que esa compañía rexeita tal proposta por considerala non factible.

Como primeira medida, o PPdeG entende preciso poñer en marcha unha xerencia de cercanías ferroviarias en Galicia e efectuar un estudo de mobilidade que contemple as necesidades de oferta e demanda deste medio de transporte.

El PP pide la comparecencia de la ministra de Fomento para que explique en el Congreso cómo se hará la conexión de AVE de Ourense con la Meseta

2008-11-04T15:56:00.001Z

•Celso Delgado afirma que si el propio ministerio da como fecha para concluir las obras del Santiago-Ourense, que están ejecutadas al 70%, el 2012, es imposible que ese mismo año finalicen las obras del tramo Lubián-Ourense que aún no han sido licitadas en ninguno de sus subtramos
•Celso Delgado cree que ya que Magdalena Álvarez no aprovechó su visita de ayer a Galicia para dar plazos serios sobre la Alta Velocidad debe hacerlo en sede parlamentaria
•Los populares subrayan que en la nota oficial del Ministerio de Fomento no se da un solo plazo de los que la ministra dijo

El diputado popular Celso Delgado ha solicitado hoy la comparecencia urgente de la ministra Magdalena Álvarez, en la Comisión de Fomento del Congreso, para que explique en sede parlamentaria los planes de su Ministerio para realizar en tres años la conexión de AVE de Galicia con la Meseta.

Los populares entienden que si el propio Ministerio reconoce en una respuesta parlamentaria el 16 de octubre, que esperan concluir las obras del Santiago-Ourense, del que ya está ejecutado el 70%, en el 2012, no es posible concluir en la misma fecha unas obras, las de Lubián-Ourense, que todavía no han sido licitadas en ninguno de sus tramos y que son 104 kilómetros de una orografía muy complicada.

El PP recuerda que de los 330 kilómetros entre Medina y Ourense no hay nada hecho, por lo que pide al Gobierno que deje de mentir a los gallegos y al presidente Touriño que deje de ser cómplice de las mentiras del Ejecutivo.

El diputado ourensano cree que la ministra debe comprometerse en sede parlamentaria con Galicia, ya que en la nota oficial que su ministerio emitió ayer no figura un solo plazo de los que ella dijo verbalmente en su visita, por lo que los gallegos deben fiarse únicamente de su palabra y para los populares su palabra no es de fiar.

“Nos tienen acostumbrados a decir una cosa y hacer otra y por eso es importante que en sede parlamentaria adquiera el mismo compromiso que tan alegramente dijo en Galicia”, afirma Delgado, que recordó que Magdalena Álvarez es la misma ministra que aceptó crear una subcomisión de seguimiento de las infraestructuras en Cataluña y negó la de Galicia.

El PP cree que la ministra debe dejar de tomar el pelo a los gallegos y dar explicaciones serias sobre los plazos reales de llegada de la Alta Velocidad a Galicia y ya que Magdalena Álvarez no aprovechó para ello su visita a Galicia de ayer espera que lo haga en su comparecencia en la comisión de Fomento del Congreso.

GÓMEZ ALONSO ACUSA A CARIDE DE OFRECER “MENTIRAS E CONTOS CHINOS” Á COMARCA DO DEZA EN LUGAR DE COMPROMETER PARTIDAS PRESUPOSTARSIAS NAS CONTAS

2008-11-04T15:54:00.000Z

•PSOE e BNG volven dar mostra da súa incoherencia ao anunciar no Deza a conversión en autovía do corredor Lalín-Alto do Faro a pesar de que no Parlamento de Galicia votaran en contra hai escasamente tres semanas

•O PPdeG considera que a caída do número de expositores na Semana Verde é consecuencia directa da incompetencia de Méndez Romeu e revela quo o certame non debería terse aprazado

“Mentiras e contos chinos”. Esta é a conclusión do portavoz de Obras Públicas do Grupo Popular, Alejandro Gómez Alonso, logo da recente visita efectuada pola conselleira de Política Territorial a Rodeiro para anunciar o desdobramento do corredor Lalín-Alto do Faro para convertelo en Autovía.

Gómez Alonso recorda que tal anuncio carece de credibilidade algunha na medida en que con conta con un só euro presupostado nos Orzamentos da Xunta de Galicia para 2009 e que o Plan Director de Estradas de Galicia –elaborado por Política Territorial- tampouco contemplar dar continuidade a ese hipotética autovía a partir de Alto do Faro e Chantada cara Monforte de Lemos.

O único previsto no Plan Director de Estradas é un acondicionamento, é dicir un reasfaltado e corrección de radios das curvas do trazado actual. Por parte do Ministerio de Fomento, a Autovía Chantada-Monforte leva cinco anos a paralizada co estudio sen sacar a información pública.

O voceiro de obras públicas do Grupo Popular cuestiona, simultaneamente, a incoherencia amosada polos responsables locais do PSOE e do BNG na comarca do Deza, onde comprometen o desdobramento do corredor, malia que os deputados socialistas e nacionalistas votaron en contra desta proposta, hai escasamente dúas semanas, no Parlamento de Galicia. Foi despois de que o PPdeG formulase unha proposta de resolución na que reclamaba “a conversión da PO-533 (Alto do Faro-Lalín) en autovía, para a súa posterior unión co tramo Chantada-Monforte”.

LEXISLATURA PERDIDA

Insiste o deputado popular en que despois de unha lexislatura perdida para a comarca do Deza, os anuncios que Caride poda efectuar nesta área xeográfica carecen de credibilidade. A única actuación salientable de Política Territorial corresponde ao acondicionamento da estrada Silleda-Laro, de tan só 8 quilómetros, pero que está a ser executada a un ritmo anormalmente lento, cunha media de dous quilómetros por ano.

O PPdeG recorda a sucesión de mentiras coas que a conselleira de Política Territorial ten tratado de enganar aos habitantes dos concellos da comarca. Foi así cando asegurou que non había posibilidade de rebaixar a peaxe da Autoestrada Santiago-Alto de Santo Domingo, pero meses despois estableceu a gratuidade para os usuarios desa vía que circulen pola AP-53 cara Pontevea.

María Xosé Caride non aposta pola comarca do Deza, destina 8,8 me para liberar o treito ourensán, e Fomento cero euros para rebaixar a AP-53; constrúe un enlace en Piñor de Cea gobernado polo PSOE e ignora o enlace a Dozón; e no Plan de Reequilibrio Territorial a Xunta aposta porque a futura Autovía Santiago-Lugo (A-54) pase por Melide e non pola Agolada, como estaba previsto inicialmente.

SEMANA VERDE

Paralelamente, Gómez Alonso apunta que a intensa caída do número de expositores da próxima edición da Semana Verde de Galicia revela a “absoluta incompetencia” do conselleiro da Presidencia, José Luis Méndez Romeu, que “semella estar empeñado en borrar do mapa este certame”.

Aprazar ata o outono a celebración do certame constituíu, en opinión de Gómez Alonso, o primeiro dunha longa serie de erros cometidos polo Goberno bipartito en relación co recinto feiral de Silleda.

A XUNTA ENFRONTA A PEOR CRISE ECONÓMICA DOS ÚLTIMOS ANOS CUNS INVESTIMENTOS EN OBRAS PÚBLICAS QUE MEDRAN 4 VECES MENOS QUE NO ÚLTIMO EXERCICIO DO PPdG

2008-10-29T18:28:00.003Z

Fronte a un crecemento do 28,3% no ano 2005, o capítulo de investimentos de Política Territorial medrará só un 6,13% no ano 2009.

• Gómez Alonso, voceiro de Obras Públicas do PPdeG, considera que as contas de Política Territorial deixan en evidencia “os contos da señora Caride”, que non consigna as partidas necesarias para actuacións como o Pitgal, o Plan Vigo Íntegra ou o Plan de Seguridade Vial.

• O PPdeG reitera que a rede viaria segue estancada, con 367,4 km de obras en diferentes vías dependentes da Xunta que acumulan retrasos de preto de 30 meses.

• A pesar de que 2008 foi un ano “especialmente duro para os transportistas de mercadorías”, Política Territorial non habilita os cartos comprometidos co sector.

Santiago, 27 de outubro de 2008.- Nun escenario de intensa crise económica, a peor dos últimos anos, o capítulo de investimentos da Consellería de Política Territorial só medrara un 6,13% no ano 2009, catro veces menos que no último orzamento elaborado polo PPdeG, o de 2005, no que os investimentos aumentaron un 28,3%. “¿É así como pretende reactivar a economía?”, preguntou o voceiro de Infraestructuras do Grupo Popular, Alejandro Gómez Alonso, á conselleira de Política Territorial na comparecencia parlamentaria de María José Caride para explicar as contas dese departamento para o ano próximo.

Como efectos inmediatos desa insuficiencia orzamentaria, o voceiro de Obras Públicas do PPdeG considerou que as contas presentadas hoxe deixan en evidencia “os contos da señora Caride”, porque non outorgan a cobertura económica necesaria para executar todos os proxectos que veu anunciando con insistencia durante os últimos meses.

PROMESAS SEN RESPALDO PRESUPOSTARIO

Como exemplos, Gómez Alonso referiuse ao Plan de Infraestructuras do Transporte (Pitgal), que “desaperece como tal” por falta de cartos; o Plan Vigo Íntegra, que contará só con 12,4 millons de euros en 2009, malia que precisaría máis de 166 millóns de euros o ano próximo para facer realidade o anunciado investimento de 2.000 milllóns de euros ata 2020; o Plan Director de Estradas, ao que continúa consignando partidas para financiar a realización de estudos (1,7 M€ en 2009); ou o Plan de Seguridade Vial, ao que só asigna o 6,4% do orzamento que lle correspondería no ano próximo. “Sobran exemplos –agregou o deputado popular- para amosar que as súas contas non son máis ca contos”.

Ademais do escaso esforzo investidor do departamento, Gómez Alonso amosouse convencido de que “pouca confianza poden xerar uns orzamentos onde o 20% das súas partidas están sen concretar”.

Como exemplo da escasa confianza que Política Territorial transmite ao conxunto da sociedade galega, o deputado popular recordou que un total de 367,7 quilómetros de obras en diferentes vías de titularidade autonómica acumulan un retraso medio de 27,7 meses, cun orzamento superior aos 1.000 millóns de euros, segundo se pode visualizar no cadro que se axunta.

ACTUACIÓN KMS INVESTIMENTO M€ RETRASO
Variante de Carballo 10 25 12 meses
A Estrada- AP 53 4,1 3,02 36 meses
Carballo-Fisterra 60,83 128,17 24 meses
Vac Berdoias-Cee 10,5 33 24 meses
Brión-Noia 21,08 61,56 24 meses
Variante Noia 4,7 70 40 meses
Nadela-Sarria 26,8 81,83 15 meses
Sarria-Monforte 27,80 77,97 40 meses
Tui-A Guarda 24,30 59,16 40 meses
Ou- Celanova -
fronteira Portugal 61,34 70,38 24 meses
Autoestrada Dozón-Ou 30,4 82,58 12 meses
Cabreiros-Vilalba
Tercera Ronda 13,50 40,96 24 meses
Via Artabra 10,4 30 24 meses
Marin-Pontevedra 12,25 101 36 meses
Autovia Pontevedra-
Vilagarcía 4,4 27 36 meses
Vac Ferrol-San Cibrao 7,6 78 24 meses
37,4 125 36 meses
-----------------------------------------------------------------------
367,4 1.094,61 27,7 MESES

Nesta liña, Gómes Alonso apuntou que a credibilidade da conselleira Caride queda en entredito ao evidenciar que a maior parte dos investimentos necesarios para executar as grandes obras públicas pendentes de executar en Galicia quedan aprazadas para o ano 2010 e seguintes, con investimentos que suman 724 millóns de euros, que se desagregan na relación que se axunta:

Obras Previsión orzamentaria CPTOT ano 2010 e seguintes
Autovía Sarria-Monforte 1ª fase 105,3 millóns de euros
Bemposta-A52 8,7 millóns de euros
Vía Ártabra 92,9 millóns de euros
Acceso Porto de Brens 38,6 millóns de euros
Variante Carballo 10 millóns de euros
Vac Brión- Noia 15 millóns de euros
Variante Noia 60,3 millóns de euros
Variante A Guarda 16,3 millóns de euros
Vac Ferrol-San Cibrao 127,9 millóns de euros
Autovía Pontevedra-Vilagarcía
(Curro-Baión) 55,9 millóns de euros
Autovía Pontevedra-Vilagarcía
(enlace Curro) 25,7 millóns de euros
Vac Berdoias-Cee 38,3 millóns de euros
Vac Marín-Pontevedra 5,8 millóns de euros
Vac Tui-A Guarda 22,1 millóns de euros
Pontevedra-Curro 19,4 millóns de euros
Rolda Bulevard (ourense) 7,5 millóns de euros
Tunel Beiramar 34,7 millóns de euros
Plan Paradai 4,5 millóns de euros
Variante Allariz 4,8 millóns de euros
Ronda Este Lugo 9,7 millóns de euros
Acceso Porto Seco 10,8 millóns de euros
Baralla-Cadavo 9,8 millóns de euros

Esta sucesión de retrasos explica que ao rematar a actual lexislatura só estarán en servizo 142,6 quilómetros de vías de alta capacidade, dun total de 582 quilómetros que deixou proxectados o PPdeG no ano 2005. “A conclusión é ben clara: a nosa rede viaria continúa estancada e os grandes proxectos construtivos atópanse retrasados ou paralizados”, afirmou Gómez Alonso á vista dos datos. “Malgastou a herdanza do PPdeG”, agregou o deputado dirixíndose á conselleira.

Na súa intervención, Gómez Alonso tamén cuestionou os orzamentos da Dirección Xeral de Urbanismo, na que os gastos de persoal medran un 61%; e os da Dirección Xeral de Portos, que só crecen un millón de euros, malia a transcendencia destes equipamentos para a economía de Galicia.

SEN CARTOS PARA O TRANSPORTE DE MERCADORÍAS

O PPdeG bota en falta, ao mesmo tempo, as partidas económicas necesarias para financiar os 7 eixes de actuación comprometidos por Política Territorial co sector do transporte de marcadorías por estrada en Galicia, a pesar de que este “foi un ano especialmente duro para o sector”.

TOURIÑO ANUNCIA UN ESTUDIO DE VIABILIDADE DE CERCANÍAS QUE RENFE XA CONCLUIU DICINDO QUE NON VE VIABLE IMPLANTAR AS CERCANÍAS DE GALICIA

2008-10-24T09:14:00.000Z

O PPdeG convida a Touriño a apearse do coche oficial e do luxo de Monte Pío para comprobar como xa foron eliminadas oito estacións no eixo atlántico e outras 13 desaparecerán no futuro, deixando fóra de uso arredor de 120 quilómetros de vías convencionais que poderían usarse para cercanías

Galicia non dispón de un só euro para a mellora dos seus trens interiores, mentres Andalucía disporá de 1.055 millóns de euros para infraestruturas ferroviarias en 2009

Unha vez máis, a realidade desminte ao presidente da Xunta, que esta mañá volveu mentir no Parlamento cando afirmou que se vai mellorar o tren rexional en Galicia. Mentres Touriño alardea de melloras inexistentes, tanto Renfe como o Ministerio de Fomento néganse sistematicamente a implantar servizos de cercanías ferroviarias en Galicia, e mesmo desmantelan vías convencionais, como ten sucedido en tramos do eixo atlántico que quedaron en desuso coa entrada do novo trazado de vía dobre.

O portavoz de infraestructuras do PP de Galicia dixo que “Touriño anuncia un estudio de viabilidade de cercanías que Renfe xa concluiu dicindo que non ve viable a corto prazo implantar as cercanias de Galicia. O Presidente de Renfe afirmou, o pasado 9 de outubro no Congreso dos Deputados, que “hicimos un estudio sobre las cercanías, que llegó en síntesis, a las siguientes conclusiones:....hace practicamente imposible la implantación a corto plazo de un servicio de transporte público de ferrocarril...” (axuntase Diario de sesión do 9 de outubro do Congreso dos Deputados coa pregunta do deputado nacional do PPdeG, Celso Delgado, e a contestación do presidente de RENFE)

Alejandro Gómez Alonso, insta a Touriño a apearse do coche oficial e da vida de luxos de Monte Pío para que comprobe como, a día de hoxe, xa foron eliminadas oito estacións da liña ferroviaria que comunica A Coruña con Vigo (Bregua, Queixas-Londoño, Gorgullos-Tordoia, Ordes-Pontraga, Garga-Trasmonte, Oroso-Vilacide, Berdía e Portas). Outras 13 estacións serán eliminadas no futuro. Trátase das de Vila da Igrexa, Cerceda, Osebe, A Escravitude, Pontecesures, Catoira, Portela, Pontevedra Universidade, Arcade, Cesantes, Redondela-Picota, Redondela a Chapela.

INSULTO ÁS PERSOAS QUE RECLAMAN SALVAR O TREN

Que Touriño dixese hoxe que non se levantou nin se vai levantar ningunha travesa da vía convencional é un insulto aos centros de persoas que reclaman a implantación dun servizo de cercanías ferroviarias en Galicia. Como exemplo, o PPdeG recorda que os intregrantes de Salva O Tren teñen evitado tres intentos de desmantelamento da vía en Portas e outros catro intentos de manipulación dos elementos que conforman a vía férrea.

Neste escenario, Gómez Alonso lembra que mentres Galicia dispón de “cero euros” para a mellora da rede ferroviaria convencional ou para a implantación de cercanías, Andalucía contará, no ano 2009, cunha partide de 1.055 millóns de euros para actuacións deste tipo. Máis casos: tan só o núcleo urbano de Barcelona contará, tamén no ano próximo, cunha achega de 250 millóns de euros para trens de cercanías.

O PPdeG DETECTA ATA 22 GRANDES EIVAS NO PLAN VIGO ÍNTEGRA, ELABORADO POR POLÍTICA TERRITORIAL CON DATOS INCORRECTOS E CARTOGRAFÍA DESFASADA

2008-10-24T09:12:00.000Z

Bautiza a Caride como a “conselleira subprime” por auspiciar un Plan Vigo Íntegra plagado de erros e prexuízos para os veciños

Gómez Alonso plantexa, como alternativa inmediata, a construción da autovía Vigo-Pontevedra, a ampliación efectiva da ponte de Rande e a supresión da Peaxe no actual tramo da AP-9 entre Vigo e O Porriño

O PPdeG cuestiona a utilidade de actuacións contempladas como o carril-bici entre Vigo e Nigrán, a variante de Ponteareas ou a circunvalación de Gondomar, que suscitan un elevado rexeitamento veciñal

O voceiro de Infraestruturas do Grupo Popular, Alejandro Gómez Alonso, afirmou hoxe no Parlamento que a conselleira de Política Territorial converteuse na “conselleira subprime” na súa condición de promotora do Plan Vigo Íntegra, convertido nun plan de risco, polos erros e prexuízos que pode implicar para os veciños das comarcas que abrangue.

Nunha interpelación dirixida a María José Caride, seguida por ducias de veciños afectados, que se deron cita dentro e fóra do recinto do Parlamento, Gómez Alonso recordou que, non satisfeita con tardar tres anos en elaborar o Plan Sectorial de Vigo, a Xunta presentou un documento carente do mínimo rigor esixible. Manexa datos de tráfico anticuados, baséase nunha cartografía non actualizada, non analiza a mobilidade das comarcas nas que pretende implantar o plan e tampouco ten en conta variables de futuro esenciais como poboación, industria, crecemento demográfico, transporte público e de mercadorías ou previsións de futuro das infraestruturas ferroviarias.

MÁIS DE 20 GRANDES EIVAS

De feito, o Grupo Popular ten constancia da existencia de ata 22 grandes eivas no contido do documento, feito, que, ao seu xuízo, lle nega validez como plan sectorial de futuro. “Un documento xenérico, cunha base de datos sen actualizar, non é válido para establecer as directrices viarias do futuro da maior urbe de Galicia”, aseverou o deputado popular.

Entre os exemplos das incoherencias recollidas no Plan Vigo Íntegra, Gómez Alonso referiuse ao carril-bici entre Vigo e Nigrán, a variante de Ponteareas ou a circunvalación de Gondomar, que suscitan un elevado rexeitamento veciñal e carecen da utilidade que a Xunta argumenta.

Gómez Alonso instou á conselleira de Política Territorial a retirar o Plan Vigo Íntegra unha vez acreditada a elevada contestación social suscitada polo mesmo, xa que a pesar de que foi exposto coincidindo coas vacacións estivais, recibiu máis de 15.000 alegacións formuladas polos colectivos e particulares afectados. “Todo un récord”, subliñou.

Nesta liña, o voceiro de Obras Públicas do Grupo Popular convidou ao BNG a manter unha postura coherente e reclamar, como fixeron os nacionalistas na Deputación de Pontevedra, a retirada do Plan Vigo Íntegra por resultar “tóxico” para os cidadáns, ao igual que as hipotecas “subprime”.

ALTERNATIVAS A CURTO PRAZO

Para o PPdeG, os erros que poden derivarse da implantación do plan sectorial de Vigo poderían corrixirse cun cambio de criterio da Xunta que xirase arredor de catro grandes eixes. Como primeira alternativa, o PPdeG plantexa a necesidade de axilizar a construción da autovía Vigo-Pontevedra (A-57), que está paralizada, malia que o propio Touriño se comprometera a poñela en servizo ao longo do ano 2009. Sen embargo, as obras, de unha lonxitude de 55,4 kms e un custe de arredor de 400 millóns de euros, non poderán quedar rematadas ata, polo menos, os anos 2013 ou 2014.

A segunda das propostas consistiría en conectar a A-57 coa rede arterial de Vigo e o aeroporto de Peinador a través da alternativa 11, que Fomento rexeita aprobar.

Outras das medidas imprescindibles pasa pola necesidade de ampliar a ponte de Rande, que está a piques de colapsarse, mentres se esfuma o anuncio de ampliación da propia Xunta unha vez anunciada a venda da empresa concesionaria da Autoestrada. “En Galicia, a Xunta ofrécenos unha maqueta da ampliación de Rande, mentres o Ministerio de Fomento xa iniciou a construción da segunda ponte sobre a baía de Cadíz, cun investimentos superior aos 300 millóns de euros”, apuntou

A cuarta das propostas do PPdeG para solventar, a curto prazo, os problemas viarios que presentan Vigo a súa área próxima, consistiría en suprimir a peaxe do tramo da AP-9 entre Vigo e Porriño, como alternativa á construción da autovía proxectada. A supresión da peaxe resultaría máis económica que a construción da autovía que, por outra banda, podería provocar un prexuízo de 200 millóns de euros no concello de Mos, pola elevada afección que o novo vial podería provocar sobre o seu territorio.

A XUNTA APARCA O METRO DA CORUÑA E DE VIGO POR FALTA DE CARTOS MENTRES ANDALUCÍA RECIBE 1.055 MILLÓNS DE EUROS PARA OS SEUS FERROCARRÍS INTERIORES

2008-10-14T16:45:00.000Z

•A paralización do proxecto para dotar de metro lixeiro ás dúas cidades galegas revela o fracaso da consellería Caride como xestora, pero tamén a súa falta de peso político de Touriño para conseguir financiamento en Madrid

•O Goberno central non consigna un só euro para metro lixeiro nin para cercanías ferroviarias en Galicia, pero destinou 217 millóns de euros ao metro de Sevilla e dedicará 250 M€ en 2009 para trens de proximidade no núcleo urbano de Barcelona

•O PPdeG considera que Galicia debería seguir o exemplo de Porto, que cunha rede de 60 quilómetros de metro resolveu os problemas de tránsito e mobilidade da cidade a súa área metropolitana

A decisión da Xunta de dar carpetazo aos proxectos encamiñados a dotar á Coruña e a Vigo de cadansúa rede de metro lixeiro revela o fracaso do Goberno bipartito para arbitrar solucións satisfactorias aos crecentes problemas de mobilidade que rexistran as cidades galegas. O voceiro de Obras Públicas do Grupo Popular, Alejandro Gómez Alonso, recorda que o Goberno bipartito leva máis de tres anos sendo incapaz de implantar o Plan de Transporte Metropolitano que deixou en marcha o anterior Executivo do PPdeG, malia que as grandes urbes galegas e as súas áreas metropolitanas acusan crecentes problemas de tráfico que poderán resolverse, en gran medida, a través dunha axeitada rede de transporte público.

Ademais da incapacidade para xestionar e executar os proxectos de metro lixeiro, Gómez Alonso acusa ao presidente da Xunta e á súa conselleira de Política Territorial de carecer do peso político suficiente ante o Goberno central para conseguir os fondos económicos necesarios para cofinanciar a implantación desde modelo sustentable de transporte.

CERO EUROS PARA GALICIA

Así, mentres Galicia recibirá “cero euros” para a implantación do metro lixeiro, Sevilla contou con 217 millóns de euros para a súa rede de metro, e Barcelona recibe, nos Orzamentos de 2009, 250 millóns de euros para ferrocarrís de proximidade tan só no núcleo urbano. E mentres Galicia se ve abocada ao peche de estacións e ao desmantelamento das vellas vías do tren porque o Ministerio de Fomento se nega a financiar a implantación dunha rede de cercanías, o Goberno central concede a Andalucía 1.055 millóns de euros para a mellora da súa rede ferroviaria interior, tan só nos Orzamentos do Estado do ano próximo.

Neste escenario, e fronte á pasividade e comprecencia amosada polo Goberno de Touriño, o PPdeG avoga por promulgar unha lei de fomento do transporte público e aposta pola creación de consorcios metropolitanos de transporte que permitan definir servizos viarios e ferroviarios en cada unha das grandes cidades de Galicia, compatibilizando e coordinando as redes viarias, o transporte colectivo por estrada e as conexións ferroviarias de proximidade.

O EXEMPLO DE PORTO

O PPdeG considera que Galicia debería seguir o exemplo de Porto, que foi capaz de implantar unha rede metropolitana de metro de 60 quilómetros de lonxitude, que se ten revelado como unha solución idónea para resolver os problemas de tránsito e mobilidade da cidade do Douro e o seu contorno.

El PP demanda una gerencia de Cercanías en Galicia

2008-09-25T16:41:00.000Z

Celso Delgado recuerda que Galicia es la única comunidad del litoral sin este servicio

El PP cree que es de suma importancia para los gallegos que se implante en Galicia un servicio de Cercanías de trenes en condiciones y recuerda que éste era uno de los compromisos que ya figuraban en el pacto suscrito entre BNG y PSOE y que hasta ahora no se había cumplido.

Para Celso Delgado, este servicio debería, a su vez, contar con una mayor subvención pública que permitiera una oferta tarifaria competitiva y facilitara una mayor accesibilidad de los usuarios y un rápido incremento de la demanda; además de que este servicio debería estar coordinado con los Planes de Transporte Metropolitanos que promueve la Xunta de Galicia desde 2004.

El PP recuerda que Galicia es en la actualidad la única Comunidad Autónoma del litoral que acrece de servicio de trenes de Cercanías, cuando es un servicio que ayudaría a eliminar la "saturación" en los accesos a las ciudades y que permitiría absorber el 50% de los incrementos de tráfico que se producirán en los próximos años en la Autopista del Atántico.

Los populares gallegos proponen la puesta en servicio del tren de cercanías entre Tui-Porriño- Vigo-Pontevedra; A Coruña-Ferrol y Ourense-O Carballiño-Taboadela; Santiago con Padrón, Catoira, Vilagarcía y Portas.

El Partido Popular entiende que Renfe Operadora debe crear una Gerencia de Cercanías en Galicia, que será la encargada de planificar y definir los servicios y las frecuencias a implantar y de aportar los trenes necesarios para prestar este servicio; y ADIF tiene que determinar las necesidades de nuevas estaciones o apeaderos e ejecutar las obras correspondientes.

PSOE E BNG DAN AS COSTAS AOS VECIÑOS E NÉGANSE A MODIFICAR O VIAL TOMIÑO-GOIÁN, QUE AMEAZA CON ARRASAR Á ZONA MÁIS POBOADA DO CONCELLO

2008-09-25T16:38:00.000Z

Pérez Ares cuestiona a dobre moral de PSOE e BNG, que no concello de Tomiño rexeitaron o trazado proposto pola Xunta e no Parlamento o apoian esquecendo que antes das Eleccións reclamaban un vial polo monte, comprometido persoalmente por Touriño

Feijóo reuniuse cos veciños afectados que seguiron o debate desde a tribuna de convidados do Hemiciclo, cos que se comprometeu a anular a variante proposta polo bipartito e a construír un trazado menos lesivo despois das próximas Eleccións Autonómicas

A alternativa B elixida polo actual Goberno, é a de peor deseño, máis longa, menos operativo e con máis afeccións a vivendas que a anterior

Os grupos que sustentan ao Goberno bipartito galego volveron dar hoxe as costas aos veciños da comarca do Baixo Miño e negáronse a apoiar, no Pleno do Parlamento, unha iniciativa coa que o Grupo Popular pretendía instar á Xunta a anular os tres trazados alternativos propostos para o tramo Tomiño-Goián da vía de alta capacidade Tui-A Guarda.

A proposta estaba recollida nunha proposición non de lei defendida polo deputado popular César Pérez Ares, que cuestionou a dobre moral de PSOE e BNG, que os levou a rexeitar hoxe en Santiago unha proposta similar á que si apoiaron no concello de Tomiño.

E sorprende tamén o cambio de criterio operado nas filas do PSOE e do BNG en pouco máis de tres anos. Antes das pasadas Eleccións autonómicas, socialistas e nacionalistas rexeitaban calquera proposta (incluso as menos agresivas que as actuais) que non contemplase a execución dun vial polo monte, ata o punto de que o propio Touriño se comprometeu persoalmente a construír ese trazado, alonxado dos núcleos habitados. Sen embargo, desde a chegada do bipartito esa promesa esvaeceuse e a Xunta definiu tres alternativas moito máis agresivas que a prevista anteriormente polo PPdeG.

O PPdeG CHAMA A ATENCIÓN SOBRE A ELEVADA SINISTRALIDADE DE MOTORISTAS E RECLAMA UNHA REFORMA NORMATIVA PARA INSTALAR DOBRE BIONDA NAS VÍAS NOV

2008-09-24T10:29:00.000Z

•Reitera a proposta de reinvestir en Galicia o 100% da recadacións por sancións de trafico en Galicia

•O voceiro de Infraestruturas do Grupo Popular reclama unha sinalización efectiva de todos puntos negros e insiste na necesidade de potenciar o transporte público, arranxar os tramos perigos, fomentar o civismo ao volante e implantar programas de condución segura orientados á xente nova

•María José Caride reclamou 225 novos axentes de tráfico para Galicia, pero o nulo peso político de Touriño en Madrid levou a Interior a destinar só 42 gardas civís

Fronte ao discurso triunfalista da Xunta en materia de seguridade viaria, o Grupo Popular volveu chamar a atención sobre o incremento do número de accidentes nos que hai motos implicadas e, por iso, reclamou unha actuación específica orientada a este tipo de vehículos. Ao responder, esta tarde, no Parlamento, a unha comparecencia da conselleira de Política Territorial, o voceiro de Infraestruturas do Grupo Popular, Alejandro Gómez Alonso, reclamou unha reforma normativa para obrigar á Xunta a instalar gardarraís de dobre bionda (máis seguros para os motoristas) en todas as vías de nova construción.

Gómez Alonso anunciou que esta será unha das prioridades do futuro Goberno galego do PPdeG, que substituirá todos os quitamedos perigosos de aquí ao ano 2010, comezando polos instalados nos puntos negros máis conflitivos da rede viaria autonómica.

EXCESO DE TRUNFALISMO

O portavoz de Infraestruturas do Grupo Popular cuestionou o exceso de triunfalismo que exhibe a conselleira Caride en materia de seguridade viaria ata o punto de rozar a indecencia política e matizou que a redución global do número de vítimas é consecuencia da reforma legal que castiga coa cadea a condución temeraria e implantou o carné por puntos. A redución do número total de vítimas mortais- da que o PPdeG se felicita- non garda relación algunha co plan autonómico anunciado no seu momento por Caride, xa que 9 de cada 10 medidas contempladas nese documento continúan sen ser levadas á práctica.

Por iso, o PPdeG reclama da Xunta o inmediato cumprimento dos grandes compromisos recollidos no plan de seguridade viaria, como o fomento do transporte público, nun momento no que máis de 650.000 galegos continúan sen dispoñer de transporte metropolitano; habilitar as medidas necesarias para, nun horizonte temporal relativamente curto, eliminar os tramos de maior concentración de accidentes da rede viaria galega; fomentar o civismo ao volante a través das correspondentes campañas de sensibilización; e retomar os programas des prevención e formación en seguridade viaria, como Agora Moto, Non Sexas Dummie ou Condución Segura, que foran implantados polo anterior Goberno do PPdeG e foron suprimidos coa chegada do bipartito sen habilitar alternativa algunha, a pesar da elevada responsa social que suscitaran, sobre todos entre os mozos.

O voceiro de Infraestruturas do PPdeG reiterou tamén a necesidade de que Xunta e Goberno central reinvistan en Galicia o 100% do importe recadado na Comunidade Autónoma por sancións en materia de tráfico rodado.

INTERIOR REDUCE Á QUINTA PARTE AS PETICIÓNS DE TOURIÑO

Para reafirmar a inconsistencia das propostas de Caride, Gómez Alonso recordou que a propia conselleira chegou a anunciar que Galicia precisaba incrementar os Efectivos da Garda Civil de Tráfico que presta servizo en Galicia en 225 efectivos. Unha vez máis,a realidade e o nulo peso político de Touriño ante o Goberno central desdebuxaron ese anuncio coa decisión de Interior de asignar a Galicia tan só 42 axentes máis no ano 2008.

Igualmente, e mentres a Xunta solicitou á Dirección Xeral de Tráfico a implantación un plan especial para Galicia co que reducir a elevada sinistralidade. O certo é que dos 70 puntos de control habilitados na rede viaria galega, só o 20% dos radares están situados nos puntos negros das estradas. “O Plan especial quedou nun plan espacial”, agregou o deputado popular.

Na súa intervención, Gómez Alonso cuestionou tamén o escaso entusiasmo autonomista da Xunta actual, como evidencia a negativa do Goberno central a transferir a Galicia as competencias en materia de tráfico, a pesar de que un mandato unánime do Parlamento así o reclama.

Feijóo: ‘Serei implacabale na defensa da chegada do AVE a Galicia e en que se cumplan os compromisos”

2008-09-15T08:10:00.000Z

•A vía da Costa Norte que unirá Ferrol con San Cibrao, non estará rematada, alomenos ata o 2017, con seis anos de retraso

•A desidia do bipartito fai que a comarca se atope sen un só metro cadrado de chan industrial que ofrecer ás empresas

•Ano e medio despois de que Touriño presentase o Plan Ferrol, só se pode confirmar que se trata dun plan insuficiente

“Serei implacable na defensa da chegada do AVE a Galicia e en que se cumplan os compromisos. Ningén me vai frear na defensa dos intereses de Galicia. Precisamos recuperar un goberno que non se cale ante os agravios”, afirmou hoxe o Presidente do PPdeG, Alberto Núñez Feijóo.

‘A costume do bipartito é prometer e non cumprir e os ferroláns non merecen un Presidente da Xunta que non sexa de fiar’, engadiu o presidente dos populares galegos.

Feijóo, que visitou dentro da campaña ‘Galicia en voz alta’, as comarcas de Ferrol, Eume e Ortegal, asegurou que só así se pode entender que, nestes tres anos de lexislatura, o bipartito só fora capaz de presentar un Plan Ferrol ‘insuficiente’, deixando á cidade fóra do AVE, das autovías e sen un metro cadrado de chan industrial, necesario para a consolidación de empresas.

CERO QUILÓMETROS
No tocante ás infraestruturas, Feijóo achacou á falla de responsabilidade e liderado de Touriño o feito de que unha das infraestruturas máis importantes para a zona como é a vía da Costa Norte, que unirá Ferrol con San Cibrao e que suporía un revulsivo económico para o norte de Galicia vaía ser retrasada ata o ano 2017, rematando seis anos despois do comprometido.

Asimesmo, lembrou que os veciños da comarca seguen esperando pola mellora da estrada que une Cedeira-Ferrol, pola mellora da comarcal que discorre entre Ferrol e Mañón, cuias obras pararon en San Sadurniño, e pola mellora da vía que vai de Neda a Capela.

COA PLANIFICACIÓN DO PSOE, FERROL NON TERÁ AVE
O líder dos populares galegos considera que o Partido Socialista decidiu descolgar a Ferrol do AVE, encargando un novo estudio informativo para o subtramo Betanzos-Ferrol.

‘O AVE Ferrol-A Coruña –dixo- non só non avanzou nada, senón que a súa situación é moito peor que en marzo de 2004, xa que se decidiu reiniciar toda a tramitación administrativa, acumulándose un retraso mínimo de seis ou sete anos. Coa planificación do PSOE, o tren de alta velocidade non chegará a Ferrol’.

CERO METROS CADRADOS DE SOLO INDUSTRIAL
Feijóo afirmou, tamén, que a actitude do Bipartito fai que a comarca de Ferrolterra se atope sen un só metro cadrado de chan industrial que ofrecer ás empresas que queiran crecer na comarca.

‘En Ferrol, -recordou- o polígono de San Pedro de Leixa, que debería estar finalizado en 2007, non estará ata preto de 2011; a Plataforma loxística de Mandiá-Leixa está esquecida ao igual que o polígono de Cariño e o polígono de Valdoviño, dos que nada se sabe; e logo de tres anos paralizado, aínda se acaba de anunciar a adquisición de terreos para o polígono da Trabe de Cedeira’.

UN PLAN FERROL INSUFICIENTE E INCRUMPRIDO
En relación ao Plan Ferrol, o presidente do PP de Galicia dixo que, ano e medio despois de que Touriño o presentase, só se pode confirmar que se trata dun plan ‘insuficiente, incumprido nun 70%’.

‘Ano e medio despois, -afirmou- seguimos esperando que o señor Touriño faga público ese acordo coa SEPI polos terreos ociosos da antiga Astano; prometeu que nos PXE se contemplaría unha partida para o tren ao Porto Exterior, e non se contemplou nada en ningún lado; e prometeu a estrada ao Porto para o segundo semestre de 2007, cando non a teremos ata ben entrado 2009’.

Diante deste panorama, Feijóo asegurou que para sacar a Ferrol da crise na que a meteron os gobernos socialistas é necesario ‘un plan máis ambicioso, con compromisos concretos, con investimentos e prazos que permitan facer de Ferrol e a súa comarca unha zona de desenvolvemento industrial competitiva’.

O estado de abandono no que se atopan as obras do Auditorio; a desaparición do proxecto para instalar a Axencia Industrial, comprometida pola Consellería de Industria; e a parálise do Plan Director do Complexo Hospitalario Arquitecto Marcide, son outros incumprimentos aos que tamén fixo referencia Núñez Feijóo.

Rueda afirma que Touriño non é de fiar ao mostrarse cómplice do nulo interese do Goberno central co AVE galego

2008-09-15T08:09:00.001Z

•Asegura que o presidente non ten lexitimidade para ser el quen controle xunto á ministra de Fomento o estado das obras pendentes, xa que ambos carecen de credibilidade

•Afirma que un Goberno que non respecta as decisións adoptadas polo Congreso dos Deputados é un Goberno que cuestiona os valores da Democracia

•Cre que “AVE” e “PSOE” son termos incompatibles, e acusa aos socialistas de mostrar xa sen descaro as súas auténticas intencións: atrasar a chegada do tren de alta velocidade a Galicia tanto como poidan

•O BNG permanece calado e fai, xunto ao PSOE, de comparsa que ri as grazas a un Goberno que non respecta a Galicia

O secretario xeral do PPdeG acusou esta mañá ao titular da Xunta de ser cómplice do nulo interese do Goberno central para coas infraestruturas galegas. Rueda cre que, ao xustificar a decisión da ministra Salgado de non crear unha comisión de seguimento das obras pendentes no país a pesar de que así se acordou por maioría no Congreso dos Deputados, Touriño queda retratado como un político pouco fiable. O dirixente popular recordou que o presidente galego votou “si” á creación desa comisión no Parlamento galego, pero agora os deputados que el controla en Madrid e o Goberno do PSOE, partido no que milita, din todo o contrario.

Rueda cre que ou a Touriño non lle fan caso en Madrid polo seu nulo peso político e a súa escasa capacidade para influír nun suposto Goberno amigo, ou é el mesmo quen deu ordes de votar “non” a unha proposta na que non cría pero que impulsou desde aquí para non enfrontarse ao desgaste da opinión pública.

Para o secretario xeral dos populares galegos, os socialistas non fixeron máis que empezar a mostrar xa sen vergoña nin disimulos as que son as súas verdadeiras intencións no referido ás infraestruturas galegas: atrasar a súa posta en marcha o máis posible para poder investir noutras comunidades. Por iso rexeitan a posta en marcha de todo órgano que poida axudar a fiscalizar o estado das obras, a pesar de que para iso teñan que facer oídos xordos aos acordos alcanzados polas forzas no seo do Congreso dos Deputados. Rueda engadiu que un Goberno que pasa por encima dos mandatos da Cámara na que reside a soberanía do pobo é un Goberno que pasa por encima da Democracia.

UN PRESIDENTE SEN CREDIBILIDADE
En todo caso, cre que o presidente da Xunta, que se mostrou encantado de ser el quen controlará o estado das obras xunto á ministra de Fomento, non ten credibilidade para falar de infraestruturas posto que é un dos culpables dos atrasos que estas acumulan. Ademais, referiuse á postura do BNG, que apenas criticou a decisión da ministra Salgado e que segue empeñado en facer, xunto ao PSOE, de comparsa do Goberno central. Rueda lamentou que o Bloque siga rindo as grazas a un Executivo que non atende as necesidades de Galicia e que pisa os acordos alcanzados polas forzas tanto na Cámara galega como no Congreso dos Deputados.

Para Alfonso Rueda o espectáculo vivido onte en Madrid demostra que as palabras “AVE” e “PSOE” son incompatibles, e que non haberá tren de alta velocidade mentres dependa deste partido.

Por iso, e ante a situación actual, o portavoz de Infraestruturas do PPdeG, Alejandro Gómez Alonso, anunciou que pedirá na Cámara galega que se constitúa dentro do propio Parlamento galego a mesma comisión cuxa creación negou onte Salgado, así como que se elabore un calendario marco para, xa non de finalización senón de inicio das obras da AVE en Galicia e nos seus diferentes tramos. Tamén pedirá o Grupo Popular á Xunta que insista a Madrid para que a comisión que onte negaron si se constitúa finalmente, algo no que os populares non teñen demasiadas esperanzas dado o nulo interese de Touriño e dos socialistas galegos polas nosas infraestruturas.

Gómez Alonso recordou que para que a AVE estivese listo no 2012 que pregoan Zapatero e Touriño, habería que investir máis de 2.000 millóns cada ano, posto que quedan máis de 8.000 para terminar as obras. O deputado popular cre que, investindo 600 como din que farán, nunca chegariamos ao prazo marcado, polo que o PPdeG aliñouse coas teses defendidas o martes pola patronal galega: ao ritmo actual non haberá AVE no horizonte marcado polo Goberno.

O PPdeG RECLAMA A INMEDIATA CONSTITUCIÓN DA SUBCOMISIÓN DE SEGUIMENTO DO AVE E ADVIRTE QUE O PSOE NON QUERE TESTEMUÑAS INCÓMODAS NO SEO DESE ÓRGANO

2008-09-10T09:06:00.001Z

Recorda que Quintana se comprometeu con Feijóo a que a Subcomisión estaría integrada por representantes dos tres partidos políticos con representación parlamentaria

Ruiz Rivas apunta que “a garantía do 8% de investimento non serve de nada se non se vela pola execución do 100% do Presuposto”, en alusión aos 2.000M€ que o Goberno central deixou se executar en Galicia na pasada lexislatura

“Señor Touriño: agardo que a historia do Ave en Galicia non sexa a historia dunha ave-struz, a historia dunha ave-ntura ou a historia de como se ave-rgoña un país”

O portavoz parlamentario do Grupo Popular, Manuel Ruiz Rivas, reclamou hoxe a inmediata constitución da subcomisión de seguimento das obras do trazado da alta velocidade ferroviaria en Galicia e advertiu da posible existencia de manobras para excluír ao PPdeG dese órgano, dadas as aínda recentes manobras do PSOE para evitar, a toda costa, a presencia de testemuñas incómodas. A demanda foi efectuada no Pleno do Parlamento, durante o debate dunha proposición non de lei conxunta dos tres grupos políticos para instar á Xunta a que reclame do Estado a creación desa subcomisión de seguimento do AVE Galego.

Fronte a eses intentos, o voceiro popular recordou que o propio vicepresidente da Igualdade, que tamén xestiona as competencias sobre as relacións institucionais do Goberno central, comprometeu a súa palabra co presidente do PPdeG ao asegurarlle que a subcomisión estará integrada por representantes das tres forzas políticas galegas con representación parlamentaria.

DILACIÓNS INNECESARIAS

Ruiz Rivas afirmou non entender as manobras de dilación encamiñadas a retrasar a posta en marcha desta subcomisión, que foi proposta nun primeiro momento polo PP no Congreso dos Deputados, pero que se topou daquela co voto en contra do PSOE. “Os galegos e as galegas empezamos a estar cansos das discusións estériles que mantemos sobre estes prazos e queremos comezar a ver realidade. Só esperan da clase política un mínimo de decencia e credibilidade”, nun “asunto de país no que non deben existir paternalidades partidarias”.

Pola contra, os sucesivos retrasos na posta en marcha da subcomisión de seguimento do AVE foron interpretados por Manuel Ruiz como unha manobra deliberada para evitar que esta poda poida influír na elaboración dos presupostos xerais do Estado para 2009, “a verdadeira ferramenta necesaria para que o Ave sexa una realidade nos prazos comprometidos. Todo o demais son promesas baleiras de contido que só buscan seguir enganado ás galegas e aos galegos”.

UN 8% DE DUBIDOSA UTILIDADE

Nesta liña, agregou que “de nada sirve que asignemos un presuposto se despois non o executamos”, como sucedeu na pasada Lexislatura, na que o Goberno central deixou de investir en Galicia máis de 2.000 millóns de euros, a pesar de que estaban consignados para financiar actuacións nas grandes obras públicas pendentes na Comunidade. Deste xeito, “a garantía do 8% de investimento que incluímos nesta iniciativa non sirve de nada se non se vela pola execución do 100% do presuposto”, aseverou Ruiz Rivas.

Con todo, o orador insistiu en que o PPdeG mantén a “man tendida” aos grupos que sustentan ao bipartito para “crear este e cantos órganos poidan servir para darnos forza en Madrid”, máxime tendo en conta que “todos parecen coincidir, menos o señor Touriño, en que é imposible que Galicia teña Ave no 2012”.

RESPONSABILIDADE DE TOURIÑO, PERO TAMÉN DO BNG

O voceiro parlamentario dos populares galegos lembrou a responsabilidade e os compromisos adquiridos polo presidente da Xunta no ámbito das infraestructuras. Tamén incitou ao BNG a recuperar o espírito inconformista, alonxado das comodidades da moqueta e do coche oficial en defensa dos intereses de Galicia, e recordoulles a sua cota de responsabilidade na situación actual: se Magdalena Álvarez continúa como ministra de Fomento foi porque o BNG a librou da reprobación á que foi sometida no Congreso.

O GRUPO POPULAR PROPÓN BLINDAR A EXECUCIÓN DO PLAN DE ESTRADAS A TRAVÉS DUNHA COMISIÓN INTEGRADA POLOS TRES PARTIDOS E DESIGNADA POLO PARLAMETO

2008-09-09T17:09:00.003Z

O voceiro de Infraestruturas do Grupo Popular desvela que o Plan de Estradas da Xunta, presentado xa en dous actos públicos pola conselleira Caride aínda está sen redactar e limítase a un documento de power point

O voceiro de Obras Públicas do Grupo Popular, Alejandro Gómez Alonso, instou hoxe aos grupos que apoian ao Goberno galego a poñer en marcha a creación dunha Comisión de Seguimento das Infraestruturas Viarias do Plan de Estradas de Galicia para blindar a execución desas actuacións e evitar que se sigan acumulando retrasos que prexudican ao conxunto dos galegos.

A proposta de Gómez Alonso, efectuada ao debater unha moción no Pleno de hoxe, xurde despois de constatar que a parálise do Goberno bipartito afecta a unha rede de 367,5 quilómetros de vías de alta capacidade, que suman un atraso medio de máis de dous anos. O retraso condiciona tamén un investimento superior aos 1.000 millóns de euros, feito que demostra que o bipartito non está a acelerar a execución de obra pública para impulsar a crise, desautorizando así un dos argumentos de Touriño.

RETRASOS DAS VAC´S
ACTUACIÓN KMS INVESTIMENTO M.€. RETRASO
Variante de Carballo 10 25 12 meses (1 ano)
A Estrada- AP 53 4,1 3,02 36 meses (3 anos)
Carballo-Fisterra
Vac Berdoias-Cee 60,83
10,5 128,17
33 24 meses (2 anos)
24 meses (2 anos)
Brión-Noia.
Variante Noia 21,08
4,7 61,56
70 24 meses (2 anos)
40 meses (3,4 anos)
Nadela-Sarria 26,8 81,83 18 meses (1,5 anos)
Sarria-Monforte 27,80 77,97 40 meses (3,4 anos)
Tui-A Guarda 24,30 59,16 40 meses (3,4 anos)
Ou- Celanova - fronteira Portugal 61,34 70,38 24 meses (2 anos)
Autoestrada Dozón- Ourense
Cabreiros-Vilalba
Tercera Ronda
Via Artabra
Marin-Pontevedra
Autovia Pontevedra-Vilagarcía
Vac Ferrol-San Cibrao 30,4
13,50
10.4
12,25
4,4
7,6
37,4 82,58
40,96
30
101
27
78
125 12 meses (1 ano)
24 meses (2 anos)
24 meses (2 anos)
36 meses (3 anos)
36 meses (2 anos)
24 meses (2 anos)
36 meses (3 anos)
367.4 1.094,61 27.7 MESES (2 anos)
Para contextualizar esta parálise, o voceiro de Infraestruturas do Grupo Popular insistiu en que nos tres anos transcorridos desde o cambio de Goberno, o bipartito non licitou un só quilómetro das novas estradas ou vías de alta capacidade postas en servizo na actual lexislatura,. xa que todas son herdanza do anterior Executivo do PPdeG. por iso, dos 582 quilómetros previstos (presupostados e en avanzado estado tramitación cando mudou o Goberno), ao remate da actual lexislatura tan só entrarán en servizo 142,6 quilómetros.

PARÁLISE DA XUNTA E DO ESTADO

Paralelamente, o deputado popular denunciou que a parálise do Executivo autonómico vai acompañada dunha situación semellante nas actuacións que son competencia do Goberno central, que ten paralizados ou retrasados un conxunto de 432,2 quilómetros de vías de alta capacidade (Autovías do Cantábrico, Santiago-Lugo, Ourense-Lugo, Pontevedra-Confurco e Ourense-Ponferrada), o que, no conxunto dos últimos catro anos, implicou que en Galicia se deixasen de efectuar investimentos valorados en arredor de 2.500 millóns de euros.

Para superar esta situación, a moción defendida polo PPdeG propoñía que o Parlamento inste á Xunta a iniciar ou rematar, segundo a situación de cada proxecto, as seguintes obras, nos prazos que se especifican:

A-52-Celanova-Fronteira Portuguesa: 2008/09 - 100% treitos en obras
Autovía Ferrol-Vilalba: 2009 - 100% treitos en servizo
Autovía do Barbanza 2008 - 100% treitos en servizo
Autovía Santiago-Pontevea: 2008 - posta en servizo inmediata
(Enlace AP-53): 2008 - en servizo
Autovía Dozón-Ourense: 2008 - 100% treitos en servizo
Vac Nadela-Sarria : 2008 - 100% treitos en servizo
Vac Carballo-Fisterra: 2008 - 100% en obras
Vac Brión-Noia: 2008 - 100% treitos en obras
Variante de Noia: 2008 - Licitación Ponte sobre a -Ría Guarda: 2008 - 100% treitos licitados
2009 - 100% treitos en obras
Vía Ártabra: 2008 - 100% treitos licitados
Vac da Costa Norte: 2008 - 100% treitos licitados
Vac Sarria-Monforte: 2008 - 100% treitos licitados

Simultaneamente, o PPdeG considera preciso que a Xunta demande do Ministerio de Fomento as seguintes actuacións:

Autovía do Cantábrico: 2008 - 100% treitos iniciados
Autovía Lugo-Ourense: 2008 - 100% treitos licitados
2008/09- 100% en obras
Autovía Lugo-Santiago: 2008 -100% treitos licitados
2008/09 - 100% en obras
Autovía Pontevedra-Vigo: 2009- 100% en obras
Autovía Chantada-Monforte: 2008- licitación conxunta Proxecto e obra

SEN RASTRO DO PLAN DE ESTRADAS

O voceiro de Infraestruturas do Grupo Popular tamén denunciou na súa intervención que pese ás dúas presentacións públicas efectuadas pola conselleira de Política Territorial, é o certo que, a día de hoxe, a Xunta aínda non ten redactado o Plan de Estradas de Galicia. O único soporte documental dispoñible, agregou Gómez Alonso, é o power point utilizado por Caride nas presentacións.

Gómez Alonso recordou que Touriño presentou o Plan de Estradas “a bombo e platillo” e que a día de hoxe, tres meses despois, non se sabe nada do mesmo.

“O único que certifica ese feito é que os obxectivos do Plan Director de Infraestruturas e do Plan Galicia quédanlle moi grandes a este Goberno e non serán capaces de cumprilos ata 2020. De feito, Caride nin sequera foi quen de aprobar o Plan de Estradas provisionalmente, nin moito menos de levalo ao Consello da Xunta nin de sometelo a información pública”, afirmou o voceiro de Obras Públicas do Grupo Popular.

Gómez Alonso cre que o PSOE especula sobre como ten que ser o AVE galego porque ainda non fixo nada

2008-09-08T08:32:00.001Z

2012 é unha mentira on é posible falar de datas de remate cando nin tan sequera houbo data de comezo
“As vías do AVE non son rectas nin retorcidas, senón que simplemente non existen”, recorda a Touriño
Cre que “o retorcido son as mentiras de Touriño, quen parece que volta as andadas de cando era Secretario de Infraestruturas”
Considera que o PSOE non quere que todos os partidos participen da Comisión de seguimento do AVE porque “non hai ningunha obra que mostrar, e si demasiadas mentiras que agochar”

O voceiro de infraestructuras do PPdeG, Alejandro Gómez Alonso, considera que “o feito de que a estas alturas o Goberno se estea a replantear como ten que ser o AVE galego é a demostración de que ata o de agora non se fixo nada” polo que non é posible que se cumpran os prazos comprometidos para rematar a infraestructura. Así, lamentou que “unha vez máis Touriño se reitere na mentira do 2012” e considera que, “se as obras estiveran en marcha e avanzaran nos prazos comprometidos non habería lugar a especulacións sobre as caracteristicas e trazado da liña de alta velocidade galega”.

Deste modo, Gómez Alonso advertiu que “non é posible falar dunha data de remate cando nin tan sequera hai data de comezo en moitos tramos, e cando a hai, non se cumpre”.“2012, tal e como está a actuar o goberno, é unha mentira dita con números” dixo Gómez Alonso, quen lamentou que o Presidente da Xunta teña collido “o costume de enganar aos galegos como o fai coa situación económica, a aplicación da Lei da Dependencia ou nas infraestructuras”. Así, dixo, “o que é retorcido son as mentiras de Touriño, que parece volta as andadas de cando foi Secretario de Infraestructuras e borrou a Galicia do mapa do AVE”.

Gómez Alonso valorou as declaracións de onte de Touriño como “unha escusa non pedida, acusación de manifesto” e aclarou que “as vías do AVE non son nin rectas nin retorcidas, senón que lamentablemente non existen” e definiu a Zapatero, Touriño e Magdalena Álvarez como “un equipo perfecto para non facer nada”.

Por iso, engadiu o voceiro do PPdeG, o PSOE rexeitou que todos os partidos participaran na comisión de seguimento do AVE, “porque non hai ningunha obra que ensinar e hai demasiadas mentiras que agochar”.

O anuncio da nova modificación do trazado Rendondela-Vigo confirma as mentiras de Touriño sobre a chegada do AVE en 2012

2008-08-21T13:04:00.001+01:00

•A este ritmo o AVE do Eixo Atlántico non estará listo ata 2015, ‘como mínimo’, e o AVE de conexión coa Meseta non estará, ‘sendo optimistas’, ata 2018

•Asegura que o PSOE é un partido que engana por sistema: ‘engana coa crise económica, engana co financiamento autonómico e engana co AVE e cos seus prazos’

•Reitera a necesidade, ‘máis ca nunca’, da constitución, en setembro, da subcomisión de seguimento do AVE galego aprobada no Congreso

O anuncio por parte do Goberno central da modificación do trazado do AVE entre Redondela e Vigo, e o oscurantismo sobre as súas características e novos prazos, confirman as mentiras de Touriño, diante da imposibilidade material de que o tren de alta velocidade estea operativo en 2012.

O voceiro de Infraestruturas do Grupo Popular, Alejandro Gómez Alonso, lembra amais que, con esta nova modificación do trazado, non só se confirman novos retrasos senón tamén a dobre moral á que nos ten acostumados o Partido Socialista de dicir unha cousa en Galicia e a súa contraria en Madrid.

‘Só así se entende –di o voceiro popular- que os máximos responsables do bloqueo do AVE en Galicia: o señor Touriño, o señor Zapatero e a ministra de Fomento, Magdalena Álvarez, sexan á vez os campións dos anuncios da chegada desta obra’.

UN PARTIDO QUE ENGANA POR SISTEMA
Neste sentido, Gómez Alonso, asegura que o PSOE é un partido que engana por sistema: ‘engana coa crise económica, engana co financiamento autonómico e engana co AVE e cos seus prazos’.

O voceiro popular lembra que o único certo, tras cinco anos de goberno socialista, é que aínda hai cero quilómetros electrificados e que, co estado actual de tramitación, preto do 80% do AVE galego aínda se atopa en fase de estudio e proxecto.

O AVE DO EIXO ATLÁNTICO NON ESTARÁ ATA 2015
O deputado do Partido Popular de Galicia subliña que a este ritmo o AVE do Eixo Atlántico non estará listo ata 2015, ‘como mínimo’, e o AVE de conexión coa Meseta non estará, ‘sendo optimistas’, ata 2018.

‘Tal e como van as cousas e ante os atrancos que o PSOE está a poñer, os galegos teremos que esperar aínda case unha década máis para que o AVE chegue a Galicia’.

CONSTITUCIÓN DA SUBCOMISIÓN DE SEGUIMENTO
Diante desta situación, Gómez Alonso reitera a necesidade, ‘máis ca nunca’, da constitución, en setembro, da subcomisión de seguimento do AVE galego aprobada no Congreso.

‘Ante este nova modificación dun trazado e a negativa de Fomento de concretar datos sobre a súas características e prazos, faise necesario –afirma- que a subcomisión se constitúa, sen máis dilacións e inescusablemente, en setembro, tal e como estableceu a Cámara baixa’.

O PPdeG cualifica os anuncios de Touriño como “un insulto á intelixencia dos galegos” ante a imposibilidade material de que o AVE estea operativo 2012

2008-08-21T12:44:00.003+01:00

Cinco anos de goberno socialista: 0 kms de AVE e, co estado actual de tramitación, o 88,82% do AVE galego aínda se atopa en fase de estudio

Para a posta en servizo do AVE galego en 2012 é necesaria unha inversión de máis de 8200 millóns de euros, máis de 2600 millóns ao ano

O PPdeG insta a Touriño e a Zapatero a constituír, en setembro, sen máis dilacións, a Subcomisión de seguimento aprobada no Congreso do Deputados

Iniciativa PPdeG para evitar máis retrasos no AVE
•Proposición non de Lei para que se acorden novos prazos de inicios das obras de xeito que, en 2009, se inicien as obras en 88.3 kms do AVE Lubián-Ourense e se licite o proxecto e obra de 385,3 kms do AVE interior

O voceiro de Infraestruturas do Grupo Popular, Alejandro Gómez Alonso, cualificou, hoxe, os anuncios de Touriño “dun insulto á intelixencia dos galegos” ante a imposibilidade material de que o AVE estea operativo en 2012.

Gómez Alonso referiuse, así, á dobre moral á que nos ten acostumados o presidente da Xunta, de dicir unha cousa e logo facer a súa contraria. ‘Só así se entende –dixo- que un dos máximos responsables, xunto a ministra de Fomento, do bloqueo do AVE en Galicia, sexa á vez o campión dos anuncios da chegada desta obra’.

‘Desde que Touriño é presidente da Xunta –lembrou o voceiro popular- cóntanse por ducias os anuncios de obras rematadas do AVE, chegando incluso a anunciarse remates de tramos para datas nas que non estaban previstas nin tan sequera as licitacións’.

5 ANOS DE GOBERNO SOCIALISTA, O KMS DE AVE
Fronte a este ‘festival de irresponsabilidade’, Gómez Alonso lembrou que a realidade mostra unha situación moi diferente da que pinta o presidente da Xunta, ‘xa que tras cinco anos de goberno socialista –subliñou- aínda hai 0 quilómetros electrificados e, co estado actual de tramitación, o 88,82% do AVE galego aínda se atopa en fase de estudio e proxecto’.

SITUACIÓN DO AVE GALEGO
(**en base á tramitación actual)

Liñas
Lonxitude
Kms en Fase de Estudio e proxecto
Kms en Servizo
Kms Electrificados

MADRID-GALICIA
Madrid-Ourense Ourense-Santiago Ourense-Vigo
472.8 Kms
310.7 Kms
0 Kms
0 Kms

EIXO ATLÀNTICO
237.7 Kms
76.6 Kms
57 Kms
0 Kms

OURENSE- LUGO
103.3 Kms
95.8 Kms
0 Kms
0 Kms

LUGO-BETANZOS
92 Kms
92 Kms
0 Kms
0 Kms

PALENCIA-LEÓN-PONFERRADA-MONFORTE
331,4 Kms
305.1 Kms
0 Kms
0 kms

FERROL-ASTURIAS-CANTABRIA-BILBAO
450 Kms
450 Kms
0 Kms
0 kms
8000 MILLÓNS DE EUROS EN TRES ANOS
O voceiro popular asegurou que para a posta en servizo do AVE galego en 2012 é necesaria unha inversión de máis de 8200 millóns de euros. ‘Estamos a falar –subliñou-, de máis de 2600 millóns ao ano’.

LIÑA
TREITO SEN INICIAR
CUSTE INVERSIÓN

MADRID-GALICIA
Ourense-Vigo
Lubián-Ourense
Zamora-Lubián
3256 Millóns euros

EIXO ATLÀNTICO Frontera Portugal-Vigo
Uxes-Betanzos Betanzos-Ferrol 974 Millóns euros

OURENSE- LUGO Ourense-Monforte Monforte-Lugo 637.6Millóns euros

LUGO-BETANZOS 780 Millóns euros

PALENCIA-MONFORTE Ponferrada-Monforte 1210 Millóns euros

FERROL-BILBAO Ribadeo-Ferrol 1410 Millóns euros

TOTAL 8267.6 Millóns euros

SUBCOMISIÓN DE SEGUEMENTO EN SETEMBRO
Diante do bloqueo que está a sufrir o tren de alta velocidade en Galicia, o PP insta a Touriño e a Zapatero a constituír, en setembro, sen máis dilacións, a Subcomisión de seguimento aprobada no Congreso.

‘O que demandamos –reiterou o voceiro popular- é que inescusablemente esta subcomisión se constitúa, tal e como estableceu a Cámara baixa’.

INICIATIVA PARA EVITAR MÁIS RETRASOS NO AVE
Asimesmo, Gómez Alonso anunciou, tamén, que o Grupo Popular ven de presentar, no Parlamento, unha nova iniciativa co obxecto de evitar máis retrasos no tren de alta velocidade galego. ‘Trátase –afirmou- dunha Proposición non de Lei coa que pretendemos que a Xunta faga, dunha vez, os seus deberes e se acorden novos prazos de inicios das obras do AVE en Galicia’.

Segundo explicou o deputado popular, con esta proposta conseguiríase que:

-EN 2008: se liciten o 100% das obras do Eixo Atlántico e o 30% do AVE Lubián-Ourense

-EN 2009: se inicien as obras en 88.3 kms do AVE Lubián-Ourense; e se licite o proxecto e obra de 385,3 kms do AVE interior

-EN 2010: se liciten proxecto e obra do AVE Cantábrico

O PPdeG PROPÓN UBICAR NO ENTORNO DA ESTACIÓN BOTOS-LALÍN UNHA PLATAFORMA LOXÍSTICA INTERMODAL PARA POTENCIAR A COMPETITIVIDADE DAS EMPRESAS DO CENTRO

2008-07-15T16:53:00.003+01:00

Alejandro Gómez Alonso, portavoz de Infraestruturas do Grupo Popular, explica que as plataformas loxísticas permiten axilizar o transporte ao fluidificar o transvase de mercadorías entre ferrocarril, camións e tráfico marítimo, ao tempo que reducen custes, desconxestionan o tránsito e crean riqueza nas áreas onde se implantan

O PPdeG suxire converter a estación de Botos no centro loxístico para as obras de construción do AVE entre Santiago e Ourense

O plan de plataformas loxísticas elaborado pola Xunta exclúe a Lalín, onde só contempla a instalación dunha área de servizo

Os populares tamén reclaman a Renfe que manteña unha liña de media distancia polo trazado do AVE e se habilite un apeadoiro en Botos-Catasós para dar servizo a Lalín nun momento no que é preciso potenciar o transporte colectivo

O voceiro de Infraestruturas do Grupo Popular, Aljandro Gómez Alonso, e mailo voceiro do grupo de Goberno no concello de Lalín, Román Rodríguez, presentaron hoxe a proposta do PPdeG para construír unha plataforma loxística intermodal no entorno da estación de ferrocarril de Lalín-Botos.

Con esta proposta, que o PPdeG trasladará ao Parlamento no vindeiro período de sesións, búscase superar a discriminación da que pode ser obxecto Lalín se finalmente se materializa o plan de plataformas loxísticas elaborado pola Xunta e que só prevé para esta localidade a instalación dunha área de servizo, ignorando as necesidades do seu tecido empresarial e o seu potencial de crecemento.

BENEFICIOS

As plataformas loxísticas de transporte permiten axilizar o trasvase de mercadorías entre os diferentes sistemas de transporte: ferrocarril, estrada e marítimo. Simultaneamente, as plataformas loxísticas desconxestionan o tránsito rodado ao desprazar os grandes centros de distribución de mercadorías do contorno das grandes cidades, garanten a dispoñibilidade de solo empresarial suficiente para actividades de tipo loxístico (talleres, áreas de aprovisionamento, central de compras, servizos administrativos, áreas de descanso para os profesionais do volante) e incrementan a competitividade das empresas.

Gómez Alonso apuntou que os custes loxísticos supoñen arredor do 14% do prezo de venda de calquera produto e representan entre o 30% e o 60% dos custes de produción. Ademais, para unha empresa de transporte, o acceso a unha plataforma loxística axeitada pode representar aforros de arredor dun 12%.

A plataforma loxística que o PPdeG demanda para a zona da estación de ferrocarril de Lalín-Botos podería beneficiar ás empresas dunha extensa área xeográfica configurada polas comarcas de Deza, Tabeirós-Terra de Montes, O Carballiño e Santiago de Compostela. No seu contorno máis inmediato, tamén potenciaría o polígono industrial de Catasós. Os custes de produción das empresas da zona reduciríanse arredor dun 30% e as taxas aboadas polos concellos a Sogama poderían descender un 14% ao trasladar o lixo por ferrocarril á planta de Cerceda. Para iso, sería suficiente con habilitar en Botos un centro de transferencia de Sogama de ámbito comarcal.

Como primeira medida, o PPdeG suxire converter a estación de Botos no centro loxístico para as obras de construción do AVE entre Santiago e Ourense, o que permitiría axilizar a execución dos traballos por facilitar o acopio de materiais.

Na actualidade, a loxística do transporte mobiliza en Galicia un volume anual de 135 millóns de toneladas de mercadorías: 75 millóns de toneladas corresponden a tráficos internos da Comunidade Autónoma, mentres que os 60 millóns restantes son produtos procedentes ou destinados aos mercados nacional ou internacional.

A elección de Lalín-Botos como ubicación deste proxecto ten a súa razón de ser no feito de que a futura conexión ferroviaria de alta velocidade entre Santiago de Compostela e Ourense se dedicará exclusivamente ao transporte de pasaxeiros, mentres que a liña convencional, segundo as previsións manexadas polo Ministerio de Fomento, se dedicaría en exclusiva ao tráfico de mercadorías.

PROPOSTAS COMPLEMENTARIAS

Paralelamente, o Grupo Popular reclama que, con independencia da entrada en servizo do AVE Santiago-Ourense, Renfe manteña os servizos de media distancia mediante a posta en funcionamento do trens Avant, que acadan os 220 kms/h en liñas electrificadas e a utilización do posto de adiantamento e estacionamento de trens (PART) previsto en Botos-Catasós como apeadeiro de pasaxeiros para a zona de Lalín. Para facer viable este proxecto, sería necesario construír os accesos viarios necesarios e poñer en marcha un servizo de transporte público urbano.

Nun escenario de permanente alza dos carburantes, o PPdeG estima que aposta polo transporte público –que na actualidade rexistra moi baixos niveis de ocupación- se volveu unha necesidade incuestionable que non pode ser ignorada pola Administración autonómica.

O PLAN DE ESTRADAS DO BIPARTITO É “PAPEL MOLLADO” PORQUE CARECE DE FINANCIACIÓN E RECOÑECE OS CATRO ANOS PERDIDOS NA EXECUCIÓN DAS OBRAS PENDENTES

2008-07-03T09:13:00.000+01:00

As parálises promovidas polos Goberno central e autonómico na rede de vías de alta capacidade programada polo PPdeG provocaron que, a día de hoxe, só estea operativo o 15,21% da rede autonómica que xa debería estar rematada

O Grupo Popular insta á conselleira de Política Territorial a respectar os principios éticos que deben rexer na política e que impiden utilizar os recursos públicos para as actividades privadas ou de partido, como fai Caride

O Plan Director de Estradas de Galicia, presentado recentemente por partida dobre, é “papel mollado” porque carece dos cartos necesarios para financiar as actuacións previstas e retrasa ata o ano 2020 a entrada en servizo de vías de alta capacidade que xa poderían estar operativas na actualidade se non tivesen sido paralizadas, primeiro polo Goberno central e logo polo bipartito autonómico, segundo apuntou hoxe no Parlamento o portavoz de Infraestruturas do Grupo Popular, Alejandro Gómez Alonso.

Os populares galegos cuestionan a inconsistencia dun documento que plantexa efectuar investimentos de ata 16.000 millóns de euros, a metade dos cales debería ser achegados polo Ministerio de Fomento, sen dispoñer de acordo nin compromiso algún do Consello de Ministros, pero tampouco do Consello da Xunta. Non se iniciou sequera o procedemento de información pública nin de avaliación ambiental.

O Plan de Estradas plantexa tamén a transferencia de estradas estatais á Comunidade Autónoma, sen que exista un compromiso claro do Goberno central, nun momento no que a propia ministra de Administracións Públicas se amosa reticente a incrementar a capacidade de autogoberno de Galicia.

PROPOSTAS NON CRIBLES

As propostas de articulación territorial anunciadas pola Xunta tampouco resultan cribles na medida en que circunvalacións e variantes anunciadas desde hai anos, como as de Caldas de Reis, Ordes ou Noia, ou a estrada Silleda-Laro, non acaban de materializarse.

Para Gómez Alonso, o Plan de Estradas recoñece e trata de xustificar, en suma, o retraso de máis de catro anos acumulado desde a chegada de Zapatero ao Goberno central, e a conseguinte paralización e anulación do Plan Galicia. A suma das paralizacións e retrasos acumulados en vías de competencia estatal e autonómica en Galicia nos últimos catro anos acada os 900 quilómetros, cun investimento de 2.500 millóns de euros que, polo tanto, non foron executados.

“Vostede –afirmou Gómez Alonso dirixíndose á conselleira de Política Territorial- e maila ministra de Fomento son as grandes responsables desta situación, coa conivencia dos presidentes de Galicia e de España”. Nesta liña, o PPdeG entende que María José Caride vai camiño de converterse, por méritos propio, na “Madalena Álvarez da Xunta”.

Fronte ao retraso que acumulan as grandes obras públicas en Galicia, Gómez Alonso subliñou que o conxunto de España acumula 1.121 quilómetros de autovías e autoestradas postas en servizo polo Executivo central do PSOE. Recordou que o Plan Galicia aprobado e iniciado polos anteriores Gobernos central e autonómico do PPdeG contemplaba a execución de 450 quilómetros de vías de alta capacidade para poñelas en servizo entre os anos 2008 e 2009.

Para iso, cando o bipartito asumiu responsabilidades de Goberno recibiu 8 vías de alta capacidade licitadas, adxudicadas ou en execución e 6 vías de alta capacidade con declaración de impacto ambiental favorables e coa redacción do proxecto moi avanzada, practicamente listas para ser licitadas. “Política Territorial atopouse con 450 km de vías de alta capacidade, que podería inaugurar ata 2010 case sen saír do despacho”, segundo Gómez Alonso. Destas, 345 poderían estar en servizo en 2009.

Destas vías de alta capacidade, a día de hoxe, arredor de 10 (Santiago-Brión, Santiago-Pontevea, Salnés, Barbanza, Nadela-Sarria, Ferrol-Vilalba, Dozón-Ourense, Brión-Noia, Sarria-Monforte e a variante de Noia) xa deberían estar rematadas. Destas, coa excepción, da vía do Salnés, que estaba practicamente rematada cando se produciu o cambio de Goberno, o bipartito só foi capaz de rematar a autovía Santiago-Brión e o tramo Dozón-Ourense, cun total de 35 quilómetros, é dicir o 15,21% dos 230 quilómetros de novas vías autonómicas de alta capacidade que xa deberían estar rematadas en 2008.

Ademais, a finais deste ano, deberían estar en servizo as vías de alta capacidade da Costa da Morte, Tui-A Guarda, Celanova-A-52 e a Vía Ártabra. Os prazos tamén foron ignorados as máquinas aínda non comezaron os seus traballos.

CHAMAMENTO Á RESPONSABILIDADE ÉTICA

Gómez Alonso apelou, na súa intervención, á responsabilidade ética dos integrantes do Executivo galego para poñer fin á utilización indebida de recursos públicos, como están a facer algúns conselleiros, entre os que se atopa María José Caride, que empregan o coche oficial para actividades privadas e de partido. “Só falta que a conselleira vaia en coche oficial a facer a compra”, afirmou o deputado popular, exhibindo unha foto que acredita ese uso fraudulento dos recursos públicos.

O PPdeG RECLAMA A INMEDIATA POSTA EN MARCHA DO OBSERVATORIO GALEGO DE CUSTES PARA EVITAR A COMPETENCIA DESLEAL E GARANTIR A ACTUALIZACIÓN DAS TARIFAS

2008-06-19T09:29:00.000+01:00

A Xunta permanece de brazos cruzados e aínda non materializou ningún dos compromisos adquiridos co sector do trasporte hai tres anos, a raíz do paro anterior

O Plan de acción da Xunta para o transporte de mercadorías carece de dotación orzamentaria específica e retrasa a execución das actuacións previstas, polo menos, ata a próxima lexislatura, polo que o PPdeG pide medidas inmediatas que eviten un novo paro a curto prazo

Ningún dos compromisos adquiridos pola Xunta de Galicia, a raíz do paro do sector do transporte realizado daquela, foron materializados nos tres anos transcorridos desde entón, segundo denunciou esta tarde no Parlamento o portavoz de Infraestruturas do Grupo Popular, Alejandro Gómez Alonso, ao defender unha iniciativa na que reclamou unha actuación coordinada da Xunta e do Goberno central para superar a intensa crise que atravesa o sector.

A xuízo de Gómez Alonso, as dificultades dos transportistas son aínda máis intensas en Galicia ca en España como consecuencia da elevada atomización que presenta o sector nesta Comunidade Autónoma. En Galicia, a media é de 2,3 camións por empresa fronte aos 2,8 do conxunto de España.

ACTUALIZACIÓN DAS TARIFAS

As accións encamiñadas á mellora da competitividade deberían incluír tamén, a xuízo do PPdeG, a posta en marcha do observatorio de custes galegos, por entender que supón o instrumento acaído para evitar a competencia desleal no sector e asegurar a actualización das tarifas en función do incremento dos gatos de explotación das empresas.

O Grupo Popular demanda que a Administración habilite unha liña de crédito para refinanciar o pasivo das empresas de transporte, máxime despois de que o bipartito eliminase en 2006 unha liña de axudas do Igape para fomentar a renovación da flota.

Despois da ultima folga do sector do transporte de mercadorías por estrada, no que a Xunta permaneceu de brazos cruzados, sen efectuar o máis mínimo intento de acercamento ao sector, volveu quedar en evidencia a desidia do Executivo autonómico, malia que dispón de competencias para mellorar a situación do sector.

MELLORA DA COMPETITIVIDADE

Na súa intervención ante a Comisión 2ª, de Ordenación Territorial, Obras Públicas, Medio Ambiente e Servizos, do Parlamento, Gómez Alonso insistiu en reclamar a inmediata posta en marcha dun plan para a mellora da competitividade do sector, implantando centros de formación profesional específicos nas catro provincias galegas. Os únicos que funcionan na actualidade foron implantados polo anterior Goberno do Partido Popular. A importancia da medida ven derivada das crecentes dificultades das empresas para atopar condutores cualificados, o que dificulta a substitución do persoal de maior idade que está traballando. O problema increméntase pola elevada idade media dos condutores actuais que se xubilarán a curto e medio prazo.

Neste escenario, urxe, ademais, poñer en marcha un plan de concentración das empresas, mediante incentivos fiscais, e a potenciación da figura do xestor de concentracións.

Malia que se comprometera a elo co sector, a Xunta continúa sen habilitar aparcamentos para vehículos industriais e patios de operacións amplos nos polígonos industriais existentes.

Urxe, ademais, a construción de accesos axeitados a áreas loxísticas como o porto exterior de Ferrol (sen acceso ferroviario e cun retraso de 10 meses na execución da conexión viaria), a Plataforma Loxística Salvaterra-As Neves (continúa sen conexión coa A-52 e sen previsión de enlace ferroviario), o Porto Seco de Monforte (accesos á N-120 aínda en fase de estudo), ou o Polígono de San Cibrao das Viñas, que precisa dunha conexión coa A-52.

As necesidades do sector inclúen tamén a construción de 10 millóns de metros cadrados de solo industrial dedicado ao transporte, fronte aos so 3 millóns de metros cadrados existentes actualmente en Galicia.

Tampouco se produciu avance algún para construír áreas de descanso nas vías de alta capacidade en servizo. As principais carencias rexístranse actualmente na autovía das Rías Baixas e nas inmediacións da estrada N-VI, onde as escasas áreas existentes están sobresaturadas desde hai tempo.

RETRASOS NA REDE VIARIA ESENCIAL PARA O TRANSPORTE

A existencia dunha rede viaria axeitada é esencial para a mellora da competitividade de calquera empresa de transporte, feito que en Galicia colisiona cos retrasos que acumulan as obras de construción das vías de alta capacidade dependentes do Ministerio de Fomento. É o caso das autovías do Cantábrico, Santiago-Lugo, Ourense-Lugo, Pontevedra-Confurco e Ourense Ponferrada. No seu conxunto, o Goberno central ten paralizados ou retrasados un total de 432,2 quilómetros de vías de alta capacidade en Galicia, segundo recordou esta tarde Gómez Alonso.

PAPEL MOLLADO

Nesta liña, o deputado popular tamén cuestionou o plan de accións inmediatas para o sector do transporte de mercadorías presentado recentemente pola Consellería de Política Territorial, xa que carece de dotación orzamentaria específica e, no mellor dos casos, retrasa a execución das actuacións previstas á próxima lexislatura. “É papel mollado porque non concreta nada”, aseverou.

Por iso, Gómez Alonso reclamou que a Xunta poña en marcha accións inmediatas para evitar que Galicia volva ser escenario dun novo paro do transporte a curto prazo.

O PPdeG PROPÓN DESCONTOS POR USO HABITUAL NAS AUTOESTRADAS SANTIAGO-LALÍN E DO ATLÁNTICO

2008-06-03T09:21:00.001+01:00

O Consello de Ministros do pasado venres autorizou unha achega adicional de 93 millóns de euros para a redución de peaxes nas autoestradas catalanas

O portavoz de Infraestruturas do Grupo Popular insiste en que a Xunta leva desaproveitado 3 anos sen solicitar a transferencia das autoestradas de peaxe e apunta que esta modalidade permitiría ofrecer descontos por uso habitual equivalentes so 50% da tarifa actual

Nove meses despois do acordo parlamentario, a Xunta segue sen cumprir o mandato de iniciar as negociacións para rebaixar a peaxe da AP-53; tampouco cumpriu os mandatos para a AP-9

O portavoz de Infraestruturas do Grupo Popular, Alejandro Gómez Alonso, propuxo hoxe na Comisión de Obras Públicas do Parlamento, habilitar descontos por uso habitual nas autoestradas de pago de Galicia. A proposta xurde ante a negativa da Xunta a deseñar unha estratexia reivindicativa que permita abaratar o custe das peaxes en Galicia, que se sitúan como as máis caras de España: un 15,6% máis caras ca en Cataluña e un 35% máis ca en Andalucía.

Esta porcentaxe incrementaríase aínda máis de tomarse como referencia o importe que teñen que aboar os usuarios da AP-53, Santiago-Alto de Santo Domingo, situado en 0,12 euros por quilómetro, fronte aos 0,11 €/km que pagan os usuarios da AP-9 entre Vigo e Pontevedra.

Gómez Alonso responsabilizou desta realidade á compracencia da Xunta de Galicia respecto ao Goberno central. De feito, desde que Pérez Touriño é presidente da Xunta non se teñen rexistrado avances na redución de peaxes nas autoestradas galegas, mentres este tipo de medidas se suceden para outros territorios do Estado.

Coste Ano 2008 AP - 53

AUTOESTRADA Percorrido Lonxitude Prezo do percorido
AP - 53 Santiago - Lalín 41,9 4,90 0,12

Tan só en 2008, afirmou Gómez Alonso, a peaxe da AP-53, entre Santiago e Lalín, incrementouse en 10 céntimos. Nos últimos catro anos, desde 2004, o custe da peaxe medrou en 1,43€ p ara ese mesmo trazado, o que supón unha subida do 41,21%, ao pasar de 3,47 a 4,90€.

PRETO DE 100 MILLÓNS MÁIS PARA CATALUÑA

O deputado popular recorda que o Consello de Ministros celebrado o pasado venres autorizou un convenio entre o Ministerio de Fomento e a Generalitat de Cataluña no que o Goberno central se compromete a achegar un total de 93,68 millóns de euros para reducir peaxes nas autoestradas catalanas.

Na súa intervención, Gómez Alonso tamén cuestionou que o Goberno bipartito estea a punto de concluír o seu terceiro ano de mandato sen iniciar sequera as xestións previas encamiñadas a solicitar a transferencia a Galicia da xestión das autoestradas para poder actuar así sobre as peaxes.

Nesta liña, o deputado popular desvelou que aínda que a conselleira de Política Territorial anunciara en Lalín, en 2006, que fora encargado un estudo encamiñado a reducir os custes para incrementar o número de usuarios da AP-53, é o certo que cando o Grupo Popular solicitou o documento, a Xunta respondeu por escrito que non tiñan constancia da súa existencia porque este asunto non é de competencia autonómica.

A xuízo do deputado popular, a transferencia das autoestradas non só permitiría mellorar conexión entre as distintas áreas urbanas de Galicia, como a construción dun terceiro carril na AP-9 en Santiago ou melloras para superar o colapso da ponte de Rande, senón que faría posible unha intervención directa sobre as peaxes.

Gómez Alonso tamén lembrou que nove meses despois do acordo parlamentario, a Xunta segue sen cumprir o mandato de iniciar as negociacións para rebaixar a peaxe da AP-53; mandato que tampouco cumpre no tocante á AP-9.

DESCONTOS POR USO HABITUAL

Como exemplo, Gómez Alonso recordou que mentres os usuarios galegos están condenados a pagar as peaxes máis elevadas de España, os da AP-41, que enlaza Madrid con Toledo, dispoñen de descontos por uso habitual que poden chegar ao 50%, e que ofrecen bonificacións para mozos, xubilados, persoas con discapacidade ou familias numerosas. O traxecto é de balde de 01,00 a 05,00 horas e ofrece descontos durante as fins de semana. Noutro caso, na AP-66, en León, conta con rebaixas de tarifa do 30% para vehículos pesados.

O ÚLTIMO TRAMO DA VARIANTE DE MARÍN HIPOTECA O FUTURO DA RÍA DE PONTEVEDRA E IMPIDE A RECUPERACIÓN DA FACHADA MARÍTIMA

2008-06-02T11:39:00.001+01:00

Un grupo de veciños afectados seguiron as explicacións desde a tribuna de convidados do Parlamento, dada a negativa de María José Caride a recibilos

O trazado elixido pola actual Consellería de Política Territorial para executar o último tramo da variante de Marín hipoteca o futuro da ría de Pontevedra na medida en que impide recuperar a fachada marítima coa construción da megarrotonda prevista na zona de Mollavado, segundo puxo de manifesto estar tarde o voceiro de Infraestruturas do Grupo Popular, Alejandro Gómez Alonso, na sesión de control ao Goberno celebrada no Parlamento de Galicia.

Ao preguntar á conselleira de Política Territorial polas razóns que levan á Xunta a rexeitar o trazado alternativo presentado polos veciños afectados, Gómez Alonso insistiu en que o trazado elixido polo bipartito incrementa o impacto acústico e ambiental, terá un maior custe e incrementa os riscos para a seguridade, xa que a calzada prevista presenta polo menos tres puntos negros. Ademais, o vial acumula xa un retraso de 36 meses, mentres que, ata o de agora, a conselleira de Política Territorial, se limitou a inaugurar o treito que deixara en obras o seu antecesor, o actual presidente do PPdeG, Alberto Núñez Feijóo, un trazado de 8,6 quilómetros que supuxo un investimento de 36 millóns de euros.

Gómez Alonso decidiu preguntar pola situación do último tramo da variante de Marín ante a negativa da conselleira de Política Territorial a recibir e escoitar aos veciños afectados polo futuro trazado. En opinión do deputado popular resulta “lamentable” que os veciños só podan coñecer a opinión da conselleira a través da sesión parlamentaria e interpretou a actitude de María José Caride como unha mostra da súa “falta de respecto á cidadanía deste país”.

Gómez Alonso amosouse disposto a renunciar ao seu segundo turno no uso da palabra a cambio de que a conselleira accedese a reunirse, esta mesma tarde, no Parlamento, cos veciños de Marín que acudiron á Cámara para seguir a intervención de María José Caride.

O PARTIDO POPULAR DEFENDERÁ NO PARLAMENTO GALEGO E NO CONGRESO OS INTERESES DOS AFECTADOS POLA CONEXIÓN DA AUTOVÍA A-57 CON PEINADOR

2008-05-26T15:17:00.000Z

O trazado proposto por Fomento afecta a 3 parroquias e 114 edificacións, cun sobrecuste de 100 millóns de euros sobre a alternativa defendida polo PPdeG e os veciños

O Partido Popular presentará, no Parlamento de Galicia e no Congreso dos Deputados, cadansúa proposición non de lei para instar ao Ministerio de Fomento a modificar o trazado do futuro vial de conexión da Autovía A-57, Pontevedra-Vigo, co aeroporto de Peinador, co obxectivo de reducir os elevado prexuízos que a alternativa actual vai ocasionar aos veciños de tres parroquias do concello de Redondela.

O anuncio foi efectuado este mediodía despois da reunión que unha delegación de deputados autonómicos e nacionais do Partido Popular e maila voceira municipal do PPdeG de Redondela mantiveron con veciños afectados no centro social de Saramagoso e a visita que efectuaron posteriormente ás áreas polas que podería discorrer o trazado elixido polo Ministerio de Fomento co apoio do PSOE local, mentres que o BNG mantén unha postura ambigua, sobre a que os populares tamén reclaman explicacións.

Deste xeito, o trazado elixido polo Ministerio de Fomento, a denominada alternativa número 5, afectará a tres parroquias de Redondela –Cesantes, O Viso e Reboreda- e a un total de 114 edificacións, co agravante de que presenta un sobrecuste de 100 millóns de euros respecto á alternativa 11, pola que se decantan o PPdeG e mailos veciños.

A proposta do PPdeG minimiza as afeccións e prexuízos e discorrería desde a A-57, partindo de Pazos de Borbén cara Os Valos (Mos) e Peinador. Neste caso, os populares son partidarios de efectuar unha lixeira modificación do trazado na parroquia de Vilar para minimizar aínda máis a afección prevista.

APOIO DO PSOE E CONTRADICCIÓN DO BNG

Sen embargo, a alternativa número 5 foi respaldada no Concello de Redondela cos votos dos concelleiros de PSOE e BNG. Sen embargo, a elevada contestación social suscitada levou ao BNG a manter unha posición ambigua, que se escenificou cando a deputada nacionalista por Pontevedra preguntou por este trazado no Congreso, pero evitando pronunciarse expresamente sobre a súa idoneidade.

RETRASO INASUMIBLE

A autovía A-57 atópase actualmente en fase de redacción de proxecto construtivo, aínda que acumula un retraso considerable. Ao ritmo actual, as obras non comezarán ata o ano 2009, data para a que o presidente da Xunta, Pérez Touriño, anunciara a súa entrada en servizo. O máis probable é que esa autovía non sexa realidade ata os anos 2015 ou 2016.

Para o PPdeG trátase dun retraso inasumible porque, ata entón, agravarase aínda máis o colapso viario de Vigo e o seu contorno. Cálculos recentes apuntan que, en 2014, o tráfico que atravesa a ponte de Rande cada día terase incrementado arredor dun 60%, ata acadar unha media diaria de 100.000 vehículos.

MURALLA

Na reunión celebrada esta mañá participaron o voceiro de Infraestruturas do Grupo Popular no Parlamento de Galicia, Alejando Gómez Alonso, e mailo tamén deputado autonómico vigués Ignacio López-Chaves; o deputado nacional Javier Guerra; a voceira municipal do PPdeG no concello de Redondela, Francisca Canal, e varios concelleiros populares.

Gómez Alonso considera que, de executarse, o vial que plantexa Fomento actuará como unha auténtica “muralla de contención” para o desenvolvemento do concello de Redondela, xa que ao trazado en sí se lle suma unha afección de 130 metros a cada lado da futura estrada.

PSOE E BNG DANLLE AS COSTAS AOS VECIÑOS E OPÓÑENSE A MODIFICAR O PROXECTO DE REFORMA DA ESTRADA SANXENXO-VILALONGA

2008-05-26T15:13:00.001Z

A alcaldesa de Sanxenxo, Catalina González, seguiu o debate desde o Parlamento acompañada por un grupo de afectados, mentres que varias ducias máis de veciños se concentraron no exterior da Cámara para reclamar solucións

Os grupos que apoian ao Goberno bipartito, PSOE e BNG, volveron dar as costas aos veciños afectados polas obras da estrada PO-504 Sanxenxo-Vilalonga, ao rexeitar esta tarde no Parlamento unha iniciativa parlamentaria formulada polo PPdeG para instar á Xunta a reformar o proxecto para axustalo á proposta formulada polos habitantes da zona e polo propio Concello de Sanxenxo.

Na sesión de hoxe da Comisión de Obras Públicas, o portavoz de Infraestruturas do Grupo Popular, Alejandro Gómez Alonso, propuxo un pacto a socialistas e nacionalistas para aprobar un mandato parlamentario que instase á Xunta a paralizar a actuación que ten prevista na estrada PO-504, asumindo no seu lugar o anteproxecto de seguridade viaria redactado polo Concello de Sanxenxo e consensuado con todos os veciños afectados.

A proposta rexeitada hoxe por PSOE e BNG na Cámara autonómica permitiría converter a PO-504 nunha travesía urbana mediante a construción de dúas glorietas e a mellora das interseccións en todo o trazado da estrada, ademais de executar beirarrúas nas dúas marxes do vial, habilitando estacionamentos de 2,5 metros de ancho. Sen embargo, ningunha destas propostas poderá ser materializada debido á intransixencia dos dous grupos que apoian á Xunta bipartita, que tampouco aceptaron a proposta do PPdeG para transferir a titularidade da PO-504 ao Concello de Sanxenxo.

INTRANSIXENCIA DA XUNTA

Na súa intervención, Gómez Alonso enmarcou a actitude de socialistas e nacionalistas na intransixencia que caracteriza toda a acción de Goberno do bipartito, recordando que “o que comezou como un lento goteo de conflitos e problemas cos veciños deste país, agora, a piques de rematar a lexislatura, converteuse nun caudal de plataformas e asociacións de afectados polas actuacións promovidas por Política Territorial”.

O debate desta tarde foi seguido desde o Parlamento pola alcaldesa de Sanxenxo, Catalina González, que estivo acompañada por un grupo de veciños afectados polo proxecto da Xunta para a PO-504. Paralelamente, no exterior do edificio, varias ducias de persoas, permaneceron concentradas para expresar o seu rexeitamento ao proxecto que Política Territorial pretende acometer nesa estrada.

PROXECTO ALLEO Á REALIDADE DA ZONA

Gómez Alonso acusou á Xunta de querer executar un proxecto que nada ten que ver co entorno no que se van executar as obras e ignora as alegacións formuladas polos veciños e polo Concello.

En opinión do deputado popular, a proposta do Concello de Sanxenxo, ademais de contemplar unha actuación integral en toda a vía, imprímelle o carácter urbano que xa posúe na actualidade e mellora a seguridade viaria de peóns e condutores.

Cuestionou tamén Gómez Alonso a actitude de “desprezo” mantida por Política Territorial respecto aos veciños afectados, aos que se nega a recibir desde que se coñeceu o proxecto.

CONVERTER O TRAMO PONTEVEDRA-VIGO DA AP-9 EN AUTOVÍA E TRASLADAR A PEAXE Á FUTURA A-57, PROPOSTA DO PPdeG PARA EVITAR O COLAPSO VIARIO EN 2010

2008-05-14T10:38:00.001Z

Evitar o colapso de Rande obrigaría a que a futura autovía a-57, Pontevedra-Vigo, entre en servizo en 2010, pero os catro anos de retraso que acumula fará que non esta operativa, como moi cedo, ata 2013 ou 2014

A conversión do tramo Pontevedra-Vigo da autoestrada debería ir aparellada da construción dun terceiro carril en cada sentido e, a longo prazo, permitiría sacar de Rande o tráfico pesado que circula entre o sur e o Norte da Comunidade

O Plan Viario da área de Vigo, presentado recentemente pola conselleira de Política Territorial é un “documento virtual” no que nin sequera cadran as cifras, ademais de non solucionar o colapso viario que afecta á cidade e ameaza con convertela nunha illa con serias carencias de conexión terrestre co resto de Galicia. Denunciouno esta tarde no Parlamento o portavoz de Infraestruturas do Grupo Popular, Alejandro Gómez Alonso, ao responder a unha comparecencia de Caride para explicar ese plan.

Recordou Gómez Alonso que xa o presidente da Xunta anunciara en 2005 un plan viario para Vigo que, segundo as súas palabras, ía estar remato en 2010. Sen embargo, o anuncio tardou tres anos en concretarse, pero con datos “inflados” que carecen de soporte real. Así, a Xunta fala de 70 actuacións, cando a suma das enunciadas (incluídos os carrís-bici) non supera as 52, algunhas das cales xa están en servizo, como a conexión das estrada PO-330 e PO-331, en Vincios; ou en construción, como o enlace Atios-Porriño, da A-55. Ademais, fronte aos 350 quilómetros cuantificados no documento da Xunta, as vías de alta capacidade de Vigo e a súa área suman tan só 120.

Neste escenario, a construción da autovía Pontevedra-Vigo (A-57) constitúe un dos alicerces básicos para desconxestionar os accesos á cidade de Vigo que, segundo os especialistas, corren risco de colapso definitivo no ano 2010. Sen embargo, o retraso de 4 anos que acumula o proxecto da A-57, fará que a autovía non poda entrar en servizo, como moi cedo, ata os anos 2013 ou 2014.

Salvo que se habilite unha medida alternativa con anterioridade, para esa data, a Ponte de Rande podería estar soportando xa un tráfico diario de arredor de 100.000 vehículos, cun crecemento de preto do 60% respecto ao actual.

AMPLIACIÓN DE RANDE AÍNDA SEN CONCRETAR

Para superar os efectos dese retraso, e evitar o colapso anunciado para 2010, Gómez Alonso propuxo que, antes desa data, se execute o terceiro carril en dobre sentido do tramo de autoestrada comprendido entre Pontevedra e Vigo, incluíndo a ampliación da Ponte de Rande, que a día de hoxe carece de proxecto concreto e se limita a unha recreación virtual asistida por ordenador.

A proposta do PPdeG consiste en converter ese tramo de autoestrada, unha vez ampliado, en autovía de balde para favorecer os accesos a Vigo. En troques, a A-57 podería converterse en autoestrada de peaxe e permitiría desviar de Rande todo o tráfico rodado, pesado e lixeiro, que circula agora desde o Norte cara o Sur de Galicia e cara Portugal, e viceversa.

Gómez Alonso insistiu en que esta proposta é factible e permitiría saldar parte da débeda contraída pola Xunta e polo Goberno central con Vigo e a súa área de influencia. De feito, mentres que Vigo carece de proxectos concretos a curto prazo para superar o seu colapso viario, as obras da segunda ponte sobre a baía de Cádiz foron iniciadas en abril de 2007. Sen embargo, a cidade andaluza ten menos da metade de poboación ca Vigo (128.000 habitantes), que contando a área metropolitana sobrepasa lixeiramente as 400.000 persoas.

O PPDEG RECLAMA A CREACIÓN DA XERENCIA TERRITORIAL DE CERCANÍAS EN GALICIA

2008-05-08T16:15:00.001Z

Subliña as vantaxes dos servizos de cercanías para solventar os problemas dos colapsos viarios e diminuír a siniestralidade nas estradas

A propia Renfe estima que cos ferrocarrís de cercanías se conseguiría aforrar case un 50% da conxestión urbana das nosas vías

Crítica ao peche de estacións

Gómez Alonso critica, tamén, a intención de Renfe de pechar numerosas estacións coa escusa do AVE e esixe o mantemento de todas elas, ‘xa que, amais, de non ser incompatibles nin coas liñas nin cos servizos do AVE, son necesarias para manter e mellorar os servizos rexionais

Recrimina a Xunta por asinar un convenio con Renfe, ‘que supuxo un cheque en branco sen esixir unha oferta atractiva, con máis e mellores servizos’

O voceiro de Infraestruturas do Grupo Popular, Alejandro Gómez Alonso, reclamou hoxe, durante a súa participación na manifestación que esta tarde tivo lugar, na Alameda de Santiago, a favor da implantación do tren de cercanías e contra a eliminación do tren rexional, a aprobación desde Fomento da creación da Xerencia territorial de cercanías en Galicia.

Para acadar este obxectivo, Gómez Alonso subliñou que neste proceso de implantación é necesaria a participación de dúas importantes institucións do Ministerio de Fomento -o Adif, no tocante a infraestruturas e Renfe, para a implantación dos servizos- así como da Xunta, ‘xa que é necesario –matizou- que os transportes metropolitanos os coordine co ferrocarril, cunha política tarifaria única, a través do billete combinado’.

Unha vez implantado, o voceiro popular avoga porque sexa o Executivo autonómico, quen, a longo prazo, xestione todos estes servizos a través dun ente ferroviario galego, que planifique e coordine.

VANTAXES MEDIAMBIENTAIS E CONTRA O COLAPSO VIARIO
Gómez Alonso subliñou tamén as vantaxes dos servizos de cercanías, ‘un dos medios de transporte –dixo- con maiores vantaxes medioambientais e enerxéticas ao que debemos sacarlle partido’.

Neste sentido, lembrou que se trata dun medio de transporte moi eficiente fronte a un problema que cada vez se está a dar en máis estradas de Galicia, como son os colapsos viarios.

‘Este servizo viría moi ben para solucionar os colapsos viarios que sufren a diario numerosas estradas galegas, no eixo atlántico, principalmente, e nos accesos ás grandes cidades, como sucede no caso da Ponte de Rande para chegar a Vigo’.

Como exemplo destas vantaxes, Gómez Alonso recordou que no caso de Rande, o tren absorbería o 25% dos actuais usuarios e contería, no futuro, nun 50%, o incremento de tráfico no viaducto. ‘A propia Renfe estima que cos ferrocarrís de cercanías se conseguiría aforrar case un 50% da conxestión urbana das nosas vías’, matizou.

MELLORA URXENTE DOS SERVICIOS REXIONAIS
O voceiro popular criticou, tamén, a intención de Renfe de pechar numerosas estacións coa escusa do AVE e esixiu o mantemento de todas elas, ‘xa que, amais, de non ser incompatibles nin coas liñas nin cos servizos do AVE, son necesarias para manter e mellorar os servizos rexionais’.

Gómez Alonso reivindicou a necesidade urxente de mellora dos servizos rexionais de Renfe-Operadora e recriminou a Xunta de Galicia por asinar un convenio con Renfe, ‘que supuxo un cheque en branco sen esixir unha oferta atractiva, con máis e mellores servizos’.

‘Galicia –asegurou- precisa servizos rexionais directos punto a punto e máis rápidos, para unir varias veces ao día as principais cidades de Galicia e un axuste dos horarios dos servizos multiparada, xa que os actuais non se axustan ás necesidades dos usuarios’.

O PPDEG PEDIRÁ A COMPARECENCIA DOS DIRECTORES DO IGAPE,RELACIÓNS LABORAIS E OBRAS PÚBLICAS PARA A RECOLOCACIÓN DOS TRABALLADORES DE PROINSA

2008-05-08T16:10:00.002Z

Insta á Xunta a que explique qué medidas levará acabo para apoiar ao tecido industrial do Deza, xa que moitas empresas da comarca, vencelladas ao sector da construcción e proveedores de Proinsa, están tentando salvar como poden a complicada situación financeira que os impagos da empresa lles está a producir

Reclama a elaboración dun Plan Sectorial de Infraestruturas para Deza-Tabeirós-Montes

A única obra que se puxo en servizo nestes tres anos, na comarca, foi a variante de Lalín, que xa deixara en marcha o anterior goberno do PP

As obras do vial Silleda-Laro, proxectado polo PP, están paralizadas

Pide á Consellería de Política Territorial que cumpra co mandato do Parlamento e entable negociación serias co Ministerio sobre a rebaixa das peaxes da AP-53

O Grupo Popular solicitará a comparecencia, no Parlamento, dos directores xerais do IGAPE, Relacións Laborais e Obras Públicas para que dean conta sobre a situación dos plans de recolocación dos traballadores do Grupo Proinsa e o apoio ao tecido industrial do Deza.

Así a anunciou hoxe, o voceiro de Infraestruturas popular, Alejandro Gómez Alonso, logo dunha rolda de prensa na que participaron tamén o portavoz popular do PP de Lalín, Román Rodríguez, e a deputada Beatriz Mato, e na que se tratou, entre outros asuntos, a grave crise pola que atravesa esta empresa, da que dependen 400 postos de traballo directos e máis de 1.000 indirectos.

O voceiro popular pedirá á Xunta que explique qué medidas pensa levar acabo para apoiar ao tecido industrial do Deza, ‘xa que moitas empresas da comarca, vencelladas ao sector da construcción e proveedores de Proinsa, -subliñou- están tentando salvar como poden a complicada situación financeira que os impagos da empresa lles está a producir’.

Gómez Alonso asegurou que o secretario xeral de Obras Públicas terá que dar conta, tamén, das inversións en obra pública da Consellería de Política Territorial e do Ministerio para a comarca.

PLAN SECTORIAL DE INFRAESTRUTURAS DEZA-TABEIRÓS-MONTES
Nesta liña de defensa do emprego na comarca do Deza, o voceiro popular anunciou que o PPdeG presentará unha batería de iniciativas para instar á Xunta amais da constitución dunha comisión de seguemento e avaliación dos plans de recolocación e axudas as empresas afectadas, na cal participen a Xunta, o concello de Lalín, sindicatos e empresas; á elaboración dun Plan Sectorial de Infraestruturas para Deza-Tabeirós-Montes.

Gómez Alonso subliñou a importancia deste proxecto, ‘xa que a única obra que se puxo en servizo nestes tres anos, na comarca, foi a variante de Lalín, que xa deixara en marcha o anterior goberno do PP’.

‘Neste momento, -afirmou- non existe ningún proxecto novo, xa que as obras do vial Silleda-Laro, proxectado polo Partido Popular, están paralizadas’.

REBAIXA DA PEAXE DA AP-53
No tocante á situación da rebaixa das peaxes da AP-53, o voceiro de Infraestruturas do Grupo Popular anunciou que o PP interpelará á conselleira de Política Territorial para pedirlle explicacións e esixirlle que antes de que remate este primeiro semestre entable ‘negociacións serias’ co Ministerio para cumprir co mandato do Parlamento.

Neste sentido, Gómez Alonso lembrou que o 24 de outubro de 2007, no Parlamento, e a instancia do PP, aprobouse unha Proposición non de Lei na que se instaba á Xunta a impulsar unha negociación co Ministerio de Fomento e a empresa concesionaria para rebaixar as tarifas das peaxes da AP-53. ‘Sen embargo, -aseverou- seis meses despois, non se sabe nada’.

O PPDEG INSTA Á XUNTA A PARALIZAR O PROXECTO DE SEGURIDADE VIAL DA PO-504 E A APROBAR O ELABORADO POLO CONCELLO DE SANXENXO CO CONSENSO DOS VECIÑOS

2008-05-08T16:08:00.000Z

As alegacións dos veciños céntranse na construcción de beirarrúas a ambos marxes da calzada, en reducir o número de rotondas –propoñen dúas en vez de catro- e reducir ao máximo as afeccións

A Xunta deberá explicar os cambios de criterio sobre o proxecto constructivo, a valoración do anteproxecto presentado polo concello de Sanxenxo e a posición do Goberno autonómico sobre a transferencia da titularidade da PO-504 ao concello

O Grupo Popular presentará, no Parlamento, varias iniciativas para instar á Xunta a paralizar o proxecto de seguridade vial da PO-504 e aprobar e dotar economicamente o anteproxecto elaborado polo concello de Sanxenxo co consenso dos veciños. Así o anunciou hoxe, o voceiro de Infraestruturas popular, Alejandro Gómez Alonso, tras reunirse, esta mañá, cos veciños afectados e coa alcaldesa do Concello, Catalina González.

Asimesmo, Gómez Alonso afirmou que o Grupo Popular tamén instará ao Executivo autonómico a que converta a PO-504 nunha travesa urbana, realidade recoñecida pola anterior Xunta gobernada polo PP, e que se transfira, consecuentemente, a competencia e titularidade da mesma ao concello de Sanxenxo.

MALTRATO E DESPREZO AOS VECIÑOS
O voceiro popular asegurou amais que o Grupo Parlamentario Popular presentará unha batería de iniciativas de control, co obxecto de que a Xunta dea explicación do maltrato e desprezo dispensado aos veciños afectados e os motivos de non consensuar o proxecto.

Neste sentido, Gómez Alonso recordou que as alegacións dos veciños céntranse na construcción de beirarrúas a ambos marxes da calzada, en reducir o número de rotondas –propoñen dúas en vez de catro- e reducir ao máximo as afeccións.

‘O concello de Sanxenxo –lembrou- encargou en 2007 un estudio e anteproxecto de seguridade vial da PO-504 que, ademais de facer unha actuación en toda a vía, imprimía un carácter urbano da travesa, incidía na seguridade vial dos peatóns e conductores e contaba co consenso dos veciños, pero o anteproxecto foi rexeitado por Política Territorial, negándose a recibir tan sequera aos veciños afectados’.

Diante desta situación, o voceiro popular asegurou que o Executivo autonómico deberá explicar tamén os cambios de criterio sobre o proxecto constructivo, a valoración do anteproxecto presentado polo concello de Sanxenxo e a posición do Goberno autonómico sobre a transferencia da titularidade da PO-504 ao concello.

O PPdeG PROPÓN CREAR UNHA COMISIÓN XUNTA-GOBENRO CENTRAL PARA O SEGUIMIENTO DO AVE E DAS AUTOVÍAS PENDENTES PRESIDIDA POLA MINISTRA GALEGA

2008-04-24T14:57:00.000Z

O 74% do Ave galego continúa en fase de estudo ou proxecto, con cero quilómetros de vía electrificada

O Goberno central ten paralizados ou retrasados 432,2 km de vías de alta capacidade, con un total de 2.400 millóns de euros sen executar en Galicia

O portavoz de infraestruturas do Grupo Popular, Alejandro Gómez Alonso, reclamou hoxe o apoio de socialistas e nacionalistas para constituír unha Comisión Mixta Comunidade Autónoma-Goberno do Estado para avaliar o estado das obras públicas pendentes de executar en Galicia e acadar un pacto no que se concreten as datas de posta en servizo dos trazados de autovía e alta velocidade ferroviaria que permanecen sen executar.

O antecedente da discriminación á que a ministra de Fomento sumiu a Galicia na pasada lexislatura leva ao PPdeG a propoñer que Magdalena Álvarez sexa excluída desa Comisión, para ser presidida pola titular de Administracións Públicas, a galega Elena Salgado, que debería coñecer as carencias da Comunidade Autónoma no referido ás obras públicas. De feito, Gómez Alonso recordou que a ministra de Fomento, que foi salvada dunha reprobación cos votos do BNG, nin sequera goza das simpatías dos seus compañeiros do PSOE. “A confirmación de Magdalena Álvarez foi unha mala noticia incluso para o PSOE galego”, puntalizou Gómez Alonso.

O portavoz de Infraestruturas do PPdeG reclamou, como medida paralela á Comisión Mixta, a celebración dunha reunión urxente entre unha delegación de deputados do Parlamento de Galicia e representantes do Ministerio de Fomento para coñecer a situación real das infraestruturas pendentes de executar en Galicia a día de hoxe e que os representantes do Goberno expliquen como pretenden poñer en servizo en 2012 o Ave de conexión de Galicia coa Meseta.

Gómez Alonso insistiu en que o presidente da Xunta non pode claudicar no intento de conseguir que Galicia dispoña dunha comisión de seguimento das obras públicas, posto que Cataluña dispón dun órgano bilateral dese tipo desde o pasado 8 de xaneiro e está obrigado a evitar que a Comunidade sexa obxecto dunha nova aldraxe en materia de infraestruturas nesta lexislatura. A diferenza é que o Plan de Infraestruturas de Cataluña 2007-2013 dispón dun orzamento de 34.000 euros, cese o triplo da dotación económica da que debería dispoñer o Plan Galicia, entre outras diferenzas que se poden apreciar no seguinte cadro:

Cataluña Galicia
● Pronto entrará en servizo o AVE a Barcelona... ● Nin sequera sabemos cando se iniciarán as obras
● Dispón de 3.500 M€ de orzamento para AVE en 2008 ● Sen executar 2.000 M€ na pasada lexislatura
● Terá un Plan de Infraestruturas con 34.000M€ ata 2013 ● O Plan Galicia está paralizado

Na súa intervención, o deputado popular tamén fixo un repaso do estado actual dos proxectos pendentes en Galicia en materia de alta velocidade ferroviaria. O resumo é o seguinte:

BALANZO DO ESTADO CONSTRUTIVO DO AVE EN GALICIA

Fase de Estudo: 797.1 km. 53,12 %
Proxecto: 304.7 km. 20,30 %
Obras plataforma: 265.2km. 17,67 %
Obras vía: 62.1 km. 4,13 %
Obras Inst. Seguridade: 18,3 km. 1,21 %
Km´s para velocidades de 160 km/h: 53.1 km 3,53%
(a partir do martes 22 abril 54.7 km)

Queda acreditado que sete anos despois de iniciarse, o 73,42 % do Ave galego continúa en fase de estudo ou proxecto, con cero quilómetros de vía electrificada.

Os incumprimentos son semellantes no referido ás autovías e vías de alta capacidade, que teñen pendentes de executar os orzamentos e tramos que se detallan:

• Autovía do Cantábrico (A-8): 458,9 M€ // 85,7 km
• Autovía Santiago-Lugo (A-54): 337 M€ // 80 km
• Autovía Ourense-Lugo (A-56): 248 M€ // 68,5 km
• Autovía Pontevedra-Confurco (A-57): 400 M€ // 50 km
• Autovía Ourense-Ponferrada (A-76): 1000 M€ // 150 km

A conclusión é que o Goberno central ten paralizados ou retrasados 432,2 km de vías de alta capacidade, con un total de 2.400 millóns de euros sen executar.

O PPdeG PROPÓN UN DECRETO QUE DECLARE DE INTERESE XERAL O TRASPORTE MARÍTIMO DA RÍA DE VIGO PARA GARANTIR RUTAS E HORARIOS AXEITADOS

2008-04-24T14:48:00.002Z

Gómez Alonso considera que con este modelo, a Xunta debería someter o servizo a unha autorización administrativa, como a dos operadores eléctricos ou subministradores de gas, para preservar os intereses dos usuarios

O PPdeG foi a única formación política que asumiu como propias as demandas dos afectados e propón solucións alternativas satisfactorias, compatibles coa redución do prezo do billete

A Xunta de Galicia debe mudar de estratexia en relación coa liberalización do transporte marítimo na ría de Vigo e aprobar un decreto que declare como actividade económica de interese xeral a este servizo, ao abeiro da directiva europea de servizos do mercado interior, do ano 2002. A proposta foi efectuada hoxe no Pleno do Parlamento polo voceiro de Infraestruturas do Grupo Popular, Alejandro Gómez Alonso, no debate do ditame do proxecto de lei polo que se desenvolve a libre prestación de servizos de transporte marítimo de persoas en augas interiores de Galicia.

Tal e como está redactado o texto legal promovido pola Xunta, que determina unha liberalización total, non queda garantida a prestación do servizo para as rutas deficitarias –as que enlazan Vigo con Cangas e Moaña, e viceversa- xa que os traxectos rendibles e, polo tanto máis apetecibles para as empresas, son os enlaces coas Illas Cíes, que son utilizados por unha media de 100.000 usuarios cada ano.

Para garantir que Cangas e Moaña podan dispoñer de conexións marítimas con Vigo, coas frecuencias e franxas horarias necesarias, o PPdeG considera que a Xunta debería someter a prestación do servizo a unha autorización administrativa semellante á que xa se aplica noutros sectores, como o eléctrico ou o gasista, coa que preservar os interese dos usuarios.

A xuízo de Gómez Alonso, co decreto de declaración como actividade económica de interese xeral, o transporte marítimo de persoas na ría de Vigo quedaría eximido de aplicar o principio europeo de libre circulación de e prestación de servizos, para quedar suxeito á planificación e ordenación en aras da defensa dos interese dos usuarios.

De feito, segundo anunciou o deputado, Grupo Popular vai rexistrar no Parlamento unha proposición non de lei para instar á Xunta a promulgar ese decreto, que beneficiaría a un elevado número de usuarios de Vigo e da comarca do Morrazo.

SOLUCIÓN SATISFACTORIA PARA OS USUARIOS

O decreto que defende o PPdeG é compatible coa proposta de reducir o prezo do billete das conexións entre as dúas marxes da ría de Vigo e ofrecería unha resposta satisfactoria ás demandas e alegacións formuladas no trámite de audiencia da lei por unha decena de entidades, incluído o Concello de Moaña, por entender que non garante as prestacións básicas do transporte da ría.

Así as cousas, o PPdeG foi a única formación política que asumiu como propias as demandas dos afectados e propón solucións alternativas satisfactorias.

O Grupo Popular votou en contra desta lei por entender que, tal e como está redactada, afunde practicamente o actual servizo de transporte marítimo na ría de Vigo, polo menos cos traxectos e frecuencias actuais, inflinxindo serios prexuízos aos consumidores e usuarios da cidade e da comarca do Morrazo.

FEIJÓO PROPÓN UN PACTO POLAS INFRAESTRUCTURAS “QUEN NON VAI CONTRA NINGUÉN SENON A FAVOR DE GALICIA”

2008-04-23T10:22:00.000Z

Recorda que despois da última lexislatura de Zapatero, o Goberno central mantén o 73% dos trazados do AVE de Galicia en fase de estudo ou proxecto, mentres hai 432 quilómetros de autovía paralizados

Entre 1990 e 1996, o Goberno central puxo en servizo unha media de 16,4 quilómetros de autovía cada ano; co Executivo de Aznar acadáronse os 55 km/ano, pero con Zapatero a media caeu ata o 12,2 km/ano

O presidente do PPdeG, Alberto Núñez Feijóo, asegurou hoxe que, á vista do trato recibido por Galicia en materia de obras públicas na pasada lexislatura de Zapatero, resulta imprescindible constituír e poñer en marcha unha comisión mixta para velar pola materialización dos compromisos pendentes.

Feijóo recordou que esta medida, proposta polo PPdeG e que será debatida no Pleno do Parlamento que se inicia mañá, “non vai contra ninguén, va a favor de Galicia”, e constitúe un “pacto necesario” para evitar que na lexislatura que agora se inicia volva acontecer o mesmo que co primeiro Goberno Zapatero.

CATALUÑA XA TEN COMISIÓN

O presidente do PPdeG efectuou estas precisións nunha rolda de prensa celebrada este mediodía, trala reunión cos deputados do Grupo Popular, na que recordou que a creación dunha comisión mixta non sería inédita, senón que conta cun antecedente, xa en funcionamento, en Cataluña.

O líder dos populares galegos fixo votos para que “empecemos ven” a lexislatura, argumentando que a lóxica indica que a medida “non pode ser rexeitada”, xa que ese pacto polas infraestruturas estaría aínda máis xustificado en Galicia ca en Cataluña. Nesta liña, convidou á ministra de Administracións Públicas, a galega Elena Salgado, que “saberá que o AVE galego está sen facer”, a implicarse e apoiar a creación desa comisión mixta en defensa das infraestruturas que a Comunidade Autónoma precisa.

Na súa intervención, Feijóo argumentou, con datos, a necesidade de articular ese pacto que evite que Galicia volva ser a comunidade peor tratada polo Goberno de Zapatero en materia de obras públicas.

Así, rematados os catro anos da pasada lexislatura, dos 900 quilómetros que suman as seis liñas de AVE que se deberían construír en Galicia sumando os trazados interiores e os de conexión cos Meseta, cun investimento superior aos 20.000 millóns de euros, o 73% do trazado atópase en fase de estudo ou proxecto, mentres que nin un só quilómetro da rede está electrificado a día de hoxe.

A PEOR LEXISLATURA DESDE 1990

O panorama é similar no referido ás autovías e vías de alta capacidade de competencia estatal previstas na Comunidade Autónoma. Están pendentes de construír un total de 432 quilómetros de autovías, o que equivale a un orzamento de 2.400 millóns de euros.

Á vista destes datos, Feijóo concluíu que a pasada foi a peor lexislatura para Galicia desde 1990. Mentres que entre os anos 1990 e 1996 (Goberno de Felipe González) se puxeron en funcionamento en Galicia unha media de 16,4 quilómetros de autovía cada ano, desde 1996 a 2004 (Gobernos de José María Aznar) entraron en funcionamento 55 quilómetros/ano; e durante a pasada lexislatura, con Rodríguez Zapatero, abríronse unha media de 12,2 quilómetros ano.

Kms en servizo Kms media anual
Socialista (1990-96) 98,8 16,4
Popular (1996-2004) 441,5 55,2
Socialista (2004-08) 49,1 12,2

LICITACIÓN

En materia de licitación se comparamos o derradeiro trimestre do PSOE e do PP en Galicia, entre xaneiro e marzo de 2008 licitouse para Galicia 385,7 millóns de euros; mentres os tres últimos meses do goberno do PP a suma ascendeu a 1.100 millóns de euros, o que supón un 66% menos nos meses do PSOE que nos do PP.

O PPDEG PEDIRÁ EXPLICACIÓNS NO PARLAMENTO POLO RETRASO INXUSTIFICADO DE 11 MESES DA POSTA EN SERVIZO DA VARIANTE DE DOBRE VÍA ENTRE ORDES-QUEIXAS

2008-04-23T10:15:00.000Z

Despois de sete anos de inicio das obras do AVE Santiago-A Coruña, ademais de ter 0 quilómetros electrificados, tan só están en servizo para velocidades de 160Km/h, 42,3Km dun total de 64,1Km que ten este treito

Mellora urxente dos servizos rexionais

Gómez Alonso recrimina a Xunta por asinar un convenio con Renfe, ‘que supuxo un cheque en branco sen esixir unha oferta atractiva, con máis e mellores servizos’
Galicia precisa servizos directos punto a punto e máis rápidos; un axuste dos horarios dos servizos multiparada; e o mantemento das actuais estacións que Renfe pretende pechar

O voceiro de Infraestruturas do Grupo Parlamentario Popular, Alejandro Gómez Alonso, anunciou hoxe, que o Grupo Parlamentario Popular pedirá explicacións, no Parlamento, polo retraso de 11 meses da posta en servizo da variante de dobre vía Ordes-Queixas.

Neste sentido, Gómez Alonso lamenta o retraso ‘inxustificado’ que está a sufrir a posta en servizo deste tramo do Eixo Atlántico de Alta Velocidade, logo de que o Adif anunciase, con case un ano de retraso desde o prazo de finalización da obra, a posta en servizo da variante de dobre vía entre Ordes e o Río Tourío.

CIRCULARES CONTRADICTORIAS
Para Gómez Alonso, resulta absolutamente criticable o xeito de funcionar do Administrador de Infraestruturas Ferroviarias, dado que, tal e como se desprende das súas circulares internas, o 11 de xaneiro, anulou, sen xustificación técnica algunha a posta en servizo da variante, ‘debido á paralización temporal dos traballos’.

‘O 4 de xaneiro deste ano, -explica Gómez Alonso- Adif anuncia, nunha circular, a posta en servizo o 15 de xaneiro da nova variante; oito días despois, envía unha segunda circular onde, sen xustificación técnica algunha, anula a posta en servizo; para finalmente, 4 meses despois, o 11 de abril, enviar outra circular, onde volve anunciar novamente a posta en servizo da variante’.

11 MESES DE RETRASO
Diante desta situación, o voceiro de infraestruturas popular lembra que esta obra foi adxudicada o 11 de maio de 2005, cun orzamento de 28 millóns de euros e un prazo de execución de 22 meses.

‘Estamos a falar –subliña- de que a obra debería estar rematada en abril de 2007, pero pola contra, non entrará en servizo ata o 22 de abril deste ano, polo que se executou con 11 meses de retraso’.

UN ANO SEN PODER ACURTAR EN 10 MINUTOS
Desde o punto de vista dos usuarios, Gómez Alonso asegura que o peor deste asunto é que debido a estes retrasos inxustificados, os usuarios dos servizos ferroviarios rexionais de Santiago-A Coruña levan un ano sen poder disfrutar do aforro de 10 minutos que supón, no seu traxecto, a entrada en funcionamento da variante de dobre vía entre Ordes-Río Tourío.

AVE SANTIAGO-A CORUÑA
Gómez Alonso lembra, tamén, que despois de sete anos de inicio das obras do AVE Santiago-A Coruña, ademais de ter cero quilómetros electrificados, tan só están en servizo para velocidades de 160Km/h, 42,3Km dun total de 64,1Km que ten este treito.

‘E do total dos 237,1Km do Eixo Atlántico, tan só 57,4Km serán aptos para velocidades de 160km/h. Menos dunha cuarta parte do total do Eixo Atlántico’.

MELLORA URXENTE DOS SERVICIOS REXIONAIS
Asimesmo, o voceiro de Infraestruturas recrimina a Xunta de Galicia por asinar un convenio con Renfe, ‘que supuxo un cheque en branco sen esixir unha oferta atractiva, con máis e mellores servizos’, e reivindica a necesidade urxente de mellora dos servizos rexionais de Renfe-Operadora.

‘Galicia –asegura- precisa servizos directos punto a punto e máis rápidos, para unir varias veces ao día as principais cidades de Galicia; un axuste dos horarios dos servizos multiparada, xa que os actuais non se axustan ás necesidades dos usuarios; e o mantemento das actuais estacións que Renfe pretende pechar, posto que amais de non ser incompatibles nin coas liñas nin cos servizos do AVE, son necesarias para manter e mellorar os servizos rexionais’.

PSOE E BNG CONSUMAN O SEU BOICOT E IMPIDEN QUE A XUNTA PARTICIPE NA EXECUCIÓN DO ACCESO AO POLÍGONO DE SANXENXO DESDE A AUTOVÍA DO SALNÉS

2008-04-18T10:01:00.001Z

O PPdeG efectou unha proposta de financiamento a tres bandas –Xunta, concello e xunta de compensación do polígono-, que resultou rexeitada polos socios do bipartito a pesar de que o propio Goberno contemplaba inicialmente a execución desta obra

Os votos dos deputados do PSOE e do BNG na Comisión de Obras Públicas celebrada esta tarde no Parlamento impediron que prospere unha proposición non de lei do Grupo Popular para instar á Xunta a que participe no financiamento da conexión do polígono industrial de Sanxenxo coa Autovía do Salnés.

Alejandro Gómez Alonso, voceiro de Infraestruturas do Grupo Popular, é o autor da proposta debatida esta tarde e que xurdiu despois de constatar a negativa da Consellería de Política Territorial a financiar o novo enlace de acceso ao polígono industrial de Nantes, de 650.000 metros cadrados e que está chamado a convertese no referente industrial e económico de Sanxenxo e de toda a comarca do Salnés.

Aínda que a Consellería de Política Territorial xa ocupou os 23.000 metros cadrados que lle foron cedidos no seu momento pola xunta de compensación do polígono de Nantes como sistema xeral viario para a construción do desdobramento da Autovía do Salnés, o Executivo autonómico desentendeuse das súas obrigas.

Como alternativa, a Xunta enviou ao Concello de Sanxenxo unha proposta de convenio de colaboración co que pretendía que o municipio asumise en solitario o financiamento das obras de conexión do polígono industrial coa autovía. Nesa proposta, a Xunta fixaba o custe das obras en 6,8 millóns de euros, a pesar de que na valoración inicial ese importe quedara situado en tan só 2,7 M€.

Para o PPdeG resulta sorprendente o cambio de actitude operado no seo do Goberno bipartito xa que, como recordou Gómez Alonso na súa intervención, o Servizo de Xestión de Vías de Alta Velocidade emitiu, por petición da Dirección Xeral de Obras Públicas, un informe no que adiantaba que “a construción do enlace será asumida pola sociedade concesionaria de forma parcial, incluíndo a execución dos catro ramais de entrada e saída á glorieta e dous pasos inferiores para facilitar a construción da rotonda”, mentres que “o resto ata completar o enlace será asumido polo concello”.

FINANCIAMENTO A TRES BANDAS

Na iniciativa defendida hoxe por Gómez Alonso e rexeitada cos votos en contra de PSOE e BNG, os populares galegos propoñían un modelo de financiamento a tres bandas. A tal efecto, a Xunta debería asumir o financiamento e execución das pontes da autovía do Salnés necesarias para a execución do enlace inferior, ademais de asumir os enlaces e entrada e saída ao polígono de Nantes. Pola súa banda, o Concello de Sanxenxo debería responsabilizarse dos gastos derivados da adquisición do solo, situado a carón do polígono, e necesario para completar as conexións, e urbanizar os accesos situados fóra dos límites do parque empresarial.

A proposta formulada polo PPdeG completaríase responsabilizando á xunta de compensación do polígono industrial da execución da rotonda situada nun plano inferior á autovía e de completar a urbanización do vial de enlace coa parroquia de Vilalonga.

O PPDEG CUALIFICA DE ‘CACICADA E CHAPUZA’ A ALTERNATIVA INTERIOR PARA A VARIANTE DE NOIA PRESENTADA POLA XUNTA

2008-04-15T10:50:00.002Z

Política Territorial non tivo en contra os máis de 3.000 asinantes das alegacións que os veciños presentaron ao proxecto interior

A opción da Xunta implica: un aumento do 100% do percorrido; unha funcionalidade dubidosa, xa que non é funcional para arranxar o colapso viario de Noia e da comarca; e a superficie de ocupación a expropiar ascende a máis de 811.000m2

As modificacións presentadas por Política Territorial sobre o proxecto son un engano, xa que se mantén o mesmo trazado, o mesmo impacto ambiental e tan só se limitan a modificacións estéticas

O custe da obra ascende a máis de 70 millóns de euros, máis do dobre que a variante da Ponte

Caride terá que explicar o oscurantismo co que está a actuar neste caso; por qué se nega a recibir ás asociacións veciñais afectadas e por qué o director xeral de Obras Públicas, se negou a comparecer na Comisión de Obras Públicas do Parlamento

O voceiro de Infraestruturas do Grupo Parlamentario Popular, Alejandro Gómez Alonso, cualifica de ‘cacicada e chapuza’ a alternativa interior para a Variante de Noia, presentada onte pola Consellería de Política Territorial.

Amais de non ter en contra os máis de 3.000 asinantes das alegacións que os veciños da comarca presentaron a esta alternativa, Gómez Alonso lembra que a Xunta se decanta por unha opción, a chamada A, que implica: un aumento do 100% do percorrido, ‘9,5km fronte aos 4,7km da variante da Ponte, pola que aposta o PP’; unha funcionalidade máis que dubidosa, ‘xa que non é funcional para arranxar o colapso viario de Noia e da comarca; e a superficie de ocupación a expropiar ascende a máis de 811.000m2.

Gómez Alonso asegura, amais, que as modificacións presentadas por Política Territorial sobre o proxecto son un engano, xa que se mantén o mesmo trazado, o mesmo impacto ambiental e tan só se limitan a modificacións estéticas.

UNHA ALTERNATIVA O DOBRE DE CARA
O voceiro popular lembra tamén que, ademais de causar un impacto negativo sobre o medioambiente e un maior custe enerxético ao realizar un percorrido sensiblemente maior, o custe da obra ascende a máis de 70 millóns de euros, ‘máis do dobre que a variante da Ponte’.

Asimesmo, subliña a afectación importante que terá o trazado sobre os núcleos de poboación, que poderían oscilar entre os 22 e os 30.

PETICIÓN DE ANULACIÓN E VOLTA AO PROXECTO DO PP
Diante deste panorama, Gómez Alonso asegura que o PPdeG pedirá no Parlamento a anulación desta alternativa para instar ao Goberno galego a que execute a variante combinada coa Ponte, como opción de consenso para a comarca.

‘De haber seguido co proxecto que deixou o PP, -asevera- este estaría xa en servicio, xa que a construcción da variante da Ponte estaba tan so pendente da execución do procedemento expropiatorio; era unha solución ambientalmente viable e cun menor custe para o erario público, 30 millóns de euros fronte aos 70 millóns da alternativa interior, incluído o feito de que se faría unha ponte emblemática e singular’.

Pola contra, logo dos preto de tres anos transcorridos desde o cambio de Goberno e co proxecto totalmente paralizado desde entón, no mellor dos casos, Noia non disporá de variante ata o ano 2013, a pesar do crecente colapso viario que rexistra.

OSCURANTISMO E FALLA DE TRANSPARENCIA
O voceiro de infraestruturas do PPdeG pregunta á consellería de Política Territorial cal é o motivo de tanta obcecación pola variante interior, cando non vai vertebrar o territorio, vai seguir obrigando aos usuarios a seguir circulando polo casco urbano e o problema do tráfico vai quedar sen resolver.

‘A conselleira Caride –afirma- vai ter que explicar os motivos do oscurantismo e a falla de transparencia coa que está a actuar neste caso; por qué se nega a recibir ás asociacións veciñais afectadas e por qué o director xeral de Obras Públicas, Manuel Morato, se negou a comparecer na Comisión de Obras Públicas do Parlamento’.

O PPdeG PRESENTARÁ UNHA PNL PARA SUBVENCIONAR O 50% DO TRANSPORTE MARÍTIMO DA RÍA DE VIGO

2008-04-11T08:44:00.004Z

Considera que o proxecto de lei ademais de realizar a referida liberalización debería de establecer unha regulación axeitada dos servicios do transporte marítimo se garantindo o efectivo cumprimento dos dereitos das persoas usuarias

Lembra o rotundo fracaso da política de transportes do Bipartito, xa que, a pesar de ter superado o ecuador da lexislatura, a consellería de Política Territorial aínda non foi capaz de poñer en marcha ningunha das dúas medidas incluídas no acordo programático de Goberno

A Xunta segue sen aprobar o transporte metropolitano para Vigo, despois de tres anos

O voceiro de Infraestruturas do Grupo Popular, Alejandro Gómez Alonso, anunciou hoxe, en Vigo, que o PPdeG presentará unha Proposición non Lei, no Parlamento, para subvencionar o 50% do transporte marítimo da Ría de Vigo, co fin de garantir a súa viabilidade económica.

Gómez Alonso, que fixo este anunciou en rolda de prensa, acusou á Xunta de suprimir, co proxecto de lei de transporte marítimo, o transporte marítimo da ría viguesa, ao non garantir o mantemento do servicio aos seus usuarios, co consecuente incremento do colapso viario da Ponte de Rande, ata o punto de converterse nun tapón.

Amais de non defender os intereses dos usuarios, o voceiro popular lembrou que o texto elaborado pola Xunta ignorou, asimesmo, as alegacións presentadas polo concello de Moaña e polo Consello Económico e Social.

Neste sentido, Gómez Alonso, lembrou que o proxecto da Xunta foi informado desfavorablemente por dous motivos fundamentais: porque só pasa por crear un rexistro de operadores de transporte na Ría de Vigo, sen garantir a prestación do servicio actual e sen establecer regulación algunha; e porque liberaliza o sector do transporte marítimo de viaxeiros en augas interiores de Galicia, esquecendo a necesidade de que esa liberalización do sector sexa compatible con que se garanta o efectivo cumprimento dos dereitos das persoas usuarias.

LIBERALIZAR NON É DESREGULAR
‘O PPdeG –dixo- considera que o proxecto de lei ademais de realizar a referida liberalización debería de establecer unha regulación axeitada dos servicios do transporte marítimo. Liberalizar non é desregular. O proxecto debería conter aspectos regulatorios básicos do transporte marítimo’.

O voceiro de Infraestruturas popular afirmou que a Xunta debería someter a liberalización do transporte marítimo da ría de Vigo a un réxime de autorización administrativa efectuada pola Dirección Xeral de Transporte. ‘Só deste xeito –explicou- sería posible acreditar que as empresas interesadas cumpren as esixencias requeridas en materia de seguridade, equipamento técnico, persoal, atención aos usuarios, frecuencias horarias, entre outros aspectos polos que a Xunta debería velar, e non o fai’.

ROTURNDO FRACASO DA POLÍTICA DE TRANSPORTES DO BIPARTITO
Gómez Alonso referiuse tamén ao ‘rotundo’ fracaso da política de transportes do Bipartito xa que as máis de 20 medidas incluídas nos programas electorais dos dous partidos que apoian á Xunta quedaron reducidas a dúas no acordo programático de Goberno: implantar un plan de transporte público de cercanías nas áreas metropolitanas e poñer en marcha un billete único de transporte intermodal nas áreas urbanas e metropolitanas.

‘Sen embargo –lembrou-, a consellería de Política Territorial aínda non foi capaz de poñer en marcha ningunha das dúas medidas, a pesar de ter superado xa o ecuador da lexislatura’.

Por último, Gómez Alonso reiterou que a eliminación do transporte marítimo na Ría de Vigo, así como a inexistencia dun transporte metropolitano para Vigo, despois de tres anos de lexislatura, está a converter nun auténtico tapón a Ponte de Rande.

O GRUPO POPULAR DENUNCIA QUE A XUNTA PERMANECE DE BRAZOS CRUZADOS ANTE A CRISE NO SECTOR DO TRANSPORTE

2008-02-15T16:54:00.001Z

A incapacidade da Xunta de materializar os compromisos acadados trala crise do ano 2005 e a súa negativa a intervir no problema pode traer graves consecuencias para a economía galega, xa que se trata dun sector estratéxico cun peso no PIB de preto do 5% , segundo o Grupo Popular

Para o deputado Gómez Alonso resulta paradóxico que en vez de falar do conflito a Conselleira compareza para falar dun Plan sen dotación orzamentaria e que é presentado por un goberno que ten paralizados ou retrasados mais de 300 km de VAC´S de estradas en Galicia, sumados aos 270 km de autovías do Ministerio de Fomento

O Grupo Popular propón solucións para mellorar a cualificación do sector, coa implantación de Centros de Formación Profesional nas 4 provincias galegas e para a mellora da competitividade, con incentivos fiscais e potenciando a figura do xestor empresarial

O PPdeG solicita a construción dos accesos as plataformas loxísticas existentes, como ao Porto Exterior de Ferrol, a Plisan, ao Porto seco de Monforte ou ao polígono de San Cibrado das Viñas

Reclama a posta en servizo de 10 millóns de metros cadrados adicados a solo para transporte fronte aos tan só 90.000 metros cadrados da central de transportes de Pontecaldelas que as liortas entre Vivenda e a COTOP mantén paralizados

A Xunta de Galicia “permanece impasible no tocante a folga de transporte sen intermediar e sen procurar unha solución real ao problema das mercadorías no noso país” indicou o voceiro de Infraestruturas do Grupo Popular, Gómez Alonso, na súa intervención hoxe no pleno do Parlamento. Para o deputado popular o sector do transporte de mercadorías é un sector estratéxico para o desenvolvemento do noso país, tanto en termos cualitativos como cuantitativos, xa que o seu peso no PIB galego está preto do 5%.

Para Gómez Alonso a crise que está a vivir este sector remóntase ao ano 2005 e, ante o paro que provocou un desabastecemento progresivo e que obrigou a Xunta a crear un gabinete de crise, as medidas que adoptou a Xunta para mellorar a competitividade e modernidade dos transportes de mercadorías foron “ningunha”.

O desencadenante fundamental do conflito actual, a superación do prezo do gasóleo da barreira psicolóxica do euro, foi un dos temas que, dentro dos acordos acadados no ano 2005, aínda está pendente de cumprir entre transportistas e cargadoras, polo que o incremento dun 16,69% do prezo do gasóleo non permite as empresas cubrir os custes. Unha solución ao conflito e ao problema dos transportistas sería asinar os custes mínimos de explotación establecidos polo Ministerio de Fomento.

UN PLAN “ELECTORALISTA” E SEN CONCRECIÓNS

O deputado popular considerou que as explicacións da Consellería sobre o plan de transportes “son explicacións plantexadas en período electoral para evitar un castigo do sector do transporte de mercadorías nas furnas, pero sen dotación orzamentaria, con accións xenéricas e sen concretalas e que, no mellor dos casos, se aplicará na vindeira lexislatura”.

Gómez Alonso indicou que resulta paradóxico que o plan sexa presentado polo goberno que ten paralizados ou retrasados mais de 300 km de VAC´S de estradas en Galicia, sumados aos 270 km de autovías do Ministerio de Fomento. Tamén destacou a desaparición das axudas prestadas polo IGAPE ata o ano 2006, aprobadas polo PP, para a renovación da flota de camións.

PROPOSTAS DO PPDEGALICIA

Segundo Gómez Alonso, o Grupo Popular propón solucións para a mellora da cualificación do sector e para a mellora da competitividade dun sector cun grave problema de atomización, infraestruturas e formativo. Ao respecto da formación o PPdeG solicita a implantación de Centros de Formación Profesional nas catro provincias galegas xa que os únicos centros funcionando na actualidade foron implantados polo goberno anterior.
Así mesmo, o Grupo Popular propón un plan de concentración de empresas para mellorar a competitividade, incentivando fiscalmente e potenciando a figura do sector de concentracións, habilitar aparcamentos para vehículos industriais e patios de operacións nos polígonos industriais e construción de áreas de descanso nas VAC´S en servizo.

CONSTRUCIÓN DE 10 MILLÓNS DE METROS CUADRADOS

O deputado popular reclamou a necesidade da posta en servizo de 10 millóns de metros cadrados adicados a solo para transporte, fronte aos tan só 90.00 metros da central de transportes de Pontecaldelas, que as liortas entre Vivenda ea COTOP mantén paralizados.

Gómez Alonso tamén resaltou a necesidade de construír os accesos as plataformas loxísticas existentes poñendo como exemplo evidente de paralización o Porto de Ferrol, que sigue paralizado pola falta de accesos, a Plisan, sen servizo de conexión coa A-52 e sen previsión ferroviaria, ao Porto seco de Monforte ou ao Polígono de San Cibrao das Viñas.

PARALISE E RETRASO NA VERTEBRACIÓN DO PAÍS

O deputado popular criticou a ralentización e progresiva parálise da obra pública en Galicia ante o que lembrou que a mediados do ano 2005 297,3 km de vías de alta capacidade estaban ben licitados, en obras ou pendentes de adxudicación e a previsión era que se iniciasen as obras en mais de 233 km, aínda que o panorama hoxe vai por outros camiños.

Dente o punto de vista de vertebración e cohesión territorial esta falla de planificación e xestión política están a provocar “un retraso medio de dous, tres e ata catro anos sobre os prazos de remate das grandes infraestruturas e un retraso en mais de 15 proxectos construtivos que suman un total de 300 k “

Gómez Alonso indicou que a consecuencia é que importantes infraestruturas como a Vía Ártabra, ou VAC´S como Tui-A Guarda, Sarria-Monforte, Ferrol-San Cibrao, Marín-Pontevedra, Ferrol-San Cibrao xunto con outros importantes proxectos como a autovía Pontevedra-Vilagarcía, a variante de Carballo, Noia ou a estrada que unirá Becerreá con Navia de Suarna e o acceso ao Porto de Bens “non estarán rematados ata os anos 2012 2014”

Por iso, destacou o deputado popular, ao remate desta lexislatura tan só haberá 71 km de vías de alta capacidade en servizo, de proxectos que o PP deixou licitados ou en obras no ano 2005. En canto ás estradas, tres das cinco autovías (60%) do Plan Galicia reducen o seu orzamento respecto de 2007.

O PPdeG ACUSA Á XUNTA DE ALIÑARSE CON MAGDALENA ÁLVAREZ PARA PARALIZAR AS GRANDES OBRAS PENDENTES NA CORNIXA CANTÁBRICA

2008-02-08T18:01:00.000Z

A ministra de Fomento anulou o estudo informativo do ave transcantábrico, contratado en 2003, truncando calquera posibilidade de iniciar as obras en 2010, como estaba previsto

A autovía do Cantábrico rematará con 4 anos de retraso en Galicia (2012) mentres avanzan a bo ritmo en Asturias: Galicia ten en servizo 3 dos 14 tramos previstos, mentres que en Asturias xa se circula por 9 de 14

A Xunta desenténdese do compromiso se mellorar as estradas interiores de Galicia con Asturias a través do Y da Fonsagrada e trata de zanxar con 2 millóns de euros unha obra na que se deberían investir 40 M€

O voceiro de Infraestruturas do Grupo Popular, Alejandro Gómez Alonso, denunciou hoxe que a Xunta de Galicia actuou, durante a última lexislatura, como un “tonto útil” ao servizo da ministra de Fomento, converténdose en cómplice do retraso e da paralización das grandes obras públicas pendentes de acometer para mellora as comunicacións terrestres da cornixa cantábrica.

No debate dunha iniciativa incluída na orde do día da Comisión de Ordenación Territorial e Obras Públicas do Parlamento celebrada esta tarde, Gómez Alonso denunciou que o proxecto de executar o trazado transcantábrico do AVE constitúe, a día de hoxe, unha “tenebrosa interrogante”. Esta incerteza é consecuencias da decisión de Fomento de reiniciar todos os estudo relacionados cunha actuación que, segundo o cronograma inicial, debería iniciarse en 2010 cun investimento de 5.400 millóns de euros para conectar Bilbao con Ferrol.

Aínda que o Xestor de Infraestruturas Ferroviarias licitou, en febreiro de 2003, os contratos de consultoría e asistencia para a elaboración do estudo informativo do ave transcantábrico, a chegada de Magdalena Álvarez ao Ministerio de Fomento truncou o proxecto, que foi paralizado. A decisión foi secundada polos presidentes da Xunta e do Principado, que admitiron en público que o ave do Cantábrico nin é prioritario non se debe executara calquera prezo. Deste xeito, a posibilidade de iniciar as obras en 2010, como anunciara Álvarez Cascos, esvaécese totalmente.

“O ave do Cantábrico quedou aparcado definitivamente e, desta forma, a Cornixa Cantábrica queda fora dun proxecto fundamental para as catro comunidades autónomas implicadas no seu trazado, tendo en conta que suporía unha conexión ferroviaria directa con Europa sen necesidade de incorporarse aos eixes casteláns”, afirmou Gómez Alonso.

AUTOVÍA DO CANTÁBRICO: RETRASO E ENTREGUISMO

Respecto á Autovía do Cantábrico, Gómez Alonso recordou que as obras finalizarán cun retraso mínimo de catro anos, a pesar de que os prazos de Touriño e Areces prevían que rematasen, como moi tarde, en 2009. Sen embargo, a realidade é ben distintas. Dos 85,7 km do tramo galego da autovía do Cantábrico, só 21,6 km están en servizo; é dicir, só están en funcionamento 3 dos 14 tramos previstos. Ademais, a previsión de investimento de Fomento nesta Autovía revela que a metade do orzamento non se executará ata o ano 2010 e seguintes (226,2 fronte aos 458,9 M€ de investimento total).

Previsións Orzamentarias 2010 e seguintes da A-8 en Galicia

TREITO LONXITUDE ANO 2010 E SEGUINTES

BARREIROS-VILAMAR 4,6 255.000 E
VILAMAR-LOURENZÁ 4,5 20.069.550 ME
LOURENZÁ-MONDOÑEDO 3,6 16.526. 529 ME
MONDOÑEDO-LINDÍN 4,7 40.902.290 ME
LINDÍN-CAREIRA 9,3 87.351.710 ME
CAREIRA-ABADÍN 5 28.246.960 ME
ABADÍN-CASTROMAYOR 3,5 230.370 E
CASTROMAYOR-TOUZAS 6 14.432.020 ME
TOUZAS-VILLALBA 9 18.239.600 ME

50.2 KM 226.254.029 ME

Sen embargo, no tramo asturiano, a situación é ben distinta. Dun trazado de 133,15 quilómetros de lonxitude total, xa están en servizo 52,94 quilómetros, incluíndo o tramo inaugurado hoxe pola ministra de Fomento. Co aberto hoxe, estarán en servizo 9 dos 14 tramos previstos.

SEN NOTICIAS DA VAC DA COSTA NORTE

O portavoz de Infraestruturas do Grupo Popular tamén recordou que o Goberno bipartito mantén paralizado o proxecto de construción da vía de alta capacidade da Costa Norte, que en 2008 recibirá tan só a décima parte dos recursos que precisaría para que as obras podan iniciarse a bo ritmo. En lugar dos 37,17 millóns de euros necesarios (como figuraba na programación plurianual de exercicios anteriores), a Xunta consignou unicamente unha partida de 3,7 M€.

O Y DE FONSAGRADA CAE NO ESQUECEMENTO

Na súa intervención, Gómez Alonso tamén denunciou que a Xunta de Galicia se está a desentender do compromiso anunciado por Touriño e Areces para mellorar as comunicacións interiores entre Galicia e Asturias a través do anunciado corredor en forma de Y que enlazaría A Fonsagrada coas localidades asturianas de Santa Eulalia e Oscos e Grandas de Salime. Xunta de Galicia e Principado de Asturias anunciaran que as obras se ían iniciar en 2007 cun presuposto total de 40 millóns de euros.

Sen embargo, este proxecto tamén foi abandonado e así quedou de manifesto o pasado 4 de xaneiro, cando a Xunta adxudicou por 2 millóns de euros as obras de mellora da estrada entre Barreiros e o límite con Asturias, que articula o Y de Fonsagrada. Así, a Xunta pretende arranxar con 2 millóns de euros unha actuación presupostada inicialmente en 40 millóns.

Neste contexto, no debate desta tarde, Gómez Alonso reclamou o apoio de socialistas e nacionalistas para aprobar a súa proposición non de lei e instar á Xunta e ao Ministerio de Fomento a acelerar a construción da autovía do Cantábrico de xeito que poda entrar en servizo no ano 2010. Reclaman tamén os populares que o Ministerio de Fomento retome o estudo informativo do proxecto do corredor de alta velocidade ferroviaria do Cantábrico, xa contratado no ano 2003, para poder sometelo a información pública ao longo de 2008.

O terceiro punto da iniciativa defendida hoxe por Gómez Alonso propoñía iniciar tamén este mesmo ano as obras do Y Fonsagrada-Santa Eulalia de Oscos- Grandas de Salime, tal e como foi concibido inicialmente: con características de corredor e un orzamento de 40 millóns de euros.

ARRANXAR O COLAPSO VIARIO DE VIGO E A SÚA ÁREA METROPOLITANA REQUIRE UN INVESTIMENTO DE 1.000 MILLÓNS DE EUROS NOS PRÓXIMOS ANOS

2008-01-21T11:39:00.000Z

O TRANSPORTE PÚBLICO LEVA DOUS ANOS E MEDIO EN “CAÍDA LIBRE” MENTRES OS ATASCOS SE SUCEDEN NAS CIDADES E A XUNTA SE LAVA AS MANS E CONSINTE QUE RENFE DESTINE A GALICIA O MATERIAL QUE DESBOTAN OUTRAS COMUNIDADES

Os deputados Gómez Alonso e López Chaves denuncian que a Xunta é incapaz de poñer en marcha o transporte metropolitano e amosa un absoluto desinterese polas cercanías ferroviarias, mentres o transporte marítimo a través da ría perdeu máis da metade dos usuarios

Cunha media de 60.000 vehículos diarios, o colapso de Rande ameaza con ir a máis, pese a que os técnicos consideran que calquera vía de alta capacidade perde a súa eficacia cando supera os 40.000 vehículos ao día

O PPdeG conclúe que a Xunta leva 30 meses anunciando en Vigo un plan de obras que ninguén coñece e o único que fixo ata o de agora foron maquetas,

Solucionar o colapso viario que presenta a cidade de Vigo e a súa área metropolitana require un investimento de 1.000 millóns de euros nos vindeiros anos, segundo desvelou hoxe o portavoz de Infraestructuras do Grupo Popular, Alejandro Gómez Alonso, nunha rolda de prensa na que compareceu acompañado polo deputado vigués Ignacio López-Chaves Castro.

O voceiro de Infraestructuras do Grupo Popular subliñou que os problemas de tráfico rodado se converteron nunha das principais fontes de preocupación dos cidadáns, na medida en que os atascos se suceden a cotío nas cidades por unha dobre causa: a falta de infraestructuras axeitadas e as carencias do transporte público.

O deputado popular recordou que a Xunta leva dous anos e medio de brazos cruzados mentres o transporte público está en “caída libre” en Galicia, sen habilitar medida algunha para promover o uso e mellorar a oferta dos medios de locomoción colectivos para reducir a utilización dos vehículos particulares. Nesta liña, o PPdeG tamén cuestiona a actitude da Xunta, por permitir que RENFE estea destinando a Galicia material rodante obsoleto que está a ser desbotado por outras comunidades. “A Galicia traen os restos que ninguén quere, coa compracencia da Xunta”, aseverou.

ACTUACIÓNS PENDENTES

A execución da autovía Vigo-Pontevedra, que precisa un investimento de 400 millóns de euros; a ampliación da Ponte de Rande, valorada en 200 millóns de euros; a conexión de Vigo coa rede de alta velocidade ferroviaria (Tui-Vigo e acceso Norte de Vigo, cun custe de 650 millóns de euros) e a implantación dun sistema viable e eficaz de transporte público, que inclúa servizos de cercanías ferroviarias, transporte metropolitano e transporte marítimo pola ría (valorado conxuntamente en 100 millóns de euros), constitúen as actuacións necesarias para solucionar as carencias da cidade e o seu contorno xeográfico.

COMPLICIDADE MUNICIPAL

Pola contra, os deputados populares denunciaron que tanto a Xunta de Galicia como o Goberno central, coa compracencia do concello, se desentenden dos problemas de accesibilidade da principal cidade de Galicia, na que residen 294.772 habitantes, cifra que se eleva ata as 400.000 persoas contando a área metropolitana.

Mentres os atascos se suceden a cotío, e a simple avaría dun vehículo pode provocar retrasos quilométricos nas principais arterias que comunican a cidade co seu contorno, o Ministerio de Fomento iniciou, xa en abril de 2007, as obras da segunda ponte sobre a bahía de Cádiz, malia que esta cidade ten menos da metade de poboación ca Vigo (128.000 habitantes) e que contando a área metropolitana sobrepasa lixeiramente as 400.000 persoas.

O PAPEL DA XUNTA

Neste contexto, Gómez Alonso responsabilizou directamente ao Goberno bipartito do colapso no que está sumida a ponte de Rande, cunha intensidade media de 60.000 vehículos diarios ao remate de 2006 e que sufriu un incremento exponencial despois da liberalización da peaxe para a área do Morrazo. Os expertos consideran que calquera vía de alta capacidade perde eficacia cando supera os 40.000 vehículos ao día. No caso de Rande, todo indica que a súa saturación vai ir en aumento ata o ano 2010, data na que se calcula o seu colapso definitivo.

Ademais da execución de vías de alta capacidade alternativas como a autovía Vigo-Pontevedra (que debía estar rematada en 2010, pero ao ritmo actual non será realidade ata 2014), o Grupo Popular reclama a posta en marcha do transporte metropolitano, que a Xunta mantén paralizado, e unha aposta decidida polo tren de cercanías no eixe Vigo-Pontevedra.

Cálculos da propia RENFE sinalan que un servizo de cercanías ferroviarias eliminaría un 25% do tráfico rodado actual e recurtaría nun 50% a previsión de crecemento deste a curto e medio prazo.

Paralelamente, o transporte marítmo da ría de Vigo é outra das asignaturas suspensas da Xunta, xa que a pesar de comunicar áreas moi poboadas, perdeu máis da metade dos usuarios. Pasou de dous millóns de viaxeiros na década dos 80, a pechar 2006 con menos da metade, tocando fondo con 960.000 usuarios. O descenso foi especialmente acusado entre xuño e decembro de 2006, período no que como consecuencia da supresión da peaxe, o transporte marítimo perdeu 160.000 usuarios, cando un dos obxectivos da Xunta debería consistir en promocionar o uso do transporte público para incentivar a reducción do uso dos vehículos particulares.

O PSOE LIMÍTASE A FACER MAQUETAS

Neste contexto de carencias, o PPdeG conclúe que a Xunta leva 30 meses anunciando un plan de obras para Vigo que ninguén coñece e con todos os esforzos concentrados en facer maquetas, como a da Ponte de Rande ou as dos porto promovidas polo actual alcalde, con finalidade propagandística e sen sustento real.

O Grupo Popular formulará no Parlamento unha interpelación para reclamar explicacións da Xunta ante a falta de concreción do anunciado proxecto de ampliación da Ponte de Rande.

ZAPATERO ESQUECE O AVE VIGO-PORTO EN PRESENCIA DO PRESIDENTE DA XUNTA E TOURIÑO CALA

2008-01-21T11:38:00.000Z

Desde que chegou o PSOE ao Goberno central, non se produciron avances na tramitación desta obra e cada vez que se pregunta polo comezo da obra non se comprometen con data e retrasan un ano máis o seu remate.

Os populares galegos consideran que o Presidente da Xunta non defendeu os intereses dos galegos

Para Galicia a relación con Portugal é un asunto da máxima prioridade xa que, Galicia e o Norte de Portugal constitúen unha eurorrexión de arredor de 7 millóns de habitantes

Os populares galegos lamentan que o Presidente do goberno de España esqueza o AVE entre Vigo e Porto, na reunión de Braga, coa presencia do Presidente da Xunta e Touriño non reclame a súa execución.

No día de onte, na reunión celebrada en Braga, os máximos responsables de España e Portugal falaron da conexión de AVE entre Madrid e Lisboa e non puxeron data, nin de comezo nin de fin do AVE entre Porto e Vigo e o presidente da Xunta permitiu o desprezo a Galicia.

EXPLICACIÓNS NO PARLAMENTO
O Grupo Parlamentario Popular presentará iniciativas no Parlamento de Galicia co obxectivo de coñecer os prazos de comezo do AVE entre Vigo e Porto.

Ademáis, solicitará cal vai ser o finanzamento, que características vai ter e os diversos prazos de tramitación, para un AVE fundamental para os intereses económicos dos galegos.

Desde que chegou o PSOE ao Goberno central, non se produciron avances na tramitación desta obra e cada vez que se pregunta polo comezo da obra non se comprometen con data e retrasan un ano máis o seu remate.

FALLA DE DEFENSA DOS INTERESES DOS GALEGOS
Os populares galegos consideran que o Presidente da Xunta non defendeu os intereses dos galegos e actuou como secretario xeral do PSOE, deixando na súa presencia que se certifique que o AVE Vigo-Porto aprázase indefinidamente o non ter data.

Malia as declaracións grandilocuentes, que son habituais no presidente da Xunta, o PPdeG insiste en que o proxecto de execución dunha liña de alta velocidade ferroviaria entre Vigo e Porto segue como hai catro anos, a pesar do compromiso expresado polos Gobernos español e portugués, no cumio de Figueira de Foz de 2003, na que se anunciara a materialización do proxecto para o ano 2008.

RELACIÓN CON PORTUGAL
Para Galicia a relación con Portugal é un asunto da máxima prioridade xa que, Galicia e o Norte de Portugal constitúen unha eurorrexión de arredor de 7 millóns de habitantes, cuns lazos de colaboración e recíproca implicación cada vez máis estable e fortes. Ademais, para Galicia é fundamental profundizar nesa relación para poñer en valor a posición privilexiada como territorio do Arco Atlántico, conectando a cornixa cantábrica co oeste da península ibérica

O anterior Goberno foi quen liderou a Comunidade de Traballo Galicia-Norte de Portugal –recoñecido en moitas ocasións por diferentes membros da Comisión Europea como modelo a seguir na cooperación rexional. Ademais, o Goberno Fraga prestou o seu apoio decidido á constitución do Eixo Atlántico do Noroeste Peninsular, asociación dos 18 principais concellos de ámbalas dúas marxes do Miño.

NUÑEZ FEIJÓO ASEGURA QUE “OS NOIESES PODERÁN CRUZAR A RÍA SOBRE UNHA NOVA PONTE EN 2010” CO PP NO GOBERNO E NA XUNTA

2008-01-21T09:16:00.000Z

Por algo será que desde que se convocaron as eleccións a Ministra de Fomento desapareceu

A Xunta ten paralizadas as 15 principais obras de Galicia: “300 quilómetros fantasma”

O Goberno de Zapatero nin puxo unha soa travesa na maior parte das liñas interiores do AVE, nin moveu un solo papel para conectar Galicia co resto de España

A única promesa en infraestructuras que cumpriu a Xunta foi en Noia: empeñáronse en non facer a variante e non se fixo a variante

O Presidente do PPdeG, Alberto Núñez Feijóo, asistiu, na noite de onte, a un acto cos militantes do PP de Noia. Na súa intervención, Núñez Feijóo garantizou que “os noieses poderán cruzar a ría sobre unha nova ponte en 2010” co PP no Goberno central e na Xunta. O Presidente dos populares galegos cre que en Noia foi onde o Bipartito cumpriu a súa única promesa en infraestructuras: empeñáronse en non facer a variante e non se fixo a variante.

Núñez Feijóo cre que “Galicia precisa o AVE, e Noia precisa a ponte” e dixo que “mentres nós queremos construir o século XXI, eles queren voltar ao século XIX”. O Presidente do PPdeG salientou que a Xunta, a través da súa Consellería de Política Territorial, con “Magdalena 2”, ten as 15 principais obras de Galicia paralizadas e retrasadas ata o 2012-2015. En total “300 quilómetros fantasma”.

Unha conducta similar á do Ministerio de Fomento, que durante esta lexislatura discriminou a Galicia. “Non puxeron unha soa travesa na maior parte das liñas interiores do AVE” e “non moveron nin un só papel para conectar a Galicia co resto de España” a través da Alta Velocidade. Con este balance, para Núñez Feijóo, non é de estranar que desde que se convocaron as eleccións, Magdalena Álvarez estea desaparecida.

O Presidente do PPdeG destacou que Galicia se enfrenta a retos nos próximos catro anos que hai que abordar con urxencia, e valorou que os perfís dos cabeza de lista do partido para as Eleccións Xerais son os máis axeitados para contribuir a mellorar a situación económica, dar un pulo ás infraestructuras, dar un salto de calidade nos servicios sociais e incrementar as prestacións dos que se adican ao sector primario.

Sobre Antonio Erias, cabeza de lista do PPdeG na provincia da Coruña, Núñez Feijóo destacou que coa súa experiencia e formación contribuirá activamente a solucionar o problema que encabeza as preocupacións dos cidadáns: a crise económica. Así Núñez Feijóo recordou que as hipotecas están máis caras que nunca e os prezos están a subir como nunca o fixeron nesta década, polo que hai aplicar solucións inminentes que invirtan esta situación.

O PPdeG INTERPRETA QUE OS MILES DE AFECTADOS POLA VARIANTE DE PORTAS EXEMPLIFICAN O FRACASO DA POLÍTICA DE TRANSPORTES DO BIPARTITO

2008-01-16T12:42:00.000Z

O grupo Popular reunise hoxe co alcalde de Portas e con representantes da coordinadora de afectados, cos que se comprometeu a trasladar as súas demandas ao Parlamento a través dunha proposición non de lei na que reclamará que se garantan os servizos ferroviarios rexionais nas vías que quedarán en desuso

Gómez Alonso considera que a lei de transportes que ten ultimada a Xunta constitúe un elemento “partidario e propagandístico”, mentres 650.000 galegos seguen sen poder utilizar o transporte metropolitano

O PPdeG reclama un compromiso escrito da Xunta con ADIF para garantir o mantemento dos servizos ferroviarios rexionais

O voceiro de Infraestruturas do Grupo Popular, Alejandro Gómez Alonso, considera que o anuncio de supresión de calquera tipo de servizo ferroviario no concello de Portas, por unha banda; e en Catoira, Pontecesures, Valga, Padrón, Caldas, Moraña, Cuntis e Barro, por outra, cando entre en funcionamento o trazado que se está a executar neste momento constitúe un “exemplo clarificador” do fracaso da política de transporte impulsada polo Goberno bipartito.

Gómez Alonso e Pilar Rojo, voceira adxunta do Grupo Popular, reuníronse, esta mañá no Parlamento co alcalde de Portas, Roberto Vázquez e, de seguido, con integrantes da coordinadora de afectados polo anunciado desmantelamento da liña férrea actual entre Vilagarcía de Arousa e a estación de Portas. En total, entre os afectados pola supresión da estación de Portas e os usuarios aos que se eliminará o servizo na zona de Catoira e Padrón, que Fomento quere converter en vía verde, a poboación potencial prexudicada ronda as 150.000 persoas de nove concellos.

O deputado popular cuestiona que a Xunta se resigne a converter o tramo actual, no mellor dos casos, nunha vía verde, sen habilitar alternativa algunha que garanta unha oferta axeitada de transporte colectivo aos usuarios da comarca.

ADMINISTRACIÓN PARALIZADA

A xuízo do deputado popular, resulta paradóxico que cando a Xunta ten ultimado o proxecto de lei de lei de transportes de Galicia, representantes de milleiros de afectados teñan que recurrir ao Parlamento para denunciar o seu desamparo fronte a unha Administración autonómica que non move un fío para solucionar as carencias.

Nas dúas reunións celebradas esta mañá, o portavoz de Infraestruturas do Grupo Popular anunciou a súa intención de elaborar unha iniciativa na Cámara autonómica para reclamar que a Xunta negocie o mantemento dos servizos ferroviarios rexionais cando entren en servizo os novos trazados.

LEI PROPAGANDÍSTICA

A pesar dos reiterados compromisos da conselleira de Política Territorial de facer de 2008 o ano do transporte, é o certo que, a día de hoxe, 650.000 galegos seguen sen poder utilizar o transporte metropolitano, feito que converte ao proxecto de lei de transportes nun instrumento “partidario e propagandístico”, en palabras de Gómez Alonso.

Para o Grupo Popular, a entrada en servizo na nova liña, deseñada como soporte da alta velocidade ferroviaria, non resulta incompatible coa implantación de servizos de cercanías, que desconxestionan o tráfico rodado, e teñen vital importancia nas comarcas con elevada densidade de poboación, como sucede nesta zona.

En opinión de Gómez Alonso, a Consellería de Política Territorial debe “posicionarse e mover ficha. Xa non valen as palabras; o único que vale neste momento é un compromiso escrito co Administrador de Infraestruturas Ferroviarias, que garanta o mantemento dos servizos aos afectados”.

O Grupo Popular alerta das innumerables “chapuzas” que se están a producir nas obras da autovía Santiago-Brión

2008-01-08T09:17:00.000Z

A Conselleira María José Caride adiantará en tres meses o prazo de inauguración da AG-56 a costa de “ejecutar unha chapuza”

O voceiro de Infraestructuras esixirá no Parlamento Galego responsabilidades polas deficiencias registradas na autoestrada nestes días

O voceiro de Infraestructuras do Grupo Popular, Alejando Gómez Alonso, acaba de advertir á Conselleira de Política Territorial, María José Caride, da “chapuza” na que se están a converter as obras da autovía Santiago-Brión.

Gómez Alonso alertou deste xeito á conselleira das “innumerables deficiencias que presenta esta obra” que, nos últimos días, provocaron incluso a preocupación dos veciños afectados polas mesmas.

PROBLEMAS NOS CONCELLOS DE AMES E BRIÓN

Neste sentido, o voceiro da Comisión de Infraestructuras informou que no punto que afecta ao concello de Ames rexistraronse importantes desprendementos de terra sobre o acceso da urbanización “As Mimosas” que, ate esta mesma mañá, permanecía cortado co conseguinte perigo para a seguridade vial.

Os problemas aos que alude o Grupo Popular tamén se deixaron notar noutros puntos da autovía nos que apareceron desprendementos de terra sobre a calzada que nos últimos días empeoraron a causa das fortes choivas que afectan a Galicia.

PROBLEMAS NA EXECUCIÓN DAS OBRAS
Segundo o voceiro do Grupo Popular a causa principal destes incidentes é a perda de calidade na execución das obras, xa que, no pasado mes de decembro a conselleira decidiu reducir o plazo de finalización das mesmas en tres meses por motivos “puramente electorais”. Gómez Alonso declarou neste sentido que o seu grupo non vai a consentir que “se faga unha autovía destas características cos mínimos recursos e en tempo record” xa que a seguridade dos cidadáns está “moi por diante das aspiracións electorais da señora Caride”.

Como ejemplo das chapuzas (remítense fotos) nalgúns tramos da AG-56 non están rematados os enlosados dos pasos inferiores, xunto co feito de que algúns terraplens carecen de protección o que coas choivas causa desprendimentos.

Neste sentido o voceiro de Infraestructuras esixirá no Parlamento responsabilidades polos problemas que están a ocasionar ditas obras así como que non se poña operativa ate que se garanticen tódalas normas de seguridade.

Dita, licitada polo Goberno Popular na Xunta no ano 2005, suporá un importante nexo de unión entre a N-55º na Rocha (no termo de Santiago) coa estrada AC-543 (en Brión).
Dentro das actuacións complementarias a esta autovía se inclue tamén a construcción dunha variante de 3,3 kilómetros de lonxitude que conecta As Galanas coa AG-56, descongestionando polo tanto o tráfico que se dirixe a Santiago pola estrada N-550.

PSOE E BNG REXEITAN UNHA PROPOSTA DO PPdeG QUE PERMITIRÍA A POSTA EN SERVIZO DA VÍA FERROL-SAN CIBRAO EN 2011

2007-12-27T10:02:00.000Z

Os presupostos da Xunta para 2008 só consignan 3,7 millóns de euros para esta actuación, cando sería precisa unha cifra dez veces superior

Alcaldes do PPdeG das comarcas afectadas seguiron o debate desde a tribuna de invitados do hemiciclo

“A Mariña non existe para o Goberno bipartito”, denuncia Balseiro

Os grupos socialista e do BNG no Parlamento rexeitaron hoxe unha moción do PPdeG defendida polo deputado José Manuel Balseiro na que reclamaba unha dotación económica suficiente para os exercicios de 2008 e 2009 para que a vía de alta capacidade Ferrol-San Cibrao poda entrar en servizo no horizonte do ano 2011, como estaba previsto inicialmente, en lugar de demorar o remate dos traballos máis aló de 2015, como é a intención do Goberno bipartito.

Nun debate seguido desde a tribuna de convidados do hemiciclo por alcaldes populares das comarcas polas que debería discorrer a vía, Balseiro Orol pediu habilitar nos presupostos da Xunta de 2008 unha partida de 37,1 millóns de euros e outra de 58,8 M€ nos de 2009 para facer realidade nun prazo razoable “unha estrada que está chamada a converterse na vía de comunicación máis importante do litoral das provincias de Lugo e A Coruña que, tras tres orzamentos do bipartito, vai camiño de converterse nunha infraestrutura virtual”.

PRAZOS INASUMIBLES

Pola contra, os presupostos da Xunta para 2008 prevén tan só 3,7 millóns para esa vía, aos que se sumarán os 50.000 euros previstos polo Goberno central par ao tramo da súa competencia, entre San Cibrao e Barreiros. Neste sentido, “sendo moi optimistas, o corredor non entrará en servizo antes do ano 2016, unha data coa que resulta imposible sentirse satisfeito”.

Co nesta moción, o PPdeG limítase a reclamar que o Executivo galego manteña a programación presupostaria plurianual prevista no documento orzamentario de 2007, para facer realidade o compromiso adquirido pola conselleira de Política Territorial ante os alcaldes da comarca, cando anunciou que a nova estrada estaría operativa antes de 2011.

Para 2008, Política Territorial reduciu nun 90% a consignación prevista para esa obra (ao pasar de 37 a 3,7 M€), en nun 40% os cartos previstos para 2009 (de 58,8 millóns anunciado a 34 millóns contemplados no documento orzamentario plurianual).

Balseiro Orol recordou que o anterior Goberno galego do PPdeG deixou elaborados os proxectos construtivos do 57% do trazado desa vía que é de responsabilidade autonómica. Sen embargo, nos case tres anos que leva en exercicio das súas responsabilidades, o Executivo bipartito integrado por PSOE e BNG foi incapaz de iniciar un só tramo de obras, deixando sen executar a totalidade dos orzamentos previstos a tal efecto.

Os proxectos que se atopan en fase de elaboración seguen a mesma liña. Como exemplo, Balseiro recordou que en febreiro de 2005, Política Territorial licitou o deseño do trazado dos tres primeiros tramos do corredor, cun prazo de execución de ano e medio. A pesar dos 2 anos e 10 meses transcorridos desde entón, ningún dos estudios foi rematado.

RESPONSABILIDADE DOS SOCIOS DO BIPARTITO

“Se logo de case tres anos de responsabilidade do actual Goberno autonómico, o resultado son cero quilómetros do corredor Ferrol-San Cibrao, é obvio que socialistas e nacionalistas teñen toda a responsabilidade do que está a suceder”, argumentou Balseiro Orol. “A Mariña non existe para o Goberno bipartito”, aseverou o deputado.

Na moción defendida esta mañá no Parlamento, o deputado popular reclamou tamén que a Xunta “poña fin ao progresivo baleirado de servizos que está a afectar á Mariña Lucense logo da chegada do Goberno bipartito”. Por iso, esixiu “cesar a marxinación e a carencia de investimentos que caracteriza a xestión da Xunta de Galicia nos ámbitos sanitario, de servizos sociais, pesqueiro, de seguridade e de xustiza”.

POLÍTICA TERRITORIAL UTILIZOU POLITICAMENTE OS SOCAVÓNS DA VÍA DO SALNÉS PARA DESPRESTIXIAR A POLÍTICA E O PARLAMENTO

2007-12-27T09:50:00.000Z

O PPdeG denuncia a actitude obstrucionista da conselleira de Política Territorial e dos grupos que apoian ao bipartito, que vetaron documentos e comparecencias fundamentais para coñecer mellor o sucedido

Acusa María José Caride de redactar e filtrar as conclusións da comisión de investigación desde a Consellería

Chama a atención sobre os efectos das escorrentías e dos cambios producidos na composición desa auga como consecuencia dos incendios que arrasaron os montes da comarca no verán anterior

Gómez Alonso reitera que todos os pagamentos das obras da vía rápida se efectuaron coa correspondente certificación de obra executada e a prezos de mercado

A conselleira de Política Territorial, María José Caride, utilizou os socavóns rexistrados na vía do Salnés para desprestixiar a política e ao propio Parlamento de Galicia. No debate do ditame da Comisión de investigación sobre as causas do deterioro da vía de alta capacidade do Salnés, o voceiro de Infraestruturas do Grupo Popular, Alejandro Gómez Alonso, acusou a Maria José Caride, de ter teledirixido a redacción das conclusións e filtrar o seu contido á marxe do Parlamento.

Do mesmo xeito, a Gómez Alonso responsabilizou á Xunta de incumprir de xeito manifesto as condicións esixidas no prego de prescricións técnicas do proxecto das obras de desdobramento para a construción da autovía, e que sinalaban expresamente que as obras deberían realizarse sen afectar ao tráfico da vía de alta capacidade.

A documentación analizada na Comisión tamén revela que a Xunta coñecía a existencia de métodos construtivos alternativos ao peche da vía rápida do Salnés, que foron desbotados pola conselleira. Pola contra, María José Caride tratou de desviar a atención sobre as molestias, custes económicos e riscos para a seguridade viaria derivados do peche, creando unha alarma social a raíz das fochancas aparecidas na estrada.

ESCORRENTÍAS E INCENDIOS

Neste sentido, Alejandro Gómez Alonso chamou a atención sobre os desperfetos causados nos taludes da vía polas augas de escorrentía (derivadas de precipitacións moi elevadas e a anulación da capacidade de absorción dos montes da zona, privados de cuberta vexetal polos incendios rexistrados no verán anterior) e sobre a degradación provocada nos tubaxes metálicas polo material arrastrado pola auga (restos dos incendios forestais, que disparan a capacidade corrosiva).

OBSTRUCIONISMO

Gómez Alonso insistiu en cuestionar a actitude obstrucionista amosada pola conselleira de Política Territorial e os grupos que apoian ao Goberno bipartito, que vetaron o acceso da Comisión de investigación a documentación esencial para coñecer o sucedido na vía do Salnés (expediente relativo aos controis de calidade dos materiais e resultados dos ensaios cos tubos de aceiro, entre outros) e mesmo obstaculizaron a comparecencia do que fora director da obra.

O deputado popular subliñou que as comparecencias rexistradas en sede parlamentaria acreditan que as empresas encargadas da execución da obra non recibiron presión algunha do entón conselleiro de Obras Públicas, Xosé Cuiña, nin de ningún outro responsable autonómico, para utilizar tubaxes de aceiro corrugado.

Tamén se puxo de manifesto que, cando se construíu a vía de alta capacidade do Salnés non existían no mercado tubo de formigón armado, do diámetro requirido, o que levou ás empresas construtoras a contactar cun proveedor de tubaxe de aceiro corrugado. En calquera caso, este produto superou os controis de calidade aos que foi sometido, ao igual que os restantes materiais empregados, nun laboratorio situado a pé de obra. Proba diso, é que a Xunta actual continúa utilizando ese tipo de tubos nas Obras Públicas, como a autovía Dozón-Ourense ou a variante de Negreira.

PAGAMENTOS ESCRUPULOSOS COON CERTIFICACIÓN PREVIA

Gómez Alonso amosouse tallante ao afirmar que toda a tramitación administrativa e contable se efectuou dun xeito escrupuloso. Como proba exhibiu un contrato de execución no que se estipula que as obras se desenvolverían con “estrita suxección” ao cadro de prezos que figuraba no proxecto aprobado pola Administración e de liquidacións nas que se certifica o material utilizado e o importe a aboar pola Xunta de acordo cos prezos de mercado dese momento.

Con estes elementos documentais, o voceiro de Infraestruturas do Grupo Popular enfatizou que ningún pagamento se efectuou sen contar con esa certificación previa, o que converte en “materialmente imposible calquera desviación nos pagamentos, como chegaron a afirmar con mala fe os socios do Goberno bipartito para tratar de salvar unha responsabilidade certa de María Xosé Caride e o seu equipo”.

PSOE E BNG REXEITAN A REPROBACIÓN DA MINISTRA DE FOMENTO, PROMOVIDA POLO PPDEG CONTRA A ALDRAXE Á QUE MAGDALENA ÁLVAREZ SOMETEU A GALICIA

2007-12-27T09:44:00.000Z

Mentres 15 cidades españolas terán Ave no ano 2015, Fomento trasladará a Galicia o material ferroviario desfasado que sobra en Andalucía

Gómez Alonso acusa ao BNG de traizoar a Galicia por salvar a Magdalena Álvarez “a cambio dunha mísera foto e un minuto de gloria” que relegou a Touriño ao papel de “mozo de dar tabaco”

“Magdalena nos birla e nos despreza, Zapatero asinte, Touriño traga, a conselleira paga propaganda e Quintana nos vende”. Son palabras do voceiro de infraestruturas do Grupo Popular, Alejandro Gómez Alonso, ao describir a actitude de socialistas e nacionalistas no Parlamento, que hoxe evitaron coa seus votos a aprobación dunha moción de reprobación da ministra de Fomento, promovida polo PPdeG para testemuñar a repulsa da sociedade galega contra a aldraxe perpetrada contra Galicia por Magdalena Álvarez nestes catro anos de lexislatura do Goberno central.

Gómez Alonso recordou que nesta lexislatura do PSOE en Madrid, o Goberno central, coa complicidade do BNG, que apoiou todos os Presupostos Xerais do Estado elaborados polo Executivo de Zapatero, deixou sen executar 2.000 millóns de euros consignados para Galicia nos sucesivos documentos orzamentarios.

De se ter investido eses cartos en Galicia, a Comunidade estaría a piques de dispoñer de Ave, ao igual que teñen agora Málaga ou Valladolid. Pola contra, a paralización das obras pendentes relega a entrada en servizo da alta velocidade ferroviaria ao horizonte do ano 2020, como xa recoñece abertamente o Goberno central.

SOBRAS DE ANDALUCÍA

“Un balanzo obxectivo da situación demostra que mentres no ano 2008, unhas 15 cidades españolas de beneficiarán do Ave, Fomento trasladará a Galicia o material ferroviario desfasado que sobra en Andalucía”, apuntou Alejandro Gómez Alonso.

Recordou o deputado popular que o Plan Galicia paralizado por Magdalena Álvarez garantía a conexión das sete grandes cidades galegas con Madrid a través de Ave, en menos de tres horas, e entre elas nunha media de 30 minutos, no ano 2010. Este plantexamento abriría a porta, definitivamente, a unha Galicia cidade única, cun sistema urbano articulado como se dunha única cidade se tratase”, explicou o deputado popular.

Sen embargo, fronte ao modelo do PP encamiñado a equilibrar o territorio e reducir as diferenzas entre as diversas áreas xeográficas, xurdiu o modelo “da ala esquerda dos hemiciclos, insolidario e xerador de desequilibrios, deseñado en función das bolsas electorais”.

TRAIZÓN AO ESPÍRITO GALEGUISTA

Gómez Alonso falou de “felonía” para referirse á actitude dos deputados do BNG, que como fixeran previamente en Madrid, tamén se opuxeron no Parlamento de Galicia á reprobación da ministra de Fomento. O deputado popular considerou que tal actitude é indigna de calquera que se defina como galeguista e traizoa o espírito de persoeiros históricos, como Otero Pedraio, Castelao, Vilar Ponte ou Suárez Picallo, que nas primeiras décadas do século pasado defenderon nas Cortes, nos anos da República, a dotación ferroviaria imprescindible para Galicia, “o mesmo que reclamamos hoxe en día”.

“Hoxe temos a certeza –aseverou Gómez Alonso- de que unha cousa é autoproclamarse herdeiro da tradición galeguista, gardián das esencias patrias, é outra ben distintas, demostralo nos momentos clave”.

MÍSERA FOTO E MINUTO DE GLORIA

Para o portavoz de Infraestruturas do Grupo Popular, o apoio do BNG a Magdalena Álvarez saiulle barato ao PSOE e ao Goberno central: “un acio de competencias de terceiro rango e 51 millóns que xa eran nosos”. Por iso, Gómez Alonso preguntou qué foi dos 2.000 millóns de euros non executados na Comunidade nesta lexislatura, qué foi das competencias importantes, como o tráfico, e qué foi da “dignidade de Galicia”. Pola contra, o BNG salvou Magdalena Álvarez “a cambio dunha mísera foto e un minuto de gloria” para Quintana.

Mentres isto sucedía; “a conselleira permanecía calada e pagando suplementos a esgalla; Touriño como convidado de pedra, relegado ao papel de mozo de dar tabaco; e Galicia outra volta resignada”.

PSOE E BNG REXEITAN UNHA PROPOSTA DO PPdeG QUE PERMITIRÍA REBAIXAR AS PEAXES DAS AUTOESTRADAS DE TITULARIDADE AUTONÓMICA

2007-12-12T16:30:00.000Z

Os grupos que sustentan ao bipartito tampouco accederon a tomar en consideración as propostas formuladas para axilizar as grandes obras públicas que acumulan retrasos, como a Vía Artabra, a vía Sarria-Monforte, Ferrol-San Cibrao, Tui-A Guarda ou o porto seco de Monforte

Galicia segue condenada padecer servizos ferroviarios anticuados: a Xunta rexeita iniciar os accesos por tren aos portos exteriores e ampliar o de Vigo, ao tempo que se nega a poñer en marcha un servizo de cercanías

O portavoz de Infraestruturas do Grupo Popular,. Alejandro Gómez Alonso, defendeu hoxe no Parlamento unha emenda para habilitar, nos Orzamentos da Xunta para 2008, un fondo de compensación de peaxes, dotado con 10 millóns de euros, que permitiría reducir á metade as tarifas que aboan os usuarios das tres autoestradas galegas de titularidade autonómica: AG-57 (Puxeiros-Baiona), AG-55 (A Coruña-Carballo) e AP-53 (Santiago-Alto de Santo Domingo).

Gómez Alonso insistiu en demandar unha “política tarifaria común” p ara o conxunto da Comunidade Autónoma. O deputado indicou, como exemplo, que de aplicarse ofondo de compensación proposto polo PPdeG, as peaxes quedarían do seguinte xeito:

A proposta foi rexeitada de plano cos votos en contra dos grupos socialista e do BNG na Comisión de Economía da Cámara autonómica, que hoxe aplicaron o “rodillo parlamentario” para botar abaixo todas as emendas formuladas polo PPdeG en materia de Infraestruturas.

Esa mesma tónica foi a que impediu que fose tomada en consideración outra proposta do Grupo Popular para habilitar unha partida de 81 millóns de euros, cifra que o PPdeG estima precisa para activar, no próximo exercicio presupostario, as grandes obras públicas que acumulan retraso como consecuencia da desidia do Executivo bipartito.

REXEITAMENTO A AXILIZAR AS GRANDES OBRAS PENDENTES

Entre as propostas defendidas por Gómez Alonso (poden observarse no seguinte cadro), figuraba unha partida de 10 millóns de euros para a vía de alta capacidade Sarria-Monforte, 14 millóns de euros para a VAC Ferrol-San Cibrao; 6,5 millóns de euros para a VAC Tui-A Guarda: 8 millóns de euros para a estrada Sáa-Becerreá; 4 millóns de euros para a Vía Artabra; e 7 millóns de euros para a variante este de acceso ao Porto Seco de Monforte de Lemos.

Da votación celebrada esta mañá tamén se deduce que Galicia seguirá condenada, un ano máis, a seguir padecendo servizos ferroviarios deficitarios. Os grupos que sustentan ao bipartito rexeitaron cadansúa emenda (valoradas nun total de 3,3 M€) que, a través dun convenio con Fomento, permitiría iniciar as obras dos accesos ferroviarios aos portos exteriores de Ferrol e da Coruña, e ampliar os de Vigo.

Tamén no ámbito ferroviario, o PPdeG propoñía habilitar unha achega de 11 M€ para impulsar o que Gómez Alonso denominou “unha auténtica política ferroviaria galega, practicamente esquecida polo actual Goberno”. A emenda tamén resultou rexeitada.

O PPdeG FORMULARÁ UNHA MOCIÓN DE REPROBACIÓN DA MINISTRA DE FOMENTO POR RETRASAR ATA 2020 A CHEGADA DO AVE A GALICIA

2007-12-07T10:41:00.000Z

Pregunta cando tardarán en executarse os 45 quilómetros de túneles do trazado de alta velocidade entre Lubián e Ourense, tendo en conta que para furar os 28 quilómetros dos túneles do Guadarrama foron precisos 5 anos
Dos 1.687 quilómetros de liñas de alta velocidade proxectadas en Galicia, só están en servizo 53,1 kms no Eixo Atlántico, e só para circular a menos de 160 km/h , por non estar electrificados.
O voceiro de Infraestruturas do Grupo Popular, Alejandro Gómez Alonso, demandou hoxe da conselleira de Política Territorial da Xunta un “alarde de lealdade dos galegos” para recoñecer que a Comunidade Autónoma non disporá de AVE en 2012 e que o remate das obras se demorará ao ano 2020, como xa recoñece abertamente a documentación oficial do Goberno central.
Gómez Alonso recordou que a proposta de reprobación da ministra de Fomento, debatida a pasada semana no Congreso, cuestionaba non só a xestión da ministra en Cataluña, senón “unha forma de entender a política, baseada no sectarismo, a mentira e o desprezo”. Por esa razón, o PPdeG anunciou que presentará no Parlamento de Galicia unha moción de reprobación da Ministra de Fomento por retrasar, polo menos ata o ano 2020, a chegada do AVE a Galicia, convertendo a esta Comunidade na última en dispoñer de alta velocidade ferroviaria de todo o Estado.

CARIDE VERSUS MAGDALENA ÁLVAREZ

O voceiro de Infraestruturas dos populares galegos advertiu, non obstante, que a conselleira galega de Política Territorial presenta notables similitudes coa ministra de Fomento, como a “prepotencia, soberbia e chulería” que caracteriza a súa actuación política. A xuízo do deputado popular, María José Caride “estase a ver no mesmo espello que Magdalena Álvarez”. “Vostede, señora Caride, aínda non está reprobada nin cesada. Tan só está suspendida; o resto é cuestión de tempo”, engadiu Gómez Alonso.
O deputado popular insistiu en que a pesar dos reiterados anuncios da Xunta, “xa ninguén cre” que o Ave galego estea rematado en 2012, máxime tendo en contra o escaso ritmo da obras, derivado da ausencia de vontade política para dotar a Galicia dunhas comunicacións ferroviarias propias do século XXI.

¿PARA CANDO OS TÚNELES ENTRE OURENSE E LUBIÁN?

O PPdeG recordou que os túneles do Guadarrama, de 28 quilómetros de lonxitude precisaron de 5 anos para ser construídos, a pesar de que o anterior Goberno central do PPdeG adxudicara conxuntamente proxecto e obra para o trazado comprendido entre Madrid e Valladolid. Con estes precedentes, Gómez Alonso preguntou á conselleira de Política Territorial canto se vai retrasar realmente a conexión por AVE entre Galicia e a Meseta, tendo con conta que arredor do 44% dos 104 quilómetros que separan Lubián de Ourense deberán discorrer a través de túneles, e que ainda non foi redactado o proxecto técnico.
Como exemplo do escaso avance das obras do Ave en Galicia, Gómez Alonso recordou que das seis liñas de alta velocidade proxectadas na Comunidade Autónoma cun trazado total de 1.687,8 quilómetros, a día de hoxe tan só están en servizo 53.1 quilómetros no eixo atlántico, pero cunha matización: os convois circulan a velocidades inferiores a 160 km/hora, por que a liña non está electrificada e, polo tanto, non se axusta ao parámetros da alta velocidade ferroviaria.
Desde 1.687,8 quilómetros, 797,1 continúan en fase de estudo; 356,5 en proxecto; 213,7 en obras na plataforma; 49,4 en obras na vía; 18,3 en obras de instalacións de seguridade; e tan só os 53,1 restantes en servizo, pero sen características AVE.

LUGO, FÓRA DO MAPA
Para ilustrar o abandono no que caeron algúns dos proxectos, Gómez Alonso referiuse á situación “lamentable” na que se atopa da cidade de Lugo en materia de comunicacións ferroviarias.
A conexión Lugo-Ourense leva 56 meses pendente de aprobar o estudo informativo; o trazado Lugo-A Coruña continúa sen estudo informativo despois de 36 meses; mentres que a conexión Ponferrada-Monforte acumula 38 meses en fase de estudo informativo sen que, desde entón, se teña rexistrado novidade algunha. “Lugo tamén existen aínda que, para vostedes, a cidade das murallas continua fóra do mapa”, aseverou Gómez Alonso.

O PPdeG PROPÓN DESTINAR O ORZAMENTO DA AUTOVÍA VIGO-PORRIÑO A CONSTRUIR O TERCEIRO CARRIL DE RANDE E SUPRIMIR A PEAXE DA AP-9 ENTRE AS DÚAS LOCALIDADE

2007-12-03T18:18:00.000Z

De executar Fomento o proxecto de autovía entre Vigo e O Porriño, o 28% do territorio do Concello de Mos –afectado a día de hoxe por 8 grandes infraestruturas- quedará afectado por algunha obra pública
O PPdeG propón retomar o proxecto de Cascos para construír túneles na autovía actual para suprimir as curvas de Tameiga
Gómez Alonso convida a María José Caride que mude de actitude ante o risco de acabar sometida a unha reprobación parlamentaria, como lle ocorreu a Magdalena Álvarez

Santiago, 28 de novembro de 2007.- O PPdeG propuxo hoxe destinar os 167 millóns de euros que custarán as obras da nova autovía Vigo-Porriño a financiar a construción do terceiro carril da Ponte de Rande, que actualmente non conta con orzamento programado a pesar de que, ao ritmo actual, ese viaduto quedará colapsado no ano 2010

A proposta foi adiantada hoxe no Parlamento polo voceiro de Infraestruturas do Grupo Popular, Alejandro Gómez Alonso, e busca adiantar unha solución a ese previsible colapso, tendo en conta que a alternativa prevista –a futura autovía que enlazará Vigo con Pontevedra- non estará operativa, polo menos, ata o ano 2014, dado retraso que acumula o proxecto.

Paralelamente, o PPdeG considera necesario liberalizar a peaxe da autoestrada AP-9 no tramo comprendido entre Vigo e O Porriño, como xa reclamaran previamente os concellos de Vigo, Mos e O Porriño e pola Confederación de Empresarios de Pontevedra.

A proposta foi defendida por Gómez Alonso no Pleno da Cámara no debate dunha proposición non de lei na que o Grupo Popular tamén plantexou a construción de interconexións entre as distintas vías de alta capacidade existentes ou previstas no contorno de Vigo: A-52, AP-9, A-55 e a futura A-57 (Pontevedra-Confurco).

O PPdeG entende necesario anular o estudo informativo do Ministerio de Fomento sobre a futura autovía Vigo-Porriño, por Mos, debido a varias razóns: non enlaza coas infraestruturas viarias nin cos polígonos empresariais existentes ou proxectados nesa zona e non favorece a accesibilidade á cidade da Vigo, na medida en que introduce o tráfico no centro da cidade, obrigando a evacualo mediante futuros viais, cando o correcto sería distribuír ese fluxo mediante cintos radiais á entrada da urbe.

Paralelamente, de executarse a autovía por Mos, o 28% do territorio dese concello quedaría afectado por grandes infraestruturas, impedindo, na práctica, o desenvolvemento dese municipio. Na actualidade, o concello de Mos xa está afectado por 8 grandes obras públicas: autotovía Vigo-Porriño, xa obsoleta; estrada N-550; gasoductos de transporte e de distribución; vía férrea Redondela-Tui; ampliación do aeroporto de Peinador; oleoduto A Coruña-Vigo; e autoestrada AP-9, infrautilizada entre Puxeiros e O Porriño. Coa lexislación actual, o 22% do solo de Mos xa non é edificable.

PROPOSTA DE FUTURO

Como proposta de futuro, o Grupo Popular considera que a solución máis viable pasa por recuperar o proxecto que deixara ultimado o último ministro de Fomento do PP, Francisco Álvarez Cascos, consistente en modificar o trazado da actual autovía Vigo-Porriño, para aumentar a súa seguridade, suprimindo as curvas de Tameiga e substituíndoas por túneles.

Gómez Alonso recordou que a autovía Vigo-Porriño, inaugurada en 1993, estivo considerada, nos seus primeiros anos, ata que foi modificada, como a quinta autovía máis perigosa de Europa. O proxecto inicial foi elaborado cando o actual presidente da Xunta, Emilio Pérez Touriño, era secretario xeral de Infraestruturas do Ministerio de Obras Públicas. De feito, en determinados círculos, a autovía foi denominada como “Vigo-Touriño”, ironizando sobre as notables deficiencias dese trazado.

REPROBACIÓN

Nunha intervención na que cuestionou o somentemento da conselleira de Política Territorial aos ditados do Goberno central, Gómez Alonso recomentou a María José Caride que mude a súa actitude ante o risco de que poda acabar véndose sometida a unha moción de reprobación, como lle aconteceu onte a Magdalena Álvarez.

Como mostra do crecente malestar social respecto á xestión da conselleira de Política Territorial, o deputado popular recordou que as decisións adoptadas por María José Caride teñen provocado xa a aparición de 13 plataformas e movementos veciñais contrarios ás teses dese departamento autonómico.

O 100% DAS OBRAS DO PLAN GALICIA DA COSTA DA MORTE EN SERVIZO, EN OBRAS OU EN TRAMITACIÓN AS PUXO EN MARCHA A XUNTA DO PPDEG

2007-11-23T09:47:00.000Z

Ata o de agora, o único que fixo o bipartito na Costa da Morte foi paralizar todas as actuacións previstas
Touriño minte cando dí que a vía de alta capacidade está en marcha, xa que segue pendente de adxudicar cando, se se cumpriran os prazos iniciais, estaría a punto de rematar
O anterior Goberno galego deixara asinado un convenio para cofinanciar a ampliación do porto de Brens, pero o bipartito paralizou o proxecto durante dous anos e medio
Touriño esqueceuse onte dos 9 polígonos empresariais previstos na Costa da Morte polo Plan Galicia, e só puido referirse a dous, un dos cales, o de Carballo, está sen empezar
As obras dos centros de saúde de Buño e Agualada seguen sen comezar, ningunha das escolas infantís están en funcionamento e o centro residencial de Vimianzo segue en redacción de proxecto

O 100% das obras do Plan Galicia da Costa da Morte en servizo, en obras ou en tramitación as puxo en marcha a Xunta do PPdeG. “O bipartito, dende hai dous anos e medio, fixo 0 metros de solo industrial, o quilómetros de estradas e 0 actuacións en portos que non foran comezadas polo goberno do Partido Popular”, afirmou Gomez Alonso.

O voceiro de Infraestructuras do Grupo Parlamentario Popular, Alejandro Gómez Alonso, corrixiu hoxe ao presidente da Xunta ao aclarar que as únicas obras que están rematadas, que continúan a súa execución ou están en tramitación en toda a comarca da Costa da Morte son as que deixou licitadas o PPdeG na anterior lexislatura no marco do Plan Galicia. As restantes actuacións foron paralizadas polo Goberno bipartito, conclúe Gómez Alonso.

VÍA DE ALTA CAPACIDADE
Un dos paradignas desta actuación é a vía de alta capacidade da Costa da Morte, que segue aínda sen executar, malia que, de terse cumprido as previsións iniciais, as obras deberían estar a piques de ser rematadas para entrar en servizo a finais do 2007.

PORTOS NA COSTA DA MORTE (*)
Semellante é a situación que se rexistra en materia de portos, onde a pesar de que todas as obras deberían estar xa rematadas no ano 2006, 4 desas actuacións continúan en obras (Camelle, Malpica, Muxía e Muros) e outras dúas foron paralizadas polo bipartito (Cee e Corme).

Aínda que Touriño anuncia agora que a actuación estelar da Xunta en materia portuaria se vai desenvolver en Brens (Cee), o certo é que o anterior Executivo autonómico do PPdeG deixara asinado un convenio para cofinanciar as obras, pero a actuación estivo paralizada durante estes dous anos e medios.

SOLO INDUSTRIAL NA COSTA DA MORTE (*)
O balanzo destes dous anos e medio de Goberno bipartito é aínda máis desolador en materia de solo industrial, xa que 8 dos 9 polígonos empresariais proxectados polo anterior Executivo no marco do Plan Galicia están paralizados a día de hoxe, como se pode comprobar no cadro específico.

Resulta chamativo que das dúas referencias concretas efectuadas onte por Touriño, nunha delas (en Carballo) nin siquera comezaron as obras.

OUTRAS ACTUACIÓNS
Noutros ámbitos de actuación, confírmase tamén o principio de que “non hai novidade” no anuncio de Touriño. As obras dos centros de saúde de Agualada e de Buño seguen sen comezar; non funciona ningunha das 7 escolas infantís comprometidas previamente, nin os tres centros de día anunciados; a residencia xeriátrica que se ía construir en Vimianzo seguirá, un ano máis, en fase de proxecto.

Para o PPdeG tamén resulta sorprendente que o presidente da Xunta anuncie a inmediata execución do Parador de Turismo de Muxía, nun prazo de 18 meses, cando os Presupostos Xerais do Estado de 2008 só consignan para ese proxecto unha partida económica de 1 millón de euros, a pesar de que o conxunto do proxecto require un total de 22 millóns de euros.

O anuncio de destinar 48 millóns de euros a un plan de formación específico para a Costa da Morte revela que a Xunta deixou sen executar o que xa comprometera en xullo de 2006 co mesmo orzamento (47,7 millóns de euros naquel momento).

FOMENTO SEGUE ADIANTE COA EXPROPIACIÓN DA MINA DE SERRABAL SEN COÑECER AS CONCLUSIÓNS DUN INFORME PERICIAL SOBRE A AFECTACIÓN REAL DA EXPLOTACIÓN

2007-11-09T10:37:00.000Z

O voceiro de Infraestruturas do Grupo Popular pregunta no Parlamento polas conclusións da recente visita da ministra de Fomento ás obras do Ave Santiago-Ourense que non rematarán ata 2015
O PPdeG denuncia as “chapuzas” asociadas ás expropiacións do ADIF, que expropia Serrabal sen ter en conta os informes dos enxeñeiros da miña, que cuantifican a afección nun 60% das reservas explotables

O Ministerio de Fomento e mailo Administrrador de Infraestructuras Ferroviarias (ADIF) seguen adiante coa expropiación da mina de Serrabal, a pesar da “chapuza administrativa” que fai que no expediente consten dúas superficies diferentes e que sigan sen coñecerse as conclusións dun informe pericial que se está a elaborar neste momento.

O voceiro de Infraestructuras do Grupo Popular, Alejandro Gómez Alonso, desvelou estes datos na tarde de hoxe, ao preguntar ao Goberno, na comisión parlamentaria de Obras Públicas, sobre o balanzo da recente visita efectuada pola ministra de Fomento a diferentes puntos das obras do trazado ferroviario entre Santiago e Ourense.

XUNTA E GOBERNO CENTRAL IGNORAN UN MANDATO DO PARLAMENTO

Gómez Alonso insiste en que Fomento mantén invariable a súa decisión de construír o Ave sobre unha parte da mina de Serrabal, ignorando un mandato parlamentario que obriga a Xunta e a Goberno central a buscar alternativas que garantan a viabilidade da explotación mineira e a continuidade dos postos de traballo actuais.

Neste escenario, ADIF disponse a executar as expropiacións a pesar de que aínda está sen rematar o informe pericial encargado ao decano da Facultade de Xeoloxía da Universidade de Oviedo para coñecer a afectación real que o trazado terá sobre as reservas minerais do xacemento. “Pretenden expropiar Serrabal con premeditación, alevosía e nocturnidade”, alertou Gómez Alonso, laiándose de que, a día de hoxe, non existe garantía algunha de mantemento dos postos de traballo da mina.

Gómez Alonso puxo de manifesto que na súa recente visita ás obras, a ministra evitou comprometer calquera prazo para o remate dos traballos, silencio que foi matizado polo deputado popular, que advertiu “sen temor a equivocarse” que esa liña ferroviaria non estará rematada, no mellor dos casos, ata o ano 2015, a pesar de que oficialmente se continua falando de 2012 como mandato parlamentario que obriga a Xunta e a Goberno central a buscar alternativas que garantan a viabilidade da explotación mineira e a continuidade dos postos de traballo actuais.

Neste escenario, ADIF disponse a executar as expropiacións a pesar de que aínda está sen rematar o informe pericial encargado ao decano da Facultade de Xeoloxía da Universidade de Oviedo para coñecer a afectación real que o trazado terá sobre as reservas minerais do xacemento. “Pretenden expropiar Serrabal con premeditación, alevosía e nocturnidade”, alertou Gómez Alonso, laiándose de que, a día de hoxe, non existe garantía algunha de mantemento dos postos de traballo da mina.

Gómez Alonso puxo de manifesto que na súa recente visita ás obras, a ministra evitou comprometer calquera prazo para o remate dos traballos, silencio que foi matizado polo deputado popular, que advertiu “sen temor a equivocarse” que esa liña ferroviaria non estará rematada, no mellor dos casos, ata o ano 2015, a pesar de que oficialmente se continua falando de 2012 como tope.

RESPONSABILIDADE DE TOURIÑO

O deputado popular insistiu en responsabilizar do que está a suceder en Serrabal ao propio presidente da Xunta, que se decanta pola defensa dos intereses persoais dos integrantes dunha plataforma veciñal vinculada ao PSOE e liderada por un profesor universitario co que Touriño compartiu militancia comunista no pasado. Esa plataforma, engadou Gómez Alonso, continúa opoñéndose na actualidade ao trazado alternativo que permitiría a supervivencia da mina e o mantemento dos postos de traballo, directos e indirectos, dependentes da explotación.

Do mesmo xeito, o voceiro de Infraestruturas dos populares galegos insistiu en que as “chapuzas” son a nota característica das expropiacións promovidas polo ADIF, que expropia Serrabal sen ter en conta os informes dos enxeñeiros da miña, que cuantifican a afección nun 60% das reservas explotables

Como exemplo dese traballo anómalo, o deputado sinalou tamén o feito de que, a día de hoxe, aínda estean sen pagar máis do 60% dos predios afectados polo AVE ao seu paso polos concellos pontevedreses de Lalín e Silleda. “Tan só en Lalín hai máis de 1.837 fincas sen pagar”, alertou o deputado.

O PPDEG PROPÓN UNHA REBAIXA EQUITATIVA DE TODA A PEAXE, NEUTRA PARA OURENSE E BENEFICIARIA PARA O TRAMO LALÍN-SANTIAGO

2007-11-05T12:22:00.000Z

Os populares creen que sería máis equitativo unha rebaixa proporcional de todo o trazado entre Santiago e Ourense
O PPdeG entende que este tipo de medidas deben dirixirse ao maior volume de poboación posible
O voceiro de infraestruturas do PPdeG cosidera que cunha reducción de todo o tramo Santiago-Cea podería reducirse a sinistralidade viaria, como consecuencia dunha menor utilización da estrada antiga

O voceiro de infraestructuras do PPdeG, Alejandro Gómez Alonso, propón unha rebaixa equitativa de toda a peaxe,neutra para Ourense e beneficiaria para os usuarios da vía entre Lalín e Santiago.

O Partido Popular de Galicia valora a apertura ao tráfico do tramo Alto de Santo Domingo(Dozón)-Cea da Autoestrada Santiago-Ourense, ainda que a parálise que está a existir na Xunta supoña un retraso sobre o previsto polo anterior executivo galego, e felicítase de que sexa de balde.

Sen embargo, a xuízo dos populares galegos, o máis equitativo sería aplicar unha rebaixa completa e proporcional ao conxunto da autoestrada Santiago-Ourense, que podería beneficiar a todos os usuarios e sería neutra para Ourense.

O PPdeG cree que coa proporcionalidade todos serán beneficiados e ningún sairá prexudicado. O voceiro de infraestruturas do PPdeG considera que cunha reducción de todo o tramo entre Santiago e Ourense podería reducirse a sinistralidade viaria, como consecuencia dunha menor utilización da estrada antiga e maior emprego da vía de alta capacidade que ten como fin unir Santiago con Ourense.

SANTIAGO-OURENSE, O MESMO PREZO. TODOS BENEFICIADOS
Alonso Gomez dí que o itinerario entre Santiago e Ourense podería ter o mesmo prezo mantendo a rebaixa proporcional. En resumo, a proposta do PPdeG é facer unha rebaixa proporcional entre as cidades de Santiago e Ourense, que sería neutro para os habitantes de Ourense que viaxen dende Santiago; mentres que a rebaixa proposta polo goberno prexudica a todos

Proposta PPdeG. Santiago-Ourense: 4,80 euros

Proposta goberno. Santiago-Dozón: 4,80 euros e Dozón-Ourense: gratis

O PPdeG entende que este tipo de medidas deben dirixirse ao maior volume de poboación posible, evitando facer discriminacións e fuxindo de calquera tentación electoralista.

O Grupo Parlamentario Popular continuará formulando propostas na Cámara galega para solicitar a redución da peaxe no conxunto da vía e informa que se o executivo reducira equitativamente a peaxe suporía mellorar as comunicacións entre os ourensans e os santiagueses e non só dunha parte dos habitantes que viven entre Ourense e Santiago.

PSOE E BNG REXEITAN APOIAR NO PARLAMENTO A POSTA EN MARCHA DE SERVIZOS DE CERCANÍAS EN GALICIA

2007-11-05T12:20:00.000Z

O Partido Popular presentou emendas por valor de 15 millóns de euros no trámite parlamentario dos Orzamentos do Estado no Congreso para conseguir a implantación das cercanías ferroviarias en Galicia
Gómez Alonso, voceiro de Infraestruturas do Grupo Popular, defende unha proposición non de lei para poñer en marcha liñas ferroviarias de cercanías nos eixes Porriño-Vigo-Pontevedra, A Coruña-Betanzos-Ferrol e O Carballiño-Ourense-Taboadela
A redución dos accidentes de tráfico derivada da posta en marcha dos trens de cercanías permite recuperar a terceira parte dos investimentos necesarios para poñer en marcha o servizo

O PPdeG convidou hoxe no Parlamento a socialistas e nacionalistas a sumarse a unha fronte común para evitar que Galicia continúe a ser a única Comunidade Autónoma do litoral que nin dispón de tren de cercanías, nin conta con orzamento algún para habilitar liñas deste tipo a curto ou medio prazo. Alejandro Gómez Alonso, voceiro de Infraestruturas do Grupo Popular, formulou a proposta esta mañá no Parlamento, ao defender unha proposición non de lei para instar á Xunta a poñer en marcha, de acordo co Ministerio de Fomento, liñas ferroviarias de cercanías nos eixes O Porriño-Vigo-Pontevedra, A Coruña-Cambre-Betanzos-Ferrol e O Carballiño-Ourense-Taboadela.

De feito, o Partido Popular presentou emendas por valor de 15 millóns de euros no trámite parlamentario dos Orzamentos do Estado para 2008 para conseguir a implantación das cercanías ferroviarias na Comunidade Autónoma no próximo exercicio.

No terceiro dos casos, O Carballiño-Ourense-Taboadela, a implantación podería ser inmediata, dada a existencia de dobre vía, mentres que nos dous casos restantes serían necesarias obras de acondicionamento relativamente sinxelas.

PSOE E BNG DESAUTORIZAN A CARIDE

Socialistas e nacionalistas eludiron apoiar a proposta formulada por Gómez Alonso, o que levou ao deputado popular a interpretar que os reiterados anuncios da conselleira Caride, de que 2008 vai ser o ano do transporte en Galicia non son máis ca cortinas de fume, sen sustento algún, como evidencia a ausencia de dotación económica algunha nos orzamentos da Xunta para promover a implantación de servizos ferroviarios de cercanías.

VANTAXES DAS CERCANÍAS

O deputado popular argumentou que a posta en marcha dos servizos ferroviarios de cercanías poderían prestar servizo a un mínimo de 630.000 potenciais usuarios galegos, que se poderían beneficiar das vantaxes recoñecidas do ferrocarril: eficiencia enerxética, escaso impacto ambiental e redución considerable da conxestión viaria. De feito, un estudo sobre a sostenibilidade das cercanías, elaborado por Renfe, estima que a implantación deste servizo podería reducir polo menos nun 25% o número de usuarios cotiás dos vehículos particulares e reduciría a conxestión viaria en arredor dun 50%, un problema especialmente acuciante en cidades como Vigo ou A Coruña.

Ese mesmo estudo conclúe tamén que a terceira parte dos custos de implantación das cercanías ferroviarias se recuperan por mor da redución do número de accidentes de tráfico que se evitan ao descender o volume de vehículos en circulación.

Para implantar en Galicia os servizos de cercanías sería precisa a participación do Administrador de Infraestruturas Ferroviarias (Adif) para a construción das liñas e demais instalacións necesarias, e de Renfe para a implantación dos servizos. Pola súa banda, a Xunta debería coordinar os transportes metropolitanos co ferrocarril, implantando un billete combinado, ademais de xestionar todos os servizos a través dun ente ferroviario galego.

Aínda que o Ministerio de Fomento ten previsto destinar 585 millóns de euros en 2008 para o tren de cercanías en diferentes puntos do Estado (tan só en Zaragoza investirá 74 M€ para a liña número 13), Galicia continúa sen contar con orzamentos específicos para infraestruturas ferroviarias e material rodante de proximidade. “A Galicia non lle toca unha soa moeda na lotería Madalena”, laiouse Gómez Alonso.

OUTRAS DEFICIENCIAS

Na súa intervención parlamentaria, Gómez Alonso tamén chamou a atención sobre as carencias que presentan en Galicia outros servizos ferroviarios. Lamentou que Xunta e Goberno central continúen sen tomar conciencia do perigo que supoñen os 244 pasos a nivel que continúan operativos en Galicia, e que teñen provocado máis de 12 mortos desde o ano 2000. A redución do número de prazas ofertadas e a deficiente calidade do material rodante nas liñas de longa distancia, súmase aos constantes cambios de horario nas rutas de media distancia, que obrigaron a moitos usuarios a volver utilizar os vehículos particulares e provocaron a presentación dun elevado volume de protestas.

O PPdeG PIDE PEAXES EQUITATIVAS PARA O CONXUNTO DAS AUTOESTRADAS GALEGAS E CUESTIONA QUE TOURIÑO AS XESTIONE EN FUNCIÓN DO INTERESE ELECTORAL DO PSOE

2007-11-05T11:51:00.000Z

Os populares galegos “rexeitamos que, en materia de peaxes, uns cidadáns sexan considerados de primeira e outros de segunda”
Recordan que aínda que o Parlamento aprobou hai seis meses unha iniciativa reclamando a rebaixa das peaxes das autoestradas do Val Miñor e A Coruña-Carballo, a Xunta aínda non fixo nada

“O presidente da Xunta administra a política de peaxes como se fose unha lotería, pero coa diferenza de que na lotería os premiados se elixen por sorteo, e no caso das peaxes os beneficiarios son elixidos en función do interese electoral do PSOE”. Son declaracións do voceiro de infraestruturas do Grupo Popular, Alejandro Gómez Alonso, esta tarde, na Comisión de Política Territorial do Parlamento, onde volveu reclamar á Xunta que estableza peaxes máis equitativas para o conxunto das autoestradas da Comunidade Autónoma.

“Avogamos por unha política de peaxes igualitaria e accesible en todas as autoestradas galegas para evitar que, en materia de peaxes, haxa cidadáns de primeira e de segunda categoría”, aseverou o deputado Gómez Alonso.

A proposta do PPdeG reclamaba rebaixar a peaxe da autoestrada AP-53, que enlaza Santiago con Lalín, nun 25%, o que permitiría rebaixar o custo da peaxe dos actuais 0,11 euros/quilómetros ata os 0,8 €/km. Esta rebaixa permitiría que o percorrido de 41,9 quilómetros entre Santiago e Lalín pasara de custar os 4,8 euros actuais para vehículos lixeiros a 3,6 €. “É unha rebaixa razoable a asumible, e equipararía o custe desta peaxe á media das existentes nas restantes autoestradas galegas”, agregou o deputado popular.

A proposición non de lei do PPdeG recibiu os votos favorables dos deputados do PSOE e do BNG logo de que Gómez Alonso admitise unha emenda conxunta na que os socios do bipartito propoñían tamén que Xunta e Goberno central inicien, canto antes, un proceso negociador coa empresa concesionaria encamiñado a materializar a redución das tarifas.

Gómez Alonso recordou que o Goberno bipartito adoita ignorar os mandatos da Cámara autonómica. Puxo como exemplo que aínda que o Parlamento aprobou hai seis meses unha iniciativa reclamando a rebaixa das peaxes das autoestradas do Val Miñor e A Coruña-Carballo, a Xunta aínda non fixo nada

A PEAXE MÁIS ELAVADA DE ESPAÑA

Gomez Alonso baseou a demanda formulada hoxe no feito de que a AP-53 soporta as peaxes máis elevadas de España (aumentou un 38% nos últimos tres anos, coincidindo co Goberno do PSOE en Madrid) e na elevada contestación social destas tarifas, ata o punto de estar constituída unha comisión respaldada por acordos unánimes dos concellos de Lalín, Silleda, Vedra, A Estrada, e Boqueixón; das deputacións de Pontevedra e Ourense, da Confederación de Empresarios de Galicia e do sindicato CIG, entre outras entidades.

Sen embargo, e fronte a ese elevado respaldo social, a Comisión que reclama a redución da peaxe está a ser tratada con “desprezo e indiferencia” desde o Ministerio de Fomento e a Presidencia da Xunta, que continúan sen atender as peticións entrevista cursadas no seu momento.

Neste escenario, Gómez Alonso tamén cuestionou a actitude da conselleira de Política Territorial, que deixa pasar o tempo sen materializar ningún dos compromisos adquiridos para tratar de encauzar este problema, a pesar de que desde a súa toma de posesión, en 2005, se sucederon os anuncios nesta liña.

O PPDEG SOLICITA Á XUNTA QUE TOME TODAS AS MEDIDAS NECESARIAS PARA QUE GALICIA SEXA AUTOESTRADA DO MAR

2007-11-05T11:17:00.000Z

Son necesarias terminais de grande capacidade e con posibilidade de xestionar grandes fluxo de mercadorías.A parálise do goberno central e a complicidade da Xunta está a facer que o porto de Vigo estea a chegar ao límite da súa capacidade operativa.O Ministerio de Fomento considera no PEIT que os portos galegos son secudarios e non inviste en nova infraestructuras viarias e ferroviarias necesarias para o seu impulso.Os populares solicitan que os proxectos virtuais dos gobernos socialista se convertan en realidades

O voceiro de infraestructuras do Partido Popular de Galicia, Alejandro Alonso, solicita á Xunta que tome todas as medidas necesarias para que Galicia estea incluida nas autoestradas do mar e que a parálise dos gobernos socialistas non den ao traste co este feito.

A clave para que un porto aspirante sexa sede das autopista do mar pase por que este conte con terminais de gran capacidade e con posibilidades de xestionar grandes fluxos de mercadorías.

Alonso recorda que para ser autoestrada do mar son imprescindibles boas conexións por tren, por autoestradas e por autovías; non se poden producir embotellamentos no porto e sobor de todo ten que mellorarse servicios como a estiba.

PARALISE DOS INVESTIMENTOS DO GOBERNO CENTRAL
O Goberno central está a relegar os portos galegos a un papel secundario e eso ven demostrado polo PEIT aprobado polo Ministerio de Fomento, así como pola falla de investimentos que está a levar adiante nos portos galegos e como exemplo está o descartar a construcción dunha liña de tren en Bouzas; do tren ao porto de Ferrol ou da falla de investimentos na autovía ao novo porto de A Coruña.

A realidade é que o porto de Vigo estase a achegar perigosamente ao límite da súa capacidade e a empresa Maersk, lider mundial en contenedores, está a deixar de operar no porto olívico.

Os populares galegos solicitan aos gobernos socialistas de Madrid e de Santiago que se deixen de presentar proxectos virtuais e invistan nos portos para que Galicia sexa autoestrada do mar.

O PPDEG PROPÓN UNHA REBAIXA EQUITATIVA DE TODA A PEAXE, NEUTRA PARA OURENSE E BENEFICIARIA PARA O TRAMO LALÍN-SANTIAGO

2007-10-15T19:46:00.000Z

Considera que a Xunta cae nunha tentación electoralista, en lugar de aplicar unha medida ecúanime que beneficia a todos.

• Os populares creen que sería máis equitativo unha rebaixa proporcional de todo o trazado entre Santiago e Ourense.

• O PPdeG entende que este tipo de medidas deben dirixirse ao maior volume de poboación posible.
• O voceiro de infraestruturas do PPdeG cosidera que cunha reducción de todo o tramo Santiago-Cea podería reducirse a sinistralidade viaria, como consecuencia dunha menor utilización da estrada antiga.

O voceiro de infraestructuras do PPdeG, Alejandro Gómez Alonso, propón unha rebaixa equitativa de toda a peaxe,neutra para Ourense e beneficiaria para os usuarios da vía entre Lalín e Santiago.

O Partido Popular de Galicia valora a apertura ao tráfico do tramo Alto de Santo Domingo(Dozón)-Cea da Autoestrada Santiago-Ourense, ainda que a parálise que está a existir na Xunta supoña un retraso sobre o previsto polo anterior executivo galego, e felicítase de que sexa de balde.

Sen embargo, a xuízo dos populares galegos, o máis equitativo sería aplicar unha rebaixa completa e proporcional ao conxunto da autoestrada Santiago-Ourense, que podería beneficiar a todos os usuarios e sería neutra para Ourense.

O PPdeG cree que coa proporcionalidade todos serán beneficiados e ningún sairá prexudicado. O voceiro de infraestruturas do PPdeG considera que cunha reducción de todo o tramo entre Santiago e Ourense podería reducirse a sinistralidade viaria, como consecuencia dunha menor utilización da estrada antiga e maior emprego da vía de alta capacidade que ten como fin unir Santiago con Ourense.

SANTIAGO-OURENSE, O MESMO PREZO. TODOS BENEFICIADOS
Alonso Gomez dí que o itinerario entre Santiago e Ourense podería ter o mesmo prezo mantendo a rebaixa proporcional. En resumo, a proposta do PPdeG é facer unha rebaixa proporcional entre as cidades de Santiago e Ourense, que sería neutro para os habitantes de Ourense que viaxen dende Santiago; mentres que a rebaixa proposta polo goberno prexudica a todos

Proposta PPdeG. Santiago-Ourense: 4,80 euros

Proposta goberno. Santiago-Dozón: 4,80 euros e Dozón-Ourense: gratis

O PPdeG entende que este tipo de medidas deben dirixirse ao maior volume de poboación posible, evitando facer discriminacións e fuxindo de calquera tentación electoralista.

O Grupo Parlamentario Popular continuará formulando propostas na Cámara galega para solicitar a redución da peaxe no conxunto da vía e informa que se o executivo reducira equitativamente a peaxe suporía mellorar as comunicacións entre os ourensans e os santiagueses e non só dunha parte dos habitantes que viven entre Ourense e Santiago.

MÁIS DE 630.000 POLÍTICA TERRITORIAL OCULTA CON TITULARES A PARÁLISE DO TRANSPORTE METROPOLITANO QUE CHEGARÁ CUN RETRASO DE TRES ANOS

2007-09-19T16:53:00.000Z

MÁIS DE 630.000 PERSOAS SEGUEN SEN PODER GOZAR DE TRANSPORTE PÚBLICO METROPLITANO POLA INCOMPETENCIA DE CARIDE PARA APLICAR UN PLAN QUE DEIXOU APROBADO O PP.

A conselleira presenta agora un segundo borrador tras retirar o primeiro, moi criticado por todos os sectores, aínda que chega pensando máis en titulares de prensa que nas necesidades dos usuarios.

• Xa debería estar a funcionar o plan de transporte metroplitano, aprobado polo PP, que a CPTOP comprometeuse a desenvolver antes de xuño de 2007, pero que segue sen chegar.

• O texto anterior foi retirado debido ao seu intervencionismo, á inseguridade que xeraba nos operadores, e pola discrecionalidad coa que se adxudicaban os contratos.

• O PPdeG cre que é necesario buscar solucións ao transporte no medio rural, asegurar o equilibrio concesional e dotar de calidade a un servizo vital para a comodidade de todos os galegos.

• A proposta do billete único que facilite os transbordos sen cargo é unha proposta calcada do programa electoral do PPdeG copiada agora polos socialistas.

• A única experiencia protagonizada por Caride no que á posta en marcha de plans de transporte metropolitano en Galicia refírese tivo lugar en Santiago e foi un absoluto caos.

O Partido Popular de Galicia denunciou esta mañá o completo abandono por parte de María José Caride á hora de dar solucións ao problema do transporte metropolitano público en Galicia. O portavoz de Infraestruturas do PPdeG, Alejandro Gómez Alonso, recordou que pasado o ecuador da lexislatura a Comunidade segue sen avances nesta materia, aínda que a Consellería non fai máis que anunciar actuacións que nunca chegan. Neste sentido, recordou que xa debería estar en funcionamento o plan de transporte metroplitano, aprobado polo PP, que a CPTOP comprometeuse que estaría desenvolvido no primeiro semestre de 2007, pero que segue sen chegar.

O deputado popular destacou que foi no Debate sobre o estado da Autonomía cando se aprobou unha resolución que instaba á Xunta a dotar dun sistema de transporte metropolitano ás cidades de Vigo, Ouense, Pontevedra e Lugo antes de xuño de 2007 pero do que seguimos sen noticia. Por iso, máis de 630.000 persoas seguen sen poder gozar dun servizo que pode mellorar moito a vida dos galegos, dado as actuais complicacións de tráfico que rexistran os accesos ás grandes cidades galegas.

LEI DE FOMENTO DO TRANSPORTE PÚBLICO
Gómez Alonso recordou que o texto anunciado onte pola conselleira é o segundo borrador que se presenta dunha mesma lei, e aínda que o anterior tivo que ser retirado por ser tremendamente contestado por todos os sectores “debido ao seu intervencionismo, á inseguridade que xeraba nos operadores, e pola discrecionalidad coa que se adxudicaban os contratos” , o novo anuncio de Caride está realizado pensando nos titulares de prensa e non nas necesidades das persoas.

PROPOSTAS PPdeG
Desde o PPdeG “cremos que é necesario buscar solucións ao transporte no medio rural, asegurar o equilibrio concesional e dotar de calidade a un servizo que ha de ser vital para a comodidade de todos os galegos. E todo iso, canto antes (antes de que finalice o ano), posto que moitas concesións están prorrogadas”, apostilou.

Tendo en conta que a conselleira desatende a diario estes criterios, o parlamentario do PPdeG cualificou de “artimaña propagandística” o anuncio efectuado onte pola Xunta e lamentou que Galicia teña que padecer á peor conselleira de Política Territorial da historia da Comunidade.

BILLETE ÚNICO
Gómez Alonso recordou tamén que a proposta do billete único que facilite os transbordos sen cargo é unha proposta calcada do programa electoral co que os populares acudiron ás urnas o pasado 27 de maio. En todo caso, mostrou a súa satisfacción polo feito de que a conselleira Caride saiba recoñecer que o programa dos populares sexa mellor e necesaria a súa aplicación para Galicia, aínda que se mostrou sorprendido de que este servizo non vaia estar en servizo ata 2009.

INTERMODALIDAD
Ademais, lamentou que a conselleira siga adoecendo de plans para mellorar a intermodalidad na Comunidade, outra das materias pendentes do país. En todo caso, non é algo que sorprenda, e menos cando o PSdeG tiña como medida estrela no seu programa para as municipais “ampliar os horarios do metro durante os fins de semana”. “Con propostas de semellante calado, nunha terra que non ten metro, a capacidade que para dar solucións aos galegos que ten a CPTOPT en mans desta señora é máis que discutible”, apostilou.

Ademais, recordou que a única experiencia protagonizada ata a data por Caride no que á posta en marcha de plans de transporte metropolitano en Galicia refírese tivo lugar en Santiago de Compostela e pódese definir coa mesma palabra que define a Política Territorial desde que esta conselleira contrólaa: “caos”, dixo Gómez Alonso.

“Na capital de Galicia ninguén sabe como funciona este servizo. É máis, os propios operadores criticaron o sistema ante a nefasta xestión que a conselleira fixo do mesmo. Ninguén coñece a frecuencia de autobuses, os horarios non se cumpren, non hai claridade en canto ás concesións? caos e máis caos: iso é o que define a Política Territorial, tamén neste caso”, engade.

NUN DOS ANOS CON MÁIS ACCIDENTES, POLÍTICA TERRITORIAL DEIXA DE GASTAR 9,4 MILLÓNS DE EUROS NA MELLORA DA SEGURIDADE VIARIA DE GALICIA

2007-09-14T16:31:00.000Z

Gómez Alonso subliña que a totalidade das actuacións inauguradas nesta lexislatura en estradas ou vías de alta capacidade foron licitadas polo anterior Executivo do PPdeG, mentres que o bipartito segue sen ser capaz de poñer en servizo un só quilómetro de trazado de obra nova licitada nesta lexislatura.

• O PPdeG atribúe a comparecencia de Caride sobre vías de alta capacidade a un intento de ocultar o fracaso do seu plan de Seguridade Vial.

• Nove de cada dez obras públicas que están en execución na actualidade foron impulsadas polo PPdeG.

• O Grupo Popular denuncia que, superado o ecuador da Lexislatura, Política Territorial segue funcionando a ralentí, o que explica os retrasos que presentan as actuacións en máis de 300 quilómetros de estradas e vías de alta capacidade, que entrarán en servizo con demoras medias de entre 2 e 4 anos.

Nun dos exercicios con máis accidentes de tráfico dos últimos anos, a Consellería de Política Territorial deixa de gastar 9,4 millóns de euros do seu orzamento en accións de mellora da seguridade viaria. Cando aínda restaban catro meses para o peche do exercicio presupostario de 2007, o Consello da Xunta do pasado 6 de setembro autorizou a transferencia desa partida de 9.418.000 euros asignados inicialmente a Política Territorial e que finalmente non serán administrados por ese departamento.

Alejandro Gómez Alonso, voceiro de Infraestruturas do Grupo Popular, esgrimiu estes datos no Pleno do Parlamento de hoxe, ao responder a unha comparecencia da titular de Política Territorial para explicar a súa xestión en materia de vías de alta capacidade. Os populares galegos interpretan que, con esta comparecencia, Caride pretende evitar que se fale do fracaso do seu plan de seguridade vial, dadas as elevadas cifras de sinistralidade nas estradas galegas este verán.

Por iso, Gómez Alonso anunciou que o PPdeG solicitará, de novo, a creación dunha Comisión de Seguridade Vial no Parlamento de Galicia.

Respecto a comparecencia da conselleira, Gómez Alonso explicou que, máis de dous anos despois do cambio de Goberno, Política Territorial continúa funcionando a ralentí, sen racionalidade nin eficiencia, o que explica que o 88,96% dos quilómetros de estradas e vías de alta capacidade que están en obras neste momento foran licitados polo anterior Goberno do PPdeG ou que continúa sen ser posto en servizo un só quilómetro de vías novas licitadas polo bipartito.

POLÍTICA TERRITORIAL PERDE PESO POLÍTICO

O deputado popular explicou que a diminución do peso de Política Territorial na política presupostaria da Xunta, o baixo ritmo investidor da Consellería e a súa escasa execución presupostaria se traducen nun progresivo descenso da licitación de obra pública, que en 2006 foi un 18,3% inferior á de 2005.

Estes datos explican que o 72% das obras inauguradas ou postas en servizo nestes dous anos de Executivo bipartito sexan exclusivamente actuacións de acondicionamento e reforma do firme das estradas galegas, mentres que o 28% restante das intervencións postas en servizo en estradas ou vías de alta capacidade xa se atopaban nun avanzado estado de execución cando se produciu o cambio de Goberno, como o corredor do Morrazo ou a variante de Negreira.

RETRASOS EN 300 QUILÓMETROS

Como consecuencia da falta de impulso do actual Goberno, Gómez Alonso concluíu que, a día de hoxe, máis de 15 proxectos construtivos e 300 quilómetros de estradas e vías de alta capacidade presentan retrasos significativos. Iso implicará que esas actuacións entrarán en funcionamento cunha demora media de entre 2 e 4 anos, segundo os casos.

O PPdeG DENUNCIA NO PARLAMENTO QUE A XUNTA INICIA O TERCEIRO ANO DA LEXISLATURA SEN SER CAPAZ DE ARRANXAR O COLAPSO VIARIO QUE AFECTA A VIGO

2007-09-14T16:27:00.000Z

Gómez Alonso chama a atención sobre o comportamento autoritario e prepotente da conselleira de Política Territorial, por negarse a recibir aos colectivos afectados polos novos viais proxectados para a área sur da provincia de Pontevedra.

• Malia que veciños e concellos solicitan a gratuidade do tramo Puxeiros-Porriño da AP-9 para desconxestionar o tráfico, “a Xunta administra a política de peaxes como se fose unha lotería que tan só responde aos intereses de Touriño”.

• O director xeral de Obras Públicas confirma que a Xunta apoia a construción da autovía Vigo-Porriño, que a conselleira non vai recibir aos afectados e que tampouco vai eliminar a peaxe.

A pesar de que o Executivo bipartito está xa inmerso no seu terceiro ano de mandato, a Xunta continúa sen ser capaz de elaborar un plan de obras que solucionen o colapso viario que sofre a cidade de Vigo e que ameaza con agravarse a curto prazo, segundo ten recoñecido a propia Administración. Son palabras do voceiro de Infraestruturas do Grupo Popular de Galicia, Alejandro Gómez Alonso, que esta mañá se interesou no Parlamento polo retraso que acumula o Plan Sectorial para mellorar as dotacións viarias da cidade olívica e a súa área de influencia, anunciado xa a finais de 2006 polo Executivo autonómico.

Gómez Alonso denunciou na Comisión de Ordenación Territorial e Obras Públicas do Parlamento o carácter autoritario e prepotente da conselleira María José Caride que, pese a levar xa máis de dous ano nese cargo, se continúa negando a recibir e a reunirse cos colectivos veciñais afectados polo trazado das novas vías que consideran lesivas, como a variante de Redondela ou a variante da autovía Vigo-Porriño, que xerou unha enorme contestación social e institucional en Mos e Porriño. Tampouco o presidente da Xunta se ten amosado disposto a dialogar cos afectados, malia que xa levan reunido máis de 11.000 sinaturas de apoio ás demandas veciñais.

MORATO INSISTE NA INTRANSIXENCIA DA XUNTA

De feito, ao responder á pregunta formulada polo PPdeG, o director xeral de Obras Públicas, Manuel Morato, reiterou que a Xunta apoia a construción da autovía Vigo-Porriño, que a conselleira non vai recibir aos afectados e que tampouco contempla a posibilidade de suprimir a peaxe da AP-9 nese tramo concreto.

Os veciños afectados e mailos concellos de Mos e Porriño, por unanimidade das respectivas corporacións, solicitaron a paralización dun trazado que consideran lesivo e propuxeron, como alternativa, liberalizar de peaxe a autoestrada AP-9 no tramo comprendido entre Vigo e Porriño.

A XUNTA CONFUNDE PEAXES CON LOTERÍA

A negativa da Xunta tomar en consideración a proposta de liberalización –que conta con antecedentes noutros puntos desa autoestrada- levou a Gómez Alonso a sinalar que “a Xunta administra a política de peaxes como se fose unha administración de lotería, pero cunha diferenza: a lotería é democrática, pero a política de peaxes da Xunta non o é porque tan só responde aos caprichos de Pérez Touriño”.

NOVA OFENSIVA PARLAMENTARIA

Unha vez constatada a ausencia de interese da Xunta por dar solucións aos problemas de tráfico rodado nos accesos de Vigo e as áreas xeográficas próximas, o voceiro de Infraestruturas do Grupo Popular anunciou que a súa formación trasladará á Cámara galega unha proposición non de lei para reclamar a anulación do estudo informativo correspondente á variante do trazado da autovía Vigo-Porriño; solicitar a construción de interconexións entre a A-52, a A-55 e a futura A-57 (Pontevedra-Confurco); e propoñer formalmente a supresión da peaxe no tramo Vigo-Porriño da AP-9.

MAGDALENA ÁLVAREZ VAISE A MADRID ANUNCIANDO NOVOS RETRASOS ANTE O BENEPLÁCITO DE TOURIÑO

2007-09-04T15:46:00.000Z

Alejandro Gómez afirma que “a ministra de Fomento ten a cara de vir a Galicia a anunciar novos retrasos no AVE Vigo e Ourense e que non hai novedades do AVE coa Meseta”

• Mentres todos os partidos políticos nacionais están a reprobar á Ministra de Fomento, Touriño aplaude á Magdalena Alvarez a pesares de non concretar datas para o AVE galego

• As visitas da Ministra de Fomento e do Presidente Zapatero confirman que para o goberno central os galegos non son iguais nin ten os mesmos dereitos que outras Comunidades Autónomas

• “Barcelona terá AVE no presente ano e Galicia non terá nin un só quilómetro rematado en toda a lexislatura Zapatero” afirmou Alejandro Gómez

• Magdalena Alvarez desautoriza ao Presidente da Xunta que prometera que a información pública do AVE entre Ourense e Vigo estaría aprobado antes do verán

“Magdalena Álvarez vaise a Madrid anunciando novos retrasos ante o benepláctito de Touriño”, esa é a conclusión da visita da Ministra de Fomento a Galicia a visitar as obras do AVE que decidiu retrasar, cando o goberno do PSOE chegou a Madrid, dixo hoxe o voceiro de infraestructuras do PPdeG, Alejandro Gomez.

Alejadro Gómez afirma que a ministra de Fomento ten a cara de vir a Galicia a anunciar novos retrasos no AVE Vigo e Ourense, que segundo o “monólogo” mantido polo Presidente da Xunta na súa visita a Madrid tiña que ter en verano aprobado o estudio informativo.

O deputado autonómico afirmou que a ministra ven a Galicia a dar datos que os galegos xa sabían, que é o tempo de percorrido do AVE entre Santiago e Ourense. O goberno Zapatero será recordado en Galicia como o da paralización e retraso das grandes infraestructuras, porque rematará a lexislatura sen un novo quilómetro de AVE.

OURENSE-SANTIAGO. SEN DATA DE REMATE
A ministra de Fomento, responsable do retraso do AVE entre Santiago e Ourense, polas anulacións e paralizacións levadas adiante dende a súa chegada ao goberno, na súa a visita a Galicia non concretou a data de remate do mesmo.

O AVE entre Ourense e a capital galega foi adxudicado polo goberno do PP e, dende a chegada do goberno socialista a Madrid, acumula un retraso de máis de dous anos; ainda non se ten coñecemento de como vai ser a entrada a cidades de Ourense e Santiago e, unha vez rematado ten que ser electrificado e tomadas as medidas de seguridade.

TOURIÑO. OUTRA OPORTUNIDADE PERDIDA
O PPdeG lamenta que mentres todos os grupos políticos nacionais e galegos están a reprobar á ministra de Fomento, o Presidente da Xunta sexa cómprice de que Galicia sexa a derradeira Comunidade á que chegue o AVE coa Meseta e perda unha nova oportunidade para esixir data de comezo das obras do AVE a Galicia.

Touriño está a ser cómplice de que Galicia sexa tratada como unha Comunidade de segunda, porque mentres que o presidente Zapatero e a Ministra Alvarez viaxan a Cataluña e anuncian día, mes e ano do remate do AVE a Barcelona, cando veñen a Galicia non se lles esixe que dean datas de comezo das obras. “Barcelona terá AVE no presente ano e Galicia non terá nin un só quilómetro rematado en toda a lexislatura Zapatero”, concluiu Alejandro Gómez

A actitude do presidente da Xunta o fai cómplice da desidia co que o goberno socialista de Madrid está a tratar a Galicia polo que a conclusión é que Touriño se alía co PSOE pero non con Galicia.

RETRASOS E ANULACIÓN. SEN AVE LUGO, VIGO, FERROL..
A falla de compromiso da Ministra de Fomento con Galicia escenificouse hoxe na visita ás obras do AVE Santiago-Ourense, que ten xa un retraso de dous anos, grazas a parálise que levou adiante Magdalena Álvarez cando chegou ao Ministerio de Fomento.

Magdalena Álvarez confirmou hoxe a Touriño e ao conxunto dos galegos que Galicia non tera AVE coa cornisa cantábrica; non vai haber unha 2ª saída á meseta a través de Monforte-Ponferrada e, nin Lugo nin Ferrol ao dar os prazos do AVE que chegará a Galicia e, a isto hai que engadirle a confirmación de de data do AVE coa Meseta e pasa a de datas concretas a “no menor prazo posible” ou “canto antes”.

Magdalena Álvarez ven a Galicia a visitar as obras que ela mesma retrasou cando chegou ao Goberno

2007-09-04T15:45:00.000Z

TOURIÑO DEBE NOMEAR Á MINISTRA DE FOMENTO “PERSOA NON GRATA” SE A SÚA VISITA A GALICIA É PARA FACERSE A FOTO E NON PARA ADQUIRIR COMPROMISO DE DATA DE COMEZO DAS OBRAS DO AVE

O GOBERNO ZAPATERO PARALIZOU OU ANULOU TODAS AS OBRAS DO AVE CON GALICIA NA LEXISLATURA

• Os galegos non son menos que os cataláns e a Ministra debe comprometer con Galicia, con datas concretas de comezo do AVE

• O portavoz de infraestructuras reafírmase no feito de que Touriño realizou un monólogo na súa visita a Madrid, porque todos os seus anuncios foron en vano

O portavoz de infraestruturas do PPdeG, Alejandro Gomez Alonso, afirmou hoxe que agarda que a ministra de Fomento, Magdalena Álvarez, veña hoxe a desculparse con todos os galegos polo estado actual de parálise no que se atopan as principais infraestruturas e anuncie, de xeito definitivo, cándo van comezar as obras do AVE na nosa Comunidade.

O PPdeG considera cando menos paradóxico que Magdalena Álvarez chegue a Galicia para ver o estado da construcción férrea entre Santiago e Ourense cando, niguén mellor ca ela sabe que as obras da Alta Velocidade en Galicia arrastran, en moitas actuacións, retrasos de ata cinco anos na súa tramitación.

A ministra de Fomento parece esquecerse de que foi ela mesma quen retrasou ditas obras, nada máis chegar ao Goberno e afirmou que se Magdalena Álvarez non se compromete con Galicia, o Presidente da Xunta debería nomeala “persoa non grata”.

AVE. PARALISE E ANULACIÓN
O Ministerio de Fomento tivo paralizados durante máis de dous anos as obras entre Medina e Galicia e, a día de hoxe, aínda só está autorizada a licitación de algún dos tramos. Galicia non terá AVE coa Meseta ata o ano 2015-20.

O AVE entre Ourense e Vigo leva na mesma situación desde que o goberno socialista chegou a Madrid, o que supón que leva paralizado desde hai case catro anos e mentres Touriño anuncia avances nas súas visitas a Madrid, os ministros non queren comparecer co Presidente de todos os galegos para comprometerse.

SEN DATA
A día de hoxe segue sen saberse cándo se rematará a autovía do Cantábrico e o Eixo Atlántico, están anulados o AVE de Lugo e Ferrol e a autovía entre Vigo e Pontevedra segue sen estar conectada coa cidade olívica.

Esto é o balance que deixa a ministra de Fomento nestes catro anos en Galicia: retrasos e parálise.

REPARAR
O PPdeG espera que nesta visita, Magdalena Álvarez sorprenda gratamente aos galegos, dicindo por fin cánto se compromete o Goberno socialista coa nosa Comunidade, tanto en datas como en cartos.

Os compromisos que o presidente do Goberno central adquiriu nestes últimos días con Cataluña ou con Asturias, durante a súa estancia vacional nesta comunidade, contrastan descaradamente co desinterés que pola contra mostra con Galicia.

O PPDEG INSTA AO BNG A QUE APOIE AS INICIATIVAS DOS POPULARES EN MATERIA DE PEAXES E NA TRANSFERENCIA DAS AUTOESTRADAS AP-9 E AP-53

2007-08-31T09:00:00.000Z

Gómez Alonso pide ao Bloque Nacionalista Galego que se deixe de ‘tanto criticar’ e pase a acción apoiando as iniciativas que neste eido está a presentar o Partido Popular

OS COMPROMISOS ADQUIRIDOS POLO GOBERNO CENTRAL CON ASTURIAS CONTRASTAN CO SEU DESINTERÉS EN A FONSAGRADA POR GALICIA.

• O voceiro de Infraestruturas lembra ao BNG que ten unha oportunidade de demostrar se quere autogoberno reclamando xunto ao Grupo Popular a transferencia da titularidade das AP-9 e AP-53, tal e como xa propuxo no Parlamento o PPdeG.

• Os anuncios que en materia de infraestruturas fixo o presidente do Goberno logo da súa reunión co presidente do Principado, deixan ao descuberto o nulo interés que pola contra amosa Zapatero pola nosa comunidade.

O voceiro de Infraestruturas do Grupo Popular, Alejandro Gómez Alonso, instou hoxe ao BNG a que apoie as iniciativas dos populares en materia de peaxes e na transferencia das autoestradas AP-9 e AP-53.

O voceiro popular pediu así ao Bloque Nacionalista Galego que se deixe de ‘tanto criticar’ e pase a acción apoiando as iniciativas que neste eido está a presentar o Partido Popular.

Neste sentido, Gómez Alonso lembrou que o BNG rexeitou unha Proposición non de Lei presentada polo PPdeG na que se pedía á Xunta de Galicia que reclamase ao Goberno Central a rebaixa dun 25% das tarifas da peaxe da AP-53 para este ano 2007.

Na iniciativa alegábase que os prezos da peaxe da AP-53 vénse agravados pola circunstancia de que esta autoestrada, a diferencia de outras vías de alta capacidade de España, non goza de ningunha medida de bonificación, e que estas elevadas tarifas non constitúen, amais, un problema exclusivo para os veciños da comarca do Deza, senón que afecta a todos os habitantes do eixo central Santiago-Ourense.

DESCONTOS NOUTRAS COMUNIDADES
Para Gómez Alonso, comparativamente con outras Comunidades o agravio é claro, xa que mentres o Ministerio de Fomento ofrece para os usuarios da AP-41 descontos do 50%, tarifas especiais reducidas en fins de semana e servizo gratuíto nos días laborables en horario nocturno de 01:00hs a 05:00hs, os galegos, como cidadáns de segunda, teñen que pargar unha das peaxes máis caras.

O voceiro popular referiuse tamén ao anuncio feito, esta semana, polo presidente do Goberno central de rebaixar a única peaxe que ten a Comunidade asturiana, a AP-66 a León.

ANUNCIOS EN ASTURIAS E DESINTERÉS EN A FONSAGRADA
Neste sentido, Alonso asegurou que os compromisos que o presidente do Goberno central adquiriu con Asturias durante a súa estancia vacacional nesta comunidade, contrastan descaradamente co desinterés que fai unha semana, en A Fonsagrada, mostrou por Galicia, Rodríguez Zapatero.

Para o voceiro popular, os anuncios que en materia de infraestruturas fixo o presidente do Goberno logo da súa reunión co presidente do Principado, deixan ao descuberto unha vez máis o nulo interés que pola contra amosa Zapatero pola nosa comunidade.

Así, Gómez Alonso afirmou que ‘mentres o presidente do Goberno volveu a marcharse de Galicia sen concretar datas, prazos e compromisos investidores para as grandes infraestruturas que necesita a Comunidade, vemos como si se compromete con outras comunidades’.

O voceiro popular lamenta esta situación e o ‘desprezo ao que nos ten acostumados o Goberno central, que está a convertir esta lexislatura nunha lexislatura perdida para a nosa Comunidade’. Pero máis aínda, lamenta a complacencia do presidente da Xunta, que lonxe de defender os intereses dos galegos, estase a converter, co seu silencio, no mellor cómplice que pode ter o Goberno central.

Alonso lembra que mentres Asturias adquire novos compromisos e outras comunidades como Cataluña xa saben cando chegará o AVE de forma definitiva, en Galicia seguimos sen saber tan siquera cándo empezarán as obras.

Asimesmo, recordou tamén que o Executivo central non iniciou nin unha soa obra nova en Galicia, e só continuaron algunhas postas en marcha polo Partido Popular, sen ser capaces de cumplir nin un só dos prazos que estaban previstos para autovías ou infraestruturas viarias.

TRANSFERENCIA DA TITULARIDADE DA AP-9 E DA AP-53
No tocante á transferencia das autoestradas, o voceiro popular lembrou ao BNG que ten unha oportunidade de demostrar se quere autogoberno reclamando xunto ao Grupo Popular a transferencia da titularidade das AP-9 e AP-53, tal e como xa propuxo no Parlamento o PPdeG.

‘Con esta medida, -dixo- o Executivo galego podería tratar directamente o axuste das peaxes coas concesionarias e a súa flexibilización’.

O PPDEG RECLAMA A POSTA EN MARCHA DOS TRENS DE CERCANÍAS ENTRE PORRIÑO-VIGO-PONTEVEDRA, A CORUÑA-FERROL E OURENSE-CARBALLIÑO

2007-08-29T11:09:00.000Z

GALICIA É A ÚNICA COMUNIDADE DO LITORAL QUE CARECE DESTE SERVIZO

Gómez Alonso reclama un convenio con ADIF e RENFE-Operadora para mellorar a rede ferroviaria convencional da nosa Comunidade e os servizos de longa distancia.

• O tren de cercanías entre Vigo e Pontevedra podería chegar a supoñer a reducción do 50% dos vehículos que diariamente cruzan a Ponte de Rande.

• A Xunta continúa sen levar a cabo ningún dos dous compromisos adquiridos no acordo de Goberno do Bipartito, no tocante ao fomento do transporte público: un plan de transporte público de cercanías nas áreas metropolitanas e o billete único de transporte intermodal das áreas urbanas e metropolitanas.

• Alonso subliña a necesidade de aprobar unha lei de fomento do transporte público para definir o modelo de xestión de servizos metropolitanos, asegurar o equilibrio concesional e dotar de contido o transporte rural e comarcal.

O voceiro de infraestruturas do Grupo Popular, Alejandro Gómez Alonso, reclamou hoxe, en rolda de prensa, un convenio con ADIF e RENFE-Operadora para mellorar a rede ferroviaria convencional da nosa Comunidade e os servizos de longa distancia.

Neste sentido, o voceiro popular instou á Xunta a que reclame do Goberno central a implantación inmediata dos trens de cercanías entre Porriño-Vigo-Pontevedra, A Coruña-Ferrol e Ourense-Carballiño, ‘xa que de seguir así, -asegurou- Galicia vai ser, ao remate deste ano, a única comunidade autónoma do litoral que careza deste servizo’.

REDUCCIÓN DO USO DE VEHíCULOS
Gómez Alonso asegurou que a posta en marcha destes trens de cercanías suporía unha importante ferramenta para reducir o colapso viario que sufren as principais cidades galegas.

Neste sentido, aseverou que o tren de cercanías entre Vigo e Pontevedra podería chegar a supoñer a reducción do 50% dos vehículos que diariamente cruzan a Ponte de Rande e absorbería a metade do incremento de viaxeiros nos vindeiros dous anos.

Amais desta iniciativa, o voceiro popular reclamou co obxecto de mellorar a rede ferroviaria convencional a construcción do By-Pass en Betanzos-Infesta, para que a comunicación entre A Coruña e Ferrol sexa directa; e un plan de mellora da conexión ferroviaria da comarca de Valedorras co resto Galicia.

Asimesmo, reclamou estudiar as posibilidades de conexións ferroviarias electrificadas na liña Vigo-Ourense-Monforte-Ponferrada-León, que coa posta en servizo dos Talgos S-130 podería optimizar a rede convencional co itinerario de alta velociade Valladolid-Madrid, que comezará a funcionar en 2008.

TALGOS DE SÉTIMA XERACIÓN
Entre as medidas para a mellora de servizos de longa distancia, Alonso destacou a necesidade da posta en servizo dos Talgos serie VII-Altaria, fronte aos talgos de terceira que aíonda circulan pola nosa comunidade; a dotación de novo material de Tren-Hotel (TALGO) para as conexións nocturnas de todas as cidades de Galicia con Madrid, Euskadi e Cataluña; e a implantación do servizo diurno Santiago-Barcelona.

Medidas mellora de servizos de longa distancia

• A posta en servizo dos Talgos serie VII-Altaria, fronte aos talgos de terceira que aínda circulan pola nosa comunidade

• A dotación de novo material de Tren-Hotel (TALGO) para as conexións nocturnas de todas as cidades de Galicia con Madrid-Euskadi e Cataluña

• Implantación do servizo diurno Santiago-Barcelona

Medidas mellora Rede Ferroviaria convencional

• Posta en servizo do tren de cercanías entre Vigo e Pontevedra e A Coruña e Ferrol

• Construcción do By-Pass en Betanzos-Infesta, para que a comunicación entre A Coruña e Ferrol sexa directa

• Plan de mellora da conexión ferroviaria da comarca de Valedorras co resto Galicia

• Estudiar as posibilidades de conexións ferroviarias electrificadas na liña Vigo-Ourense-Monforte-Ponferrada-León, que coa posta en servizo dos Talgos S-130 podería optimizar a rede convencional co itinerario de alta velociade Valladolid-Madrid, que comezará a funcionar en 2008

O voceiro de Infraestruturas quixo poñer de manifesto así as eivas do último convenio asinado entre a Xunta e RENFE para a prestación de servizos ferroviarios, un convenio que, segundo afirmou, está moi lonxe de arranxar as pontencialidades e necesidades ferroviarias da nosa comunidade.

SEN LEI DE FOMENTO DO TRANSPORTE PÚBLICO COLECTIVO
Asimesmo, Gómez Alonso subliñou a necesidade de que antes de rematar o ano se aprobe a lei de fomento do transporte público para definir o modelo de xestión de servizos metropolitanos, asegurar o equilibrio concesional e dotar de contido o transporte rural e comarcal.

‘O único que coñecemos ata agora –afirmou- é un anteproxecto de lei intervencionaista, que foi criticado polos transportistas e que deixou malestar pola inseguridade que provacaba nos actuais operadores pola discrecionalidade nas adxudicacións e porque deixaba fora ao sector’.

SEN RONDA DE PONTEVEDRA E O TERCEIRO CARRIL DA AP-9 EN SANTIAGO
Para o voceiro popular é a Xunta a que coa súa inoperatividade e incompetencia está a ser o motor do colapso viario en Galicia, ‘xa que só así –dixo- se pode entender como Fomento financiou en toda España 125Km de circunvalacións e cinturóns por un importe superior aos 633 millóns de euros, e dexiou fóra actuacións tan importantes como a Ronda de Pontevedra ou o Terceiro carril da AP-9 en Santiago’.

NINGUNHA PROMESA CUMPLIDA
Diante desta situación, Gómez Alonso denunciou que, cando estamos no paso do ecuador desta lexislatura, a Xunta continúa sen poñer en marcha ningún dos dous compromisos adquiridos no acordo de Goberno do Bipartito, no tocante ao fomento do transporte público: a elaboración dun plan de transporte público de cercanías nas áreas metropolitanas e o billete único de transporte intermodal das áreas urbanas e metropolitanas.

Fronte a este escenario de inoperatividade, o voceiro popular destacou o esforzo propagandístico da Consellería que dirixe María José Caride, que se empeña en cubrir con páxinas publicitarias o baleiro que caracterizou a xestión dese departamento nos dous anos transcurridos desde o cambio de Goberno.

‘Primeiro –dixo- a conselleira fala do plan de transportes de Galicia, que cun orzamento de licitación de 850.000€ pretendía definir as políticas de movilidade e a competitividade e viabiliadade das empresas do sector; meses despois volta a anunciar a creación doutro plan, pero este chamado estratéxico loxístico. E despois de pagar páxinas completas e especiais de política territorial nos xornais, nada se sabe destes plans’.

FRACASO DO NOITEBÚS
Por último, Alonso referiuse ao fracaso do Noitebús como outro exemplo máis da deixadez e inoperatividade da consellería de Política Territorial, que o único que fixo neste asunto foi delegar toda a responsabilidade aos concellos, que na súa maior parte carecen de competencias, información e infraestruturas para coordinalo.

O PPdeG PROPÓN ANULAR O ESTUDIO SOBRE A AUTOVÍA VIGO-PORRIÑO E MELLORAR A CIRCULACIÓN NA ZONA ELIMINANDO A PEAXE DE DEVANDITO TRAMO NA AP-9

2007-08-27T10:39:00.000Z

• O custo da autovía e o prexuízo económico que esta xeraría (150 millóns de euros) é moito maior ao que suporía suprimir a peaxe entre Vigo e Porriño: 100 millóns de euros nos próximos 40 anos.

• Os populares estiman que construír novas infraestruturas no municipio de Mos é prexudicial para unha localidade que ten o 22% do territorio non edificable e que podería ter ata o 28% do chan vinculado a infraestruturas.

• Gómez Alonso recorda que a iniciativa que defenden os populares, baseada en liberar a peaxe da AP-9 entre Puxeiros e Porriño, foi apoiada no seu momento polos concellos de Mos e Porriño, a Confederación de Empresarios de Pontevedra e contaba co apoio do anterior goberno de Vigo.

• O portavoz popular recorda que as intencións de Fomento son contrarias á mellora do tráfico na zona: nin facilita o acceso a Vigo, nin enlaza coas infraestruturas xa existentes, nin ten saída aos polígonos da zona.

O PP de Galicia presentará proximamente no Parlamento galego unha iniciativa instando á Xunta a que se sitúe en contra da AV-80 que pretende construír Fomento para unir Vigo e Porriño. O portavoz de Infraestruturas do PPdeG, Gómez Alonso, recordou que a proposta non solucionará os problemas de seguridade e circulación que sofre a A-55 no seu paso por Mos, polo que haberá que buscar alternativas mellores, e que non lastren o correcto funcionamento dos concellos; en concreto, os de Mos e Porriño.

No caso do primeiro deles, na actualidade ten o 22% do seu chan cualificado de non edificable por estar afectado por algún tipo de infraestrutura: ferrocarril, redes de gas, un oleoduto, o aeroporto, a AP-9 e a N-550, entre outras. Ademais, os novos proxectos previstos para a zona, como a ampliación de Peinador ou a propia construción da AV-80 (Vigo-Porriño) levarían esa porcentaxe de territorio non útil para a construción en preto de 123 millóns de metros cadrados, un 28% do chan municipal.

Os concellos de Mos e Porriño, como xa fixo no seu momento o Concello de Vigo e a Confederación de Empresarios de Pontevedra, non apoia a construción da AV-80 e coinciden co PPdeG en que a mellor opción é converter en gratuíto o tramo Puxeiros-Porriño da AP-9. A mesma solución, a de eliminar peaxes, propón o concello de Porriño para mellorar a situación da circulación na zona.

Por iso, o PP de Galicia pedirá á Xunta que aposte por suprimir a peaxe que na actualidade soporta o tramo Vigo-Porriño da AP-9, e a construción de interconexiones entre a A-52, a AP-9, a A-55 e a futura A-57.

GASTO INNECESARIO
Sobre o primeiro aspecto, o portavoz de Infraestruturas do PPdeG recordou que eliminar esa peaxe neste tramo suporía un coste estimado de 100 millóns de euros en 40 anos, mentres que construír a autovía como pretende Fomento non custaría menos de 150 millóns.

Sobre as interconexiones, Alonso mostrouse sorprendido por un proxecto, o da AV-80 de Fomento, que non poderá resolver os problemas do tráfico porque nin enlaza coas infraestruturas xa existentes, nin conecta cos polígonos da zona, nin co porto, nin coa zona franca, nin facilita o acceso a Vigo. En definitiva, seguirán os problemas circulatorios.

Gómez Alonso lamentou que a Fomento só ocórranselle parches chafalleiros para solucionar os problemas circulatorios de Galicia e pediu á Xunta que deixe de ser palmeiro da ministra Magdalena Álvarez e defenda os intereses dos veciños de Galicia. Neste sentido, recordou que o presidente da Xunta aínda non recibira aos posibles afectados pola construcción desta autovía, que ata a data recolleron máis de 11.000 firmas pero que polo motivo que o señor Touriño saberá aínda non foron dignos de ser recibidos por algún cargo da administración galega.

Gómez Alonso fixo balance do estado actual no que se atopan as infraestruturas galegas

2007-08-09T09:01:00.000Z

DOUS ANOS DESPOIS DE CHEGAR AO PODER O BIPARTITO TEN PENDENTE O 99% DO SEU ACORDO EN MATERIA DE INFRAESTRUTURAS

A FALLA DE PLANIFICACIÓN E DE XESTIÓN DA CONSELLERÍA ESTÁ A PROVOCAR RETRASOS DE ATA 4 ANOS NOS PRAZOS DE REMATE DOS PROXECTOS ESTRATÉXICOS

• Máis de 15 obras esencias para a vertebración territorial de Galicia, e que suman un total de 300 quilómetros, non estarán rematadas ata 2012-2014

• Comparativamente, a mediados de 2005, baixo o goberno do PP 297kms de vías de alta capacidade estaban licitados, en obras ou pendentes de adxudicación

• Cando remate a lexislatura, o único que haberá en servizo serán 71 quilómetros de vías de alta capacidade dos proxectos que o PP deixou licitados ou en obras no ano 2005 e ningún quilómetro impulsado polo Bipartito

• Nestes 24 meses de Bigoberno o 72% das obras inauguradas ou postas en servizo tan só foron actuacións de acondicionamento e reformas de firme nas estradas galegas

• Pese a gastarse máis de 5 millóns de euros en estudios, aínda se descoñece o contido e obxectivos do Plan de Infraestruturas de Transporte para Galicia (PITGAL)

Dous anos despois da chegada ao poder do Bipartito, o 99% do seu acordo programático en materia de Infraestruturas continúa pendente. Así o puxo de manifesto hoxe, en rolda de prensa, o voceiro de Infraestruturas do Grupo Popular, Gómez Alonso.

Alonso, que fixo balance do estado actual no que se atopan as infraestruturas galegas desde que o Bipartito goberna a Xunta, asegurou que ‘a falla de concreción de propostas e a ausencia de contido real fan que daquel acordo asinado polo PSdeG e polo BNG non quede nada, de xeito que das 80 accións programadas, 74 están completamente esquecidas e 6 a medio facer’.

FALLA DE PLANIFICACIÓN E DE XESTIÓN

Desde o punto de vista da vertebración e cohesión territorial, o voceiro popular afirmou que a falla de planificación e de xestión política da consellería de Obras Públicas está a provocar un retraso medio de entre 3 e 4 anos sobre os prazos de remate das grandes infraestruturas.

Amais, asegurou que cando estamos no ecuador da lexislatura e pese a gastarse a Consellería máis de 5 millóns de euros en estudios, aínda se descoñece o contido e obxectivos do Plan de Infraestruturas de Transporte para Galicia (PITGAL), e máis dunha terceira parte do vixente orzamento está adicado a partidas xenéricas.

RETRASOS NOS PROXECTOS ESTRATÉXICOS

Como consecuencia desta parálise, o voceiro popular afirmou que máis de 15 obras consideradas esenciais para a vertebración territorial de Galicia, e que suman entre estradas e vías de alta capacidade un total de 300 quilómetros, non estarán rematadas ata 2012-2014.

‘Infraestruturas tan importantes como a Vía Ártabra –dixo-, ou as Vías de Alta Capacidade como son Tui-A Guarda, Sarria-Monforte, Ferrol-San Cibrao e Marín-Pontevedra, xunto con outros proxectos como a Autovía Pontevedra-Vilagarcía, a Variante de Carballo e a de Noia ou a estrada que unirá Becerreá con Navia de Suarna non estarán rematadas ata 2012-2014’.

EXEMPLOS OBRAS PENDENTES

Obras Previsión orzamentaria CPTOT ano 2010 e seguintes:

Autovía Sarria-Monforte 1ª fase 65 millóns de euros
Vac Tui-A Guarda 72 millóns de euros
Vía Ártabra 85 millóns de euros
Acceso Porto de Brens 48 millóns de euros
Variante Carballo 5 millóns de euros
Vac Brión- Noia 24 millóns de euros
Vac Noia 26 millóns de euros
Estrada Quiroga-Folgoso 1,8 millóns de euros
Vac Ferrol-San Cibrao 86,5 millóns de euros
Autovía Pontevedra-Vilagarcía 47 millóns de euros

0 KM DE VACs EN SERVIZO IMPULSADOS POLO BIPARTITO
Diante deste panorama, Alonso afirmou que ao remate desta lexislatura non haberá un só quilómetro de vías de alta capacidade en servizo de proxectos impulsados polo Bipartito.

‘O único que haberá en servizo –dixo- serán 71 quilómetros de vías de alta capacidade dos proxectos que o Partido Popular deixou licitados ou en obras no ano 2005’.

VACs EN SERVIZO NO 2008 IMPULSADAS POLO PARTIDO POPULAR

Obra Quilómetros Investimento Situación no 2005

Autoestrada
Alto de Santo Domingo- Ourense 30km 194 millóns € licitada

Autovía do Salnés 17,1Km 44,4 millóns € adxudicada

Autovía Santiago –Brión 16km 114 millóns € Pendente de adxudicación

Autovía Santiago -Pontevea 8km 40 millóns € en obras 1ª fase

Comparativamente, o voceiro popular lembrou que a mediados de 2005, e baixo o goberno do PP, 297kms de vías de alta capacidade estaban ou ben licitados, ben en obras ou ben pendentes de adxudicación, e a previsión era de que se iniciasen as obras en máis de 233.3kms.

Asemade, destacou que nestes 24 meses de Bigoberno o 72% das obras inauguradas ou postas en servizo foron actuacións de acondicionamento e reformas de firme nas estradas galegas e o 28% restante son actuacións que co cambio de goberno estaban nun avanzado estado de execución das obras, como é o caso do Corredor do Morrazo -cun investimento de 70 millóns de euros- ou a variante de Negreira -con 10,44M€-. ‘Esto é todo o que fixo a conselleira en todo este tempo’, sentenciou.

PERDA DE PESO DA CONSELLERÍA

Por último, ao alto grao de incumprimento hai que engadir, segundo Alonso, a importante perda de peso da Consellería tanto a nivel autonómico como a nivel estatal.

Para voceiro popular, o feito de que todos os anuncios en materia de infraestruturas os faga o presidente da Xunta e que os orzamentos neste eido tan so medraran un 10.9% -fronte o 29% do último orzamento para obras públicas do PP- son mostra suficiente do pouco peso que a conselleira, María José Caride, ten no Bipartito.

A falla de peso político nótase tamén a nivel do Goberno central, onde a Xunta ten que financiar actuacións que debería de pagar o Estado, como ocorre no caso das obras de acceso a Plisan ou co treito Cabreiros-Vilalba da autovía Ferrol-Vilalba.

ZAPATERO COMPROMETE EN CATALUÑA DÍA, MES E ANO PARA O AVE A BARCELONA MENTRES QUE EN GALICIA NON TEMOS DATA NIN DE INICIO NIN DE FIN DA ALTA VELOCIDAD

2007-08-08T11:58:00.000Z

O presidente do PPdeG, Alberto Núñez Feijóo, propuso hoxe, no Parlamento de Galicia, a necesidade de crear na Cámara unha Comisión de seguimento entre a Xunta e o Estado para as infraestructuras galegas.

Núñez Feijóo considera necesario o consenso das tres forzas políticas para que os Presupostos Xerais do Estado do 2008 comprometan 2.500 millóns de euros necesarios para que o AVE chegue a Galicia no ano 2012.

“Zapatero -engadiu- compromete en Cataluña día, mes e ano para o AVE a Barcelona mentres que en Galicia non temos data nin de inicio nin de fin da alta velocidade”.

OS MESMOS DEREITOS
Os populares galegos afirman que Zapatero veu a Galicia na campaña das autonómicas do 2005 e comprometeuse a que el AVE estaría no ano 2010. No ano 2007 volveu na campaña das municipais e dixo que o AVE estaría dous anos máis tarde da data que comrpometeu dous anos antes (2012). “En dous anos –dixo o Presidente do PPdeG- o goberno socialista de Madrid non fixo nada e Galicia será a última Comunidade en ter AVE coa Meseta”.

Mentras que e Galicia non existe compromiso de Zapatero, co beneplácito de Touriño, o presidente do Goberno de España viaxa a Cataluña e compromete día, mes e ano de remate do AVE con Barcelona e comprométese a anticipar 500 millóns de euros do ano 2010, mentres en Galicia non existe ningún tipo de compromiso.

Núñez Feijóo afirma que “Galicia ten os mesmos dereitos que Cataluña e non ten lóxica que en Cataluña se adianten investimentos e en Galicia se atrasen”.

SETEMBRO COMO TOPE
O PPdeG afirma que en setembro vanse decidir os investimentos do Estado en cada CC.AA. e, neste momento, nos ministerios xa están feitas as cuantías xerais e, por desgraza, os antecedentes dos investimentos do Estado en Galicia non son moi positivos.

Ademáis, nas visitas que fixo Touriño a Madrid, para reunirse coa Ministra de Fomento e co vicepresidente económicos do goberno central, ningún dos dous quixo comprometerse públicamente con investimentos para Galicia nin con prazos de inicio e fin das obras, asistindo a un “monólogo” do presidente da Xunta.

EN SETE ANOS 250 KMS ¿CANTO TARDARÁN EN 400 KMS?
Os populares galegos afirman que as obras de alta velocidade en Galicia comezaron no ano 2000 e estase a traballar en arredor de 250 quilómetros pero ainda non se rematou nin un quilómetro.

O lider dos populares galegos preguntouse que, se en sete anos ainda non se rematou nin un quilómetro de AVE ¿canto vai tardarse en facer arredor de 400 quilómetros?

TOURIÑO SEGUE CO SEU MONÓLOGO SOBRE O AVE E A MINISTRA DE FOMENTO NÉGASE A COMPROMETERSE PÚBLICAMENTE DELANTE DO PRESIDENTE DA XUNTA

2007-07-19T16:54:00.000Z

REMATARÁ A LEXISLATURA SOCIALISTA SEN COMEZAR UNHA NOVA INFRAESTRUCTURA PARA GALICIA

• Touriño ven de confirmar que Galicia non terá AVE coa Meseta ata o ano 2015-20

• O AVE entre Vigo e Ourense leva paralizado dende a chegada do goberno socialista ao Ministerio de Fomento

• A autovía entre Vigo e Pontevedra segue sen estar conectada coa cidade olívica

• Sen data para o remate da autovía do Cantábrico e o Eixo Atlántico

• Ningún compromiso no AVE de Lugo e Ferrol

O portavoz de infraestructuras do PPdeG, Alejandro Gómez Alonso, afirmou hoxe que “Touriño segue co seu monólogo sobre o AVE e a Ministra de Fomento négase a comprometerse públicamente diante do Presidente da Xunta”

“Lamento que da reunión mantida hoxe, entre o Presidente da Xunta e a Ministra de Fomento, so se pode confirmar que a Ministra de Fomento foi sincera, cando calificou o desenvolvemento de Galicia como o Plan Galicia de mier... e non fixo nada. Ven a Galicia e non quere dar datas e o Presidente da Xunta se despraza a Madrid e Magdalena Álvarez non quere comparecer públicamente para non comprometerse”, afirmou Alejandro Gómez.

O voceiro popular galego en materia de infraestructucturas engadiu que “Touriño podía quedar no seu despacho e aforrarse o diñeiro do avión que colleu esta mañá, so tiña que descolgar o teléfono e facer declaracións públicas seguindo co seu monólogo. É decepcionante que o Presidente de todos os galegos deixe a Galicia na segunda división nas infraestructuras porque sabe que rematará a lexislatura socialista sen comezar unha nova infraestructura para Galicia”.

AVE DA MESETA. NADA NOVO
O Ministerio de Fomento tivo paralizados durante máis de dous anos as obras entre Medina e Galicia e, a día de hoxe, ainda só está autorizada a licitación de algún dos tramos.

O voceiro de infraestructiuras afirmou que “Touriño ven de confirmar que Galicia non terá AVE coa Meseta ata o ano 2015-20”. Touriño se autodenominó “garante do Plan Galicia” e xa non ten credibilidade porque o seu monólogo non ten valor: nada do que dí se cumpre. Primeiro falo que o AVE estaría no ano 2009, logo no 2010, hoxe nos dice que no 2012 e, o ano que ven dirá que no 2013, cada ano que pasa suma un ano máis de retraso.

AVE OURENSE-VIGO. SEN NOVEDADE
O AVE entre Ourense e Vigo leva na mesma situación dende que o goberno socialista chegou a Madrid, o que supón que leva paralizado dende hai case catro anos.

“O presidente da Xunta –afirmou Gómez Alonso- leva dende o mes de xaneiro afirmando que o AVE entre Vigo e Ourense vai sair a informacion pública no verán e, a realidade e que leva paralizado dende hai casi catro anos”.

SEN DATA DE FINALIZACIÓN
Touriño ha pasado de “estarán canto antes” a van a “bo ritmo”, cando as obras da autovía do Cantábrico tiñan que estar rematadas na súa totalidade o vindeiro ano e, hoxe non deu ningunha data de remate.

Para o Presidente da Xunta o eixo vertebrador do Eixo Atlántico non foi tema de conversa coa ministra. O resumen é que o AVE entre A Coruña e Vigo non ten data de finalizacion.

RESTO DO PLAN GALICIA. SEN DATA E ANULADAS
O Presidente da Xunta esqueceu na súa reunión:

- as obras da autovía entre Pontevedra e Vigo, fundamental para que a cidade olivica non teña colapsados os seus accesos a partires do ano 2010; segue sen conectar con Vigo

- a autovía Santiago-Lugo, que xa tiña que ter comezadas as obras non ten novidades

- as autovías interiores de Ourense: sen datas

- os AVEs de Lugo e Ferrol, o Cantábrico e o de Monforte: confirmación de que non se van executar

TOURIÑO DEBE CONSEGUIR DE SOLBES O COMPROMISO DE CONSIGNAR 2.500 MILLÓNS DE EUROS NO ANO 2008 PARA QUE O AVE CHEGUE A GALICIA NO 2012

2007-07-19T16:53:00.000Z

Na entrevista que mañá vai celebrar co vicepresidente segundo do Goberno central e ministro de Economía, o presidente da Xunta terá ocasión de acreditar o compromiso estrela do seu mandato se é capaz de conseguir o que os Presupostos Xerais do Estado de 2008 comecen a consignar unha partida anual de 2.500 millóns de euros.

O presidente do PPdeG, Alberto Núñez Feijóo, reiterou hoxe que para facer realidade o compromiso de que o Ave chegue a Galicia no ano 2012 e que as autovías proxectadas se rematen en prazo, é necesario consignar esa achega de 2.500 millóns de euros, proposta hai preto dun ano polos populares galegos e aceptada por socialistas e nacionalistas.

RECUPERAR O CONSENSO SOBRE INFRAESTRUCTURAS
Nunha rolda de prensa celebrada esta mediodía na sede do PPdeG, Núñez Feijóo convidou ao presidente da Xunta a recuperar o consenso básico entre as tres forzas políticas en materia de infraestructuras, como sucedeu durante a negociación da reforma do Estatuto á hora de fixar as necesidades de Galicia neste ámbito, e como acontecera previamente, en xuño de 2004, nas Cortes Xerais.

Zapatero veu a Galicia na campaña das autonómicas de 2005 e comprometeu o AVE para o 2010 mentres que, dous anos máis tarde, na campaña das municipais retrasou ata o ano 2012, o que significa que non fixo nada en dous anos. Recordan os populares galegos, que a última decepción e menosprexo foi a pasada semana cando o Presidente do Goberno central non adquiriu ningún compromiso con Galicia e deixou en evidencia a Touriño cando suliñou que o AVE “chegará a tempo”.

TOURIÑO, DOBREMENTE NINGUNEADO NUNHA SEMANA
Xa na entrevista celebrada onte en Madrid entre o presidente da Xunta e a ministra de Fomento, Touriño volveu ser ninguneado polo Goberno central en menos de unha semana, na medida en que Madalena Álvarez se negou a comparecer ante os medios, evitando reafirmar calquera dos anuncios efectuados durante o “monólogo” protagonizado polo titular do Executivo autonómico.

O “monólogo” de Touriño “recitado” en ausencia da ministra de Fomento acreditan que seguen sin prazo:

• Eixo Atlántico. Non dixo cando remata
• Autovía do Cantábrico. Nos dixo cando remata
• Autovías interiores. Nada sabemos
• AVE Ferrol e Lugo. Non se sabe se haberai.
• Autovía Pontevedra-Vigo. Non se sabe se chegará a Vigo

Con estes antecedentes, Núñez Feijóo considera que na entrevista que mañá celebrará con Pedro Solbes, o presidente da Xunta consumirá unha oportunidade para recuperar a credibilidade perdida na primeira metade da lexislatura logo do incumprimento sistemático dos compromisos do Estado con Galicia en materia de obras públicas.

DEFENSA DOS INTERESES DE GALICIA
O presidente dos populares galegos considera que o titular da Xunta debe actuar con fidelidade ao consenso acadado entre as forzas políticas galegas á hora de reclamar do Goberno central os recursos necesarios para executar sen demoras as obras pendentes e debe actuar con valentía na defensa dos intereses de Galicia.

No suposto de que Touriño sexa capaz de arrincar un compromiso formal do Goberno central para consignar nos Presupostos Xerais do Estado do 2008 un investimento de 2.500 millóns de euros para facer posible a chegada do Ave en 2012, Núñez Feijóo adiantou que o Presidente da Xunta terá o apoio do PPdeG e se Touriño fracasa que non conte cos populares galegos para este paripé.

O PPdeG ACUSA A NAVARRO DE INTENTAR ESCONDER CON TÓPICOS SOBRE O CARÁCTER DOS GALEGOS AS SÚAS PROPIAS LIMITACIÓNS PARA EXERCER O CARGO

2007-07-09T16:45:00.000Z

O PP de Galicia, lamentou esta mañá que o director xeral da DGT “xustifique as súas propias limitacións como xestor e a súa ausencia de modelo para reducir a sinistralidade nas estradas galegas, dicindo que son os galegos os que non son capaces de ver os avances”. O dirixente popular asegurou que a actitude inxustificable de Pere Navarro, que se basea en cualificar aos galegos como “persoas instaladas no pesimismo” en lugar de asumir que os datos de mortalidade na Comunidade non son bos, merece un posicionamento por parte do presidente da Xunta. “Touriño debería dicir que lle perecen as maxaderías deste señor porque non deixa de ser un alto cargo da Administración central nomeado polo partido do que o presidente da Xunta é secretario xeral en Galicia”, asegurou Rueda. O secretario xeral do PPdeG asegurou que “ante desvergoñas deste calibre os galegos merecen ter un presidente que dea a cara por eles e pida explicacións”.

“O presidente debe porse ao lado dos centos de miles de galegos que onte foron cualificados practicamente de bobos por un señor que en lugar de afrontar as súas frustracións camúflaas con ataques a todos aqueles que non aceptan a súa doutrina nin lle rin as grazas”, apostilou.

Alfonso Rueda insistiu en que un xestor cuxo modelo non funciona, e que en lugar de asumir responsabilidades polos seus erros trátaos de vender á opinión pública como vitorias que tratan de embazarlle uns galegos desconfiados, pesimistas, tristes, escuros e pouco informados, é unha persoa á que, simplemente, “vénlle grande o cargo”.

PERSOAS MÁIS CAPACES
“Estou convencido de que en España hai persoas máis cualificadas para ese cargo que o señor Navarro; a pouquiño que busquen atoparán a alguén que, polo menos, sexa capaz de controlar a diarrea verbal do actual director da DGT”, engadiu.

O secretario xeral do PPdeG, que volveu pedir a Pere Navarro que deixe o seu cargo ou que sexa cesado, recordou que este novo exceso proveniente dun dirixente socialista de ámbito estatal non fai senón unirse a outros entre os que destacan perlas como as de Cristina Narbona (culpando dos incendiios ao “baixo nivel socioeconómico dos galegos”) ou de Magdalena Álvarez (referíndose ao maior compromiso investidor do Estado na Comunidade como “Plan Galicia de merda”).

En todo caso, pediu a Pere Navarro que se esqueza de pantasmas e mire as estatísticas, posto que cando lle redución media da mortalidade nas estradas españolas foi superior ao 14%, en Galicia apenas superou o 5%. “Haberá algún motivo para que isto sexa así, a pesar de que seguro que para o señor Navarro é culpa única e exclusivamente dos condutores galegos, que circulan apesadumbrados e tristones. Culpa das manifestamente mellorables estradas galegas seguro que non é”

A XUNTA DEIXOU PASAR MEDIA LEXISLATURA SEN POÑER EN MARCHA O TRANSPORTE METROPOLITANO NIN O TRANSPORTE NOCTURNO PARA MOZOS NAS ZONAS DE OCIO

2007-06-28T16:11:00.001Z

Xa no ecuador da actual lexislatura, a Xunta de Galicia continúa sen poñer en marcha o plan de transporte metropolitano e mantén paralizada a implantación do transporte nocturno para mozos en zonas de ocio, segundo denunciou hoxe no Pleno do Parlamento o voceiro de Obras Públicas e Transportes do Grupo Popular, Alejandro Gómez Alonso.

Ao responder a unha comparecencia da conselleira de Política Territorial, Obras Públicas e Transportes, o deputado popular acusou a María José Caride de se ter desentendido, nestes dous anos, do compromiso, adquirido no acordo de Goberno do bipartito, de implantar un plan de transporte público de cercanías nas áreas metropolitanas.

MODELO SATISFACTORIO IMPLANTADO POLO PPdeG

Recordou que, a día de hoxe, o transporte metropolitano só funciona satisfactoriamente nas áreas da Coruña e Ferrol, onde foi implantado polo anterior Goberno do PPdeG, mentres presenta serias dificultades en Santiago de Compostela, a única cidade onde o bipartito tentou poñelo en marcha.

Pola contra, o resto das cidades galegas carecen deste servizo, a pesar de que a proposta estaba recollida nos programas electorais de socialistas e nacionalistas, que mesmo se comprometían a construír estacións intermodais nas 7 grandes urbes da Comunidade. Ademais, a única proposta de resolución aprobada en materia de transportes no pasado Debate sobre o Estado da Autonomía instaba ao Goberno a poñer en servizo os plans de transporte metropolitano de Vigo, Ourense, Pontevedra e Lugo no primeiro semestre de 2007, sen que ata o de agora se teña producido avance algún.

Cálculos elaborados polo PPdeG sinalan que un sistema de transporte metropolitano eficiente podería prestar servizo ao 60% da poboación de Galicia, o que se traduciría nun notable incremento do transporte público e unha redución proporcional da conxestión viaria e a contaminación provocada polo tráfico.

De igual xeito, Gómez Alonso recordou á conselleira de Política Territorial que tampouco se ten rexistrado avance algún para implantar o billete único de transporte intermodal nas áreas urbanas e metropolitanas, aínda que tamén estaba recollido nas bases programáticas para a acción de Goberno.

NOITEBÚS

O mesmo sucede co transporte público nocturno para mozos en “zonas de copas”, tamén coñecido como “Noitebús”. A pesar da necesidade de implantar este servizo de xeito permanente para reducir a utilización dos vehículos particulares e frear a elevada sinistralidade viaria asociada aos hábitos de ocio nocturno, a Xunta limitouse a publicar unha orde dotada con 800.000 euros. Desta cantidade, 200.000 euros destinaranse a pagar facturas pendentes. Gómez Alonso considerou dubidoso que Política Territorial poda ser capaz, cos 600.000 euros restantes, de estender o transporte nocturno ata conseguir o obxectivo de transportar a 500.000 usuarios anuais no horizonte de 2010.

O orador tamén chamou a atención sobre a incapacidade de Política Territorial para regular a actividade do sector do transporte en Galicia. O pasado ano, a Consellería presentou un borrador de anteproxecto de lei de fomento do transporte público colectivo, rexeitado masivamente polo sector e do que non se volveron ter noticias desde entón.

A PUBLICIDADE CUBRE O BALEIRO DE XESTIÓN

Fronte a este escenario de inoperatividade, Gómez Alonso destacou o esforzo propagandístico da Consellería que dirixe María José Caride, que se empeña en cubrir con páxinas publicitarias o baleiro que caracterizou a xestión dese departamento nos dous anos transcorridos desde o cambio de Goberno.

CARENCIAS DO TRANSPORTE FERROVIARIO

Ao mesmo tempo, o deputado popular desvelou as eivas do último convenio asinado entre a Xunta e Renfe para a prestación de servizos ferroviarios de media distancia que desaproveita a posibilidade de poñer en marcha un tren de cercanías, o que converte a Galicia na única Comunidade Autónoma do litoral que carece deste servizo, que podería reducir o uso dos vehículos ata nun 50% para enlaces como Vigo-Pontevedra ou Ferrol-A Coruña. Do meso xeito, nada se sabe da posible data de incorporación dos talgos de sétima xeración para as conexións entre Galicia e a Meseta, pola que seguen circulando convois da terceira xeración.

TRANSPORTE MARÍTIMO NA RÍA DE VIGO

O voceiro de Transportes do Grupo Popular fíxose eco, ao mesmo tempo, do malestar que reina entre os usuarios habituais do transporte marítimo na Ría de Vigo, que acusan á Xunta de botar abaixo este servizo, como o demostra o feito de que tan só entre xuño e decembro de 2006 teña perdido 120.000 viaxeiros.

O deputado pediu á conselleira que explique as características do plan de liberalización do transporte na Ría (á que está obrigada por un mandato da Comisión Europea) que deberá poñer en marcha, como moi tarde, despois deste verán, a cal vai ser a política tarifaria deste servizo para que poda competir con outros medios de transporte.

SEN MODELO PARA AS AUTOESTRADAS DO MAR

Gómez Alonso tamén instou á conselleira de Política Territorial a que defina a postura da Xunta en relación coa configuración das liñas marítimas que deberán aspirar, este mesmo verán, a configurar as futuras autoestradas do mar. Galicia continúa sen un modelo definido, con portos que compiten entre si e tamén cos de Xixón e Bilbao.

PSOE E BNG REXEITAN A POSTA EN MARCHA DUN PLAN DE TRANSPORTE PÚBLICO NOCTURNO NAS ZONAS OCIO PARA REDUCIR O USO DO COCHE POR PARTE DOS MOZOS

2007-06-28T16:10:00.001Z

Socialistas e nacionalistas rexeitaron estar tarde, na Comisión de Ordenación Territorial do Parlamento, unha proposición non de lei na que o Grupo Popular propoñía que a Xunta desenvolva e consolide, coa colaboración dos concellos, un plan de transporte público nocturno nas zonas de ocio que rexistran unha elevada afluencia de mozos.

A proposta promovida polo voceiro de Infraestruturas do Grupo Popular, Alejando Gómez Alonso, defendía a posta en marcha deste plan en 2007, e con vocación de continuidade ao longo de todo o ano, máis aló da época estival, nun intento de reducir o uso de vehículos particulares e, polo tanto, poñer freo ao elevado número de accidentes de tráfico que se rexistran durante as noites das fins de semana, especialmente entre os mozos que frecuentan zonas de ocio.

Esta proposta do PPdeG enmárcase no decreto 80/2005, de 31 de marzo, aprobado polo anterior Goberno galego, polo que se regulan os servizos de transporte público aos lugares de lecer e esparexemento, en franxas horarias non atendidas polo transporte público colectivo. Previamente, un decreto do ano 1996 xa recollía a posibilidade de que os taxis poidesen prestar servizo en concellos limítrofes cunha elevada concentración de lugares de lecer.

A pesar da acollida satisfactoria que a experiencia de transporte colectivo nocturno –Noitebús-, posto en marcha pola Xunta entre o 7 de xullo e o 26 de agosto do pasado ano, tivo entre os usuarios, o Goberno bipartito preferiu ignorar esta medida, promovida polo anterior Executivo do PPdeG, e non presupostou partida económica algunha coa mesma finalidade para o ano 2007.

En todo caso, o PPdeG agarda a que se produza a comparecencia da conselleira de Política Territorial, Obras Públicas e Transportes, no Pleno do Parlamento previsto para o próximo martes, tendo en contra a sucesión de contradicións que se están a producir entre os anuncios de María José Caride, a súa xestión á fronte dese departamento e os posicionamentos que adoptan os grupos políticos que apoian na Cámara ao Goberno bipartito.

O PPdeG CONVIDA A PSOE E BNG A FACER DO AVE UNHA “CUESTIÓN DE PAÍS” E PROPÓN UN ACORDO UNÁMIME PARA RECLAMAR A FOMENTO QUE CUMPRA OS COMPROMISOS

2007-06-07T15:03:00.002Z

O PPdeG convidou hoxe a socialistas e nacionalistas a situar as infraestruturas no centro do debate político, converténdoas nunha “cuestión de país” e propuxo a materialización dun acordo unánime dos grupos parlamentarios para “facer forza en Madrid” e reclamar que o Ministerio de Fomento efectúe os investimentos necesarios para poder executar as obras da alta velocidade ferroviaria no prazo máis curto posible. A proposta foi efectuada hoxe no Pleno do Parlamento de Galicia polo voceiro de Infraestruturas do Grupo Popular, Alejandro Gómez Alonso, no debate dunha moción sobre os prazos para a chegada do Ave.

Como primeira medida, o PPdeG considera que a Xunta e Goberno central deben recoñecer o retraso acumulado polas obras que están en marcha ou programadas para, de seguido, efectuar un seguimento conxunto de cada un dos proxectos conxuntos.

Gómez Alonso reprochou os “silencios electorais” do presidente da Xunta e do candidato socialista á Alcaldía de Vigo en relación cos prazos comprometidos polo presidente do Goberno en relación coa chegada do Ave á cidade olívica.

ZAPATERO MENTIU AOS VIGUESES

O deputado popular atribuíu esta ausencia de referencias ao feito de que tanto Touriño como Caballero “saben que Zapatero mentiu aos vigueses comprometendo un prazo irrealizable para a conexión de Vigo coa Meseta (2012), xa que ese AVE non entrará en servizo ata os anos 2015 ou 2016, dado o retraso co que o Ministerio de Fomento está a efectuar todos os trámites previos á licitación das obras. Proba diso, é que na emenda formulada por PSOE e BNG á moción defendida hoxe polo PPdeG nin sequera se atreven a fixar a data anunciada por Zapatero para a entrada en servizo do Ave entre Vigo e Ourense.

A SOIDADE DE VALGA FRONTE AO ADIF

Na súa intervención, Gómez Alonso reprochou aos integrantes do Goberno bipartito que de dediquen a falar de conceptos como autogoberno ou nación galega, cando non son capaces de dar exemplo e deixaron ao Concello de Valga en “soidade” durante as negociación co Administrador de Infraestruturas Ferroviarias (ADIF) para a supresión dos 14 pasos a nivel do municipio, especialmente o de Campaña, onde o pasado 25 de abril se rexistrou un accidente que se saldou con tres vítimas mortais.

Este contexto, no que a Xunta “nin sequera foi capaz de defender os intereses dos veciños de Valga fronte ao ADIF”, explica que a o bipartito non esixa prazos nin investimentos para materializar o Ave en Galicia.

Gómez Alonso apuntou na súa intervención que, “por sorte, cada vez falta menos para que se celebren Eleccións Xerais en España, para que Magdalena Álvarez deixe o Ministerio de Fomento e para que o señor Zapatero volva á oposición”. Será entón, con Mariano Rajoy na Presidencia do Goberno central, cando se materialice o recente compromiso documental rubricado polo Partido Popular no que se recollen os prazos de finalización da alta velocidade ferroviaria galega, para superar o retraso que acumulan as obras na actualidade e poñer fin á discriminación á que Galicia está sendo sometida.

Neste documento, o Partido Popular comprométese a incluír, dentro das actuacións dos 100 primeiros días do novo Goberno de España, todas as medidas políticas, administrativas e orzamentarias necesarias para garantir:
• A conexión das sete grandes cidades galegas por AVE con Madrid en menos de tres horas
• Licitar en 2008 todas as actuacións cuia tramitación ambiental estivese finalizada
• Entre as medidas a adoptar para acelerar a tramitación e a execución das obras pendentes, asúmese o compromiso de utilizar o procedemento de licitación conxunta de proxecto e obra, no caso de que aínda non se iniciase a redacción dos proxectos construtivos, nas seguintes actuacións:
- AVE Vigo-Ourense
- AVE Ourense-Lugo
- AVE Ferrol-A Coruña
- AVE Vigo-fronteira portuguesa

FOMENTO CORRIXE OS PRAZOS DE ZAPATERO PARA O AVE VIGO-OURENSE, QUE TARDARÁ MÁIS DE UN ANO EN TER O O ESTUDO INFORMATIVO PREVIO Á LICITACIÓN DAS OBRAS

2007-06-07T15:03:00.001Z

O anuncio de licitación dos catro últimos subtramos do trazado Lubián-Ourense da conexión ferroviaria de alta velocidade entre Galicia e a Meseta, efectuado onte polo Ministerio de Fomento, desautoriza a recente promesa de Rodríguez Zapatero de conectar Vigo con Madrid por AVE no ano 2012.

O voceiro de Infraestructuras do Grupo Popular, Alejandro Gómez Alonso, subliña que a licitación efectuada onte evidencia o notable retraso que acumula a tramitación do AVE Vigo-Ourense respecto ao trazado Lubián-Ourense, que aínda así tamén se está a executar con retraso sobre as previsións iniciais.

No caso dos catro subtramos do AVE Lubián-Ourense, licitados onte, Fomento xa aprobara estudo informativo hai máis de un ano. Mentres, o estudo informativo do Ave Vigo-Ourense, iniciado hai 38 meses, non será aprobado, no mellor dos casos, ata setembro de 2008, no suposto de que poda ser exposto ao público o próximo verán

Deste xeito, unha vez efectuada a licitación e a redacción do proxecto construtivo, as obras non poderán adxudicarse antes do outono de 2010. A duración das obras, estimada nun mínimo de catro anos se non xurden contratempos adicionais, e un ano máis para a electrificación da vía, sitúa a posta en marcha desta conexión, no mellor dos casos, para os anos 2015 ou 2016.

Para o deputado popular, a licitación divulgada onte polo departamento que dirixe Magdalena Álvarez desautoriza claramente o anuncio efectuado polo presidente do Goberno, Rodríguez Zapatero, no acto electoral que protagonizou en Vigo o pasado 6 de maio, no que anunciou que a conexión por AVE con Madrid sería unha realidade no ano 2012.

“No mitin das Travesas, Zapatero mentiu aos vigueses comprometendo un prazo que sabía é irrealizable para a chegada do AVE á cidade; mágoa que as mentiras sexan o soporte principal de todo o programa electoral co que Abel Caballero concorre ás Eleccións municipais”, agrega Gómez Alonso.

CARIDE MINTE AO AFIRMAR QUE NON PODE REBAIXAR A PEAXE DA AP-53 E DISPÓN DE ANTECEDENTES QUE ACREDITAN A VIABILIDADE DA PROPOSTA

2007-06-07T15:02:00.000Z

A conselleira de Política Territorial, María José Caride, minte á totalidade dos usuarios da autoestrada AP-53 cando afirma que carece de fórmulas para presionar á empresa concesionaria e tratar de reducir o importe da peaxe, xa que no propio departamento que dirixe dispón de antecedentes que acreditan a viabilidade da proposta, reclamada unanimemente polos habitantes da comarca do Deza, os máis prexudicados por unhas tarifas que superan á media deste tipo de vías.

O voceiro de Infraestruturas do Grupo Popular, Alejandro Gómez Alonso, recorda que, en datas recente, a propia conselleira anunciou que o trazado de dous quilómetros de uso compartido para a AP-53 (no tramo máis próximo a Compostela) e a futura autovía que unirá Santiago con Cacheiras, será de balde. A xuízo de Gómez Alonso, se a Xunta ten capacidade para facer gratuíta unha parte do traxado da autovía, “máis doado debería resultar rebaixar o importe da peaxe para o conxunto dos usuarios da autoestrada”.

RENEGOCIAR A DEVOLUCION DO PRÉSTAMO PARTICIPATIVO

Como fórmula alternativa, Gómez Alonso propón unha negociación da Xunta co Ministerio de Fomento para que o Goberno central reformule as condicións do préstamos participativo que permitiu a construción da autoestrada e que Acega –a empresa concesionaria- debe comezar a reembolsar en 2007 con cargo aos beneficios obtidos. Para os populares, unha redistribución do reintegro do préstamo é perfectamente posible sempre que Xunta e Goberno central teñan vontade de atender as demandas de redución das tarifas plantexadas polos usuarios.

En todo caso, os populares entenden que unha rebaixa da peaxe traduciríase nun incremento do número dos usuarios, polo que os ingresos finais da concesionaria non só non se verían reducidos senón que, incluso, se poderían incrementar ao remate de cada exercicio.

Gómez Alonso esixe á conselleira de Política Territorial que explique cales son as verdadeiras razóns que a levan a “empecinarse en maltratar á comarca do Deza”, negándose a negociar unha rebaixa das tarifas e acúsaa de utilizar este asunto como arma política para chantaxear aos concellos en vésperas das Eleccións Municipais.

Neste contexto, Gómez Alonso recorda que os grupos políticos que apoian ao Goberno bipartito –PSOE e BNG- impediron incluír na orde do día da última Comisión de Obras Públicas celebrada no Parlamento de Galicia, a pasada semana, unha proposición non de lei na que o PPdeG reclama unha redución das tarifas. Trataban e conseguiron, unha vez máis, gañar tempo para evitar votar en contra dunha medida impopular a escasas datas das Eleccións Municipais, agrega o deputado popular.

A XUNTA REITERA NO PARLAMENTO QUE NON ESTÁ DISPOSTA A REBAIXAR A PEAXA DA AUTOESTRADA SANTIAGO-DOZÓN

2007-06-07T15:01:00.000Z

O director xeral de Obras Públicas da Xunta, Manuel Morato, reiterou hoxe no Parlamento que o Goberno bipartito non está disposto a rebaixar a peaxe da autoestrada AP-53, entre Santiago e Dozón, tal e como reclaman os usuarios, especialmente os da comarca do Deza. Ao responder a unha pregunta do voceiro de Infraestruturas do Grupo Popular, Alejandro Gómez Alonso, o representante da Xunta engadiu que se os veciños reclaman unha rebaixa da peaxe deben solicitala ao Concello de Lalín, obviando que o bipartito ten asumido, con cargo aos seus propios presupostos, a supresión de peaxes noutras áreas de Galicia, como A Barcala, a Ponte de Rande ou o tramo Dozón-Ourense da propia AP-53.

Pese á insistencia de Gómez Alonso, o director xeral de Obras Públicas da Xunta tampouco desvelou se o presidente da Xunta está disposto a recibir aos integrantes da Comisión Especial para a rebaixa da peaxe, que leva recollido milleiros de sinaturas para reclamar a materialización desta demanda.

A xuízo de Gómez Alonso, a resposta do responsable de Obras Públicas puxo de manifesto que a Xunta non ten intención de rebaixar as tarifas, non dispón de estudo algún sobre a proposta e négase a solicitalo á empresa concesionaria, Aceaga.

Con esta actitude, a Xunta “pisotea” aos veciños da comarca do Deza e pon de manifesto, que “votar ao PSOE equivale a emitir un voto en branco ou nulo, porque son incapaces de outorgar a esta comarca un trato equilibrado, semellante ao que dispensan ao resto de Galicia”, afirma Gómez Alonso. Por iso, pediu que os veciños tomen nota desa actitude e emitan un voto de castigo aos socialistas o 27-M.

O deputado popular apunta que cos 280 millóns de euros que a Xunta destinará á supresión da peaxe do tramo Dozón-Ourense da AP-53, a Xunta podería executar unha autovía de balde entre Pontevedra e Lugo, atravesando o Deza, como reclama o alcalde de Lalín. En opinión de Gómez Alonso, esta infraestrutura si contribuiría a incrementar a calidade de vida e dos servizos públicos dos 350.000 habitantes desta área da provincia de Pontevedra, ademais de supoñer unha aposta polo desenvolvemento económico do interior.

ZAPATERO E ABEL CABALLERO MINTEN AOS VIGUESES E OCULTAN QUE O AVE NON CHEGARÁ A VIGO ANTES DOS ANOS 2015 OU 2016

2007-06-07T15:00:00.000Z

O presidente do Goberno e mailo candidato do PSOE á Álcaldía de Vigo mentiron ao conxunto dos vigueses ao comprometer a chegada do ave á cidade para o ano 2012, cando o certo é que non será posible, no mellor dos casos, ata o anos 2015 ou 2016, e só no suposto de que non se produzan retrasos adicionais aos acumulados nos últimos anos. Son datos proporcionados hoxe no Parlamento polo voceiro de Infraestruturas do Grupo Popular de Galicia, Alejandro Gómez Alonso, no debate dunha interpelación dirixida á conselleira de Política Territorial para demandar información sobre as obras da alta velocidade en Galicia.

Gómez Alonso argumentou que no suposto de que o estudo informativo do Ave Vigo-Ourense (iniciado hai xa 38 meses) se expoña ao público en xuño deste ano, a aprobación definitiva do trazado, incluída a declaración de impacto ambiental, non será posible ata setembro de 2008. Logo da licitación e a redacción do proxecto construtivo, as obras non poderán adxudicarse antes de outubro de 2010. Tendo en conta que as obras tardan un mínimo de 4 anos en executarse, aos que hai que sumar un ano adicional, polo menos, para electrificar a vía, o deputado popular concluíu que Vigo non disporá de Ave, como moi cedo, ata os anos 2015 ou 2016.

O EIXO ATLÁNTICO, TAMÉN CON RETRASO

O deputado popular tamén analizou, na súa intervención, o estado de execución do eixo atlántico de alta velocidade ferroviaria. Tan só a totalidade do trazado entre A Coruña e Santiago está en obras ou en servizo; entre Santiago e Pontevedra, as obras só se iniciaron nalgúns tramos; mentres que os cinco tramos entre Pontevedra e Vigo están adxudicados ou en proceso de adxudicación, pero ningún deles comezou aínda a ser executado. Neste escenario, Gómez Alonso concluíu que, a este ritmo, é imposible que o ave do auto atlántico estea rematado antes do ano 2014.

Pola contra, o Plan Galicia aprobado polo Goberno do Partido Popular contemplaba a construción de máis de 900 quilómetros de vías de alta velocidade en Galicia, cun investimento de preto de 7.000 millóns de euros para conectar as sete cidades galegas con Madrid en menos de tres horas, e entre elas nunha media de 30 minutos, no horizonte do ano 2010.

Diversos analistas, como os autores dun informe feito público por CC.OO. opinan que, ao actual ritmo investidor, Galicia non disporá de tren de alta velocidade ata o ano 2017. Nesta liña, a Confederación de Empresarios de Galicia tamén ten advertido que o freo investidor e o conseguinte retraso na chegada do ave a Galicia apraza investimentos empresariais e condiciona o desenvolvemento de Galicia.

Como exemplo do impacto da entrada en servizo das liñas de alta velocidade, Gómez Alonso recordou que a poboación de Cidade Real pasou de 48.000 a 72.000 habitantes en 15 anos, o tempo transcorrido desde a posta en funcionamento do primeiro ave español, o que enlaza Madrid con Sevilla desde o 21 de abril de 1992. A alta velocidade ferroviaria capta o 80% dos viaxeiros nos traxectos inferiores ás dúas horas e media de duración.

GALICIA, Á COLA DE ESPAÑA EN ALTA VELOCIDADE

Fronte a ese escenario de retrasos e incumprimentos en Galicia, o deputado popular recordou que dentro de tres anos, España pasará de contar cos 1.031 quilómetros actuais de vías de alta velocidade a dispoñer con 2.230 quilómetros de ave en funcionamento, converténdose no país do mundo con mellores dotación deste tipo, superando incluso a Francia e a Xapón, segundo datos recollidos nun recente informe da Unión Internacional de Ferrocarrís e anunciados polo presidente do Goberno central. “Pero o certo de todo isto é que, entón, en Galicia non haberá nin un só quilómetro de ave en servizo”, argumentou Gómez Alonso, quen tamén puxo de manifesto que esta Comunidade será a última en dispoñer desa infraestrutura de transporte.

Máis a curto prazo, a finais de 2007, 15 millóns de españois, residente en 17 capitais de provincia disporán de acceso directo a liñas de ave.

FOMENTO CORTOU AS ÁS AO AVE GALEGO

Neste contexto, Gómez Alonso laiouse de que en Galicia “estamos condenados a ter un ave de quinta xeración, porque o Ministerio de Fomento cortoulle as ás ao ave galego, como acreditan os 700 quilómetros de vías que deberían estar en obras e continúan paralizados a día de hoxe”.

PASOS A NIVEL EN GALICIA: Actuacións programadas e con cronograma sen descoidar o mantemento e a inspección.

2007-06-07T14:58:00.000Z

Antecedentes:

Desde o ano 2000, en Galicia perderon a vida máis de 12 persoas por accidente en pasos a nivel e desde o ano 2004 sumano6 persoas entre Santiago e Vilagarcía.

- O ADIF non ten contemplado nin un so euro para os proxectos de plataforma, vías e pasos a niveis en Galicia (6,4 millóns de euros en Barna para 2007). Existen partidas para reposición e mellora infraestructuras.

Actuacións:

- En primeiro lugar debe realizarse unha INSPECCIÓN URGENTE POR PARTE DO ADIF sobre os distintos tipos de sinalización horizontal, vertical, luminosas, acústicas, barreiras e as demáis instalacións de protección de pasos a nivel para adoptar medidas inminentes e imprescindibles para garanti-la seguridade.

• Nese paquete de medidas urxentes debe incluírse a actualización dos protocolos de mantemento e protección nos casos de avaría.

• As administracións autonómica e local tamén deben proceder á revisión inmediata das sinalizacións e demáis medidas da súa competencia en función do vial de que se trate. Neste punto, dado o tamaño da maioría dos concellos, a Xunta debe subsidiariamente garanti-la actuación dos concellos.

- Proceder a unha AVALIACIÓN ECONÓMICA E TÉCNICA DA XENERALIZACIÓN DAS MEDIDAS DE PROTECCIÓN sobre os pasos a nivel tanto das que afectan os viais coma circulación dos trens, tratando de universaiza-la tecnología que se dispón nestes intres.

- Establecemento dun PLAN DE ELIMINACIÓN DE PASOS A NIVEL en Galicia.

1-. Situación actual dos pasos a nivel existentes e das actuacións en curso por parte do ADIF e o Ministerio de Fomento.

2-. Determinación das actuacións a desenvolver, en función da intensidade do tráfico, urxencia ou singularmente prioritarias.

• Eliminacións por novo trazado
• Eliminación por obras en curso
• Eliminacións en proxecto
• Eliminacións en estudio
• Non eliminación: pasos a nivel a proteger segundo as máximas medidas das que se dispón na actualidade.

3-. CRONOGRAMA MINUCIOSO:

• Determinación dun prazo límite ambicioso nos pasos a nivel que se vaian a suprimir e como se actuaría en caso de incumprimento.

• Programa de instalación e mantemento dos distintos tipos de medidas que a tecnología actual permite.

4-. CUANTIFICACIÓN ECONÓMICA dos distintos programas de actuación.

• Financiamento: Administración Central (ADIF), Autonómica, Provincial e Local dependendo dos viais onde se vaia a actuar. A Xunta debe actuar con carácter subsidiario respecto do nivel local dado a realidade financiera dos concellos, non así das Deputacións.

Instrumentalización da planificación e dos programas de actuación.

• Para facilitar e axiliza-los convenios necesarios polas distintas administración intervintes debe de aproveitarse o vixente Acordo 2000-2007 entre o Ministerio de Fomento / RENFE(ADIF) / Xunta de Galicia.

Dinamización por parte da Comisión de seguemento contemplada nese acordo. Creación de comisión técnicas sobre a materia.

5-. FINANCIAMENTO:

• Revisión do Acordo 2000-2007 con reprogramación dos fondos sobrantes, no seu caso.

• En liña co xa comentado, debe ser soportada pola administración central e a autonómica e as Deputacións segundo o tipo de vía de que se trate. A Xunta debe actuar supletoriamente respecto dos concellos dunha maneira priorizada e transparente .

• Establecer algún mecanismo que permita aproveitar créditos non ejecutados nos últimos exercizos en investimentos en Galicia na alta velocidade como sucede no AVE Santiago-Ourense .

• Renegocia-lo actual Acordo 2000-2007 onde Galicia é a única Comunidade Autónoma que financia a alta velocidade en España como está contemplado na saída sur en Vigo, destinando eses fondos inmediatamente á eliminación e protección de pasos a nivel.

CONCLUSIÓNS:

- Problema de falta de normativa sobre a materia ou carencia de tecnología, de planificación, programación económica e coordinación interadministrativa, con reordenamento das prioridades económicas e presupostarias pero sen esquecer nunca o correcto mantemento das instalacións e a revisión dos protocolos de actuación en caso de avarías, fallos nos sistemas de alimentación, etc.

- Os intrumentos xurídicos fundamentais existen e están vixentes o que hai é que dinamizala Comisión de seguimento prevista no Acordo 2000-2007. Hai que proceder a creación de Comisións técnicas co Ministerio e co ADIF para poder afrontar en menos de tres meses o punto 3. deste informe .

- En Galicia na actualidade existen 276 pasos a nivel; estase actuando en 196, dos cales 52 están en obras, 99 en proxecto e 45 en estudio. Son especialmente sensibles os pasos a nivel de certas localidades: O Porriño, Betanzos , Padrón-Pontecesures-Valga, Pontedeume, Fene, Narón.

- En 80 non se está facendo nada
- Do total, estase a actuar no 71% (196). De estos, o 19% está en obras e o 81 en proxecto ou estudio.

- En termos económicos a eliminación de catro pasos a nivel supón aproximadamente 1.400.000 euros; a instalación de sinais luminosas e acústicas 200.000 euros cada unha.

- O 30 de marzo de 2007 o ADIF aprobou no seu consello de administración as obras de supresión de 14 pasos a nivel (5.721.192 euros) e o suministro e instalación de sinalización luminosa e acústica en 25 pasos a nivel por importe de 6.089.601 euros.